Bruises and Scars (Completed) (To edit)

CHAPTER 15: BALLOONS

CHAPTER 15: BALLOONS

 

“Yes, Vera?” Sabi ni Elijah sa kausap niya habang nakatingin pa rin sa akin.

Dali dali akong tumayo at umalis doon. Ayokong marinig kung ano man ang pag-uusapan nila. At isa pa, nahihiya ako kay Elijah. Hindi ko alam kung anong nangyari sa amin kanina at kung bakit nangyari ang hindi dapat mangyari. Mabuti na lang at hindi niya ako pinigilan umalis kaya nagtuloy tuloy ako papunta sa hotel hanggang sa makarating ako sa kwarto ko. Inilock kong mabuti yung pinto pati doon sa connecting door sa kwarto namin Elijah. Hindi ko kasi alam kung paano ko siya haharapin.

At isa pa, naiinis ako sa ideyang kausap na naman niya si Vera. Nakakabwisit.

Haaaaaaaaaaaayy…Parang sirang plaka na paulit ulit na nagrereplay sa utak ko yung nangyari kanina.

Kahit na hindi ako tumingin sa salamin, alam kong namumula ako ng sobra ngayon.

Ghaaaaaaaaaaaaaaaaaaaad..Nakakahiya talaga!

Dumapa ako sa kama ko at nagtakip ng unan. Pilit kong inaalis sa utak ko yung nangyari kanina pero hindi ko magawa. Kahit papaano, parang natuwa ako sa nangyari. Bakit? Kasi napatunayan ko na hindi lang kapatid yung turing sa akin ni Elijah. Hindi naman niya siguro gagawin yung ang tingin niya lang sa akin ay nakababatang kapatid lang diba? Ibig sabihin, nakikita niya rin ako bilang isang babae.

Tae. Kinikilig ako. Kahit na walang confirmation na tama nga ang hinala ko, di ko pa rin maiwasan ang hindi matuwa. Dahil so sobrang kinikilig ako di ko mapigilang hindi tumili.

“Kyaaaaaaaaaaaaaaaaaaaaaaah—“

“HEATHER! ANONG NANGYAYARI SA’YO? BAKIT KA SUMISIGAW? BUKSAN MO NGA TONG PINTO!”

Napahinto ako sa pagtili ko ng marinig ko ang boses niya. Napatakip tuloy ako bigla ng bibig. Bumalik na pala siya sa kwarto niya at parang kulang na lang eh gibain niya yung connecting door ng kwarto namin sa sobrang lakas ng pagkalampag niya.

“A-ANO…W-WALA LANG TO! A-AKALA KO KASI MAY NAKITA AKONG IPIS!” Sigaw ko at hindi pa rin ako lumalapit para pagbuksan siya.

‘Maniwala ka sana’ cross fingers na sabi ko.

“EH BAKIT NILOCK MO TONG PINTO? BUKSAN MO NGA TO!”

Hala. Anong gagawin ko? Ayoko pa muna siyang harapin kasi nahihiya ako sa kanya pero kapag hindi ko binuksan yung pinto baka wasakin niya yun mabuksan lang. Napakagat ako sa daliri ko dahil hindi ko alam kung anong dapat na gawin ko. Kinalma ko muna yung sarili ko at huminga muna ako ng malalim bago nagsalita.

“SANDALI LANG. BUBUKSAN NA!” Sigaw ko at dahan dahan akong lumapit sa pintuan.

‘This is it. Kaya ko to!.’ Sabi ko sa sarili ko.

Dahan dahan kong binuksan yung pintuan at sumalubong sa akin ang nag-aalalang mukha ni Elijah.