His Indecent Proposal: Lander Montenegro

Chapter 24

"LOLA PEACH, nanaginip lang po ba ako? Totoo po ba na pakakasalan ako ni Just Lander?" tanong ko kay Lola matapos nila akong hilahin sa isang maliit na kuwarto. Kailangan daw kasi nila akong ayusan bago ang kasal.

"Nakow! Eh, kung fingerin kaya kita ngayon, nang malaman mo kung nanaginip ka lang o hindi?"

Sumingit si Lola Merdie na may bitbit na damit. "Oh sya, eh tama na muna iyang usapang-kahayupan. Bilisan na natin at mainipin si Piccolo."

Si Piccolo marahil iyong ex nya na tila dalawang ulo na magkapatong ang mukha. Ayon pa kay Lola Peach ay pahaba lang daw iyon at hindi magkapatong. Nagkataon din na wala kasi itong buhok kaya lalong naging oblong. Ito rin daw ang magkakasal sa amin.

"Wag niyong ini-ismol si Piccolo. Kahit hindi iyon mukhang tao ay makadiyos naman. Di niyo naitatanong, dati itong bilyaran na pinag-ipunan niya nang todo para mapagawa lang na maliit na simbahan. Minsan kasi sa buhay niya ay nangarap ding maging pastor ang ulupong na ex kong iyon."

Napapalakpak naman si Lola Peach. "Ang galing mo talagang pumili ng boys, Ati! Sana ol!"

Napairap si Lola Merdie. "But I don't need boys. Libangan ko lang sila dahil sa malungkot ang buhay ko. You know, umiikot lang sa pagpapadala ng pera para sa probinsiya."

Nakwento nga sa akin ni Lola Peach na may sinusustentuhan daw si Lola Merdie sa probinsya. May mga naiwan pa raw kasi silang kamag-anakan doon. Baka nga raw meron doong naiwang anak si Lola Merdie na hindi binabanggit sa kanya. Malihim daw kasi ang ati niya kaya hindi siya sigurado kung totoo. Isa pa, hindi niya ito kasamang lumaki dahil sanggol pa siya noong maghiwalay ang mga magulang nila kaya wala talaga siyang ideya. Hindi na rin nagpakita pa ulit si Lola Peach sa mga kamag-anakan nila dahil noong makalaya siya sa sindikato ay sa akin na umikot ang kanyang mundo. Pero kung may anak man sa probinsiya si Lola Merdie ay tiyak na matanda na rin daw iyon. Sobrang bata pa raw kasi ni Lola Merdie noong unang gumarutay.

"O siya. Magbihis ka na, hija, at baka naiinip na ang groom mo." 

Mabilis akong hinubaran ni Lola Merdie at sinuotan ng kulay gatas na baro. May inilagay naman si Lola Merdie na pulbos at kung anu-ano sa aking mukha at mga labi.

"Mayamaya lang ay isa ka na ring Montenegro. Tiyak na masasakal ako ng tatay mo kapag nalaman nyang kasabwat na naman ako sa eksenang ito."

"Ako po? Magiging Montenegro? Eh, di ba po, Montemayor ako?"

"Kapag ikinasal ka na kay Ser, ibig sabihin, asawa ka na nya." Si Lola Peach ang sumagot. "Dadalhin mo na rin ang apelyido nya. Magiging isa ka na sa kanila: Montenegro."

Kung ganoon, magiging Montenegro na pala ako. Hindi ko alam pero ang saya ko. Kinakabahan man pero nananabik ako. Gusto ko na na maging bahagi ako ng isang Montenegro.

"At alam mo ba kung ano ang pinakamasarap na bahagi pagkatapos ng kasal?" tanong ni Lola Merdie na ngiting-ngiti.

"Ano po?"

Napasighap si Lola Peach. "Ang honeymoon." Siya na ang sumagot.

"Honeymoon po?"

Sunud-sunod ang tango ni Lola Merdie. "Pulot-gata. Ito iyong kadyutan sa ilalim ng buwan."

May ganoon pala? Lalo tuloy akong nanabik.

"Kaya ihanda mo yang pepe mo. Kung gusto mo, mag-ahit ka." Ani Lola Peach habang sinusuklayan ako.

"Galingan mo sa kama, hija, para mabuntis ka." Payo naman ni Lola Merdie.

"Paano ko po ba gagalingan?" napanguso ako.