Gangster vs. Assassin - Published under PHR (Precious Hearts Romances)

Chapter 28: Connections

"ANO NANG NAKALAP mong balita, Charles? Nasa'n na si Xyrene?" Pang-sampung beses na tanong ni Xavier sa kaibigan.

Sapilitan kasi siya nitong dinala ng mga kaibigan sa GVA Clinic kung sa'n sila naroroon ngayon. Hindi pa sana niya iiwan si Xyrene do'n sa lalaking iyon ngunit dahil sa nanghihina ang buong katawan niya ay hindi na niya nagawang pumalag pa kanina.

"'Tol, pang-sampung sagot ko na 'to sa'yo, hindi ko alam. Okay?" Aniya ni Charles.

"Tss! Ba't ba kasi ako narito?!" Sabay tingin sa paligid ng clinic room na itsurang kwarto talaga ng isang ospital. "Paano kung--"

Hindi na muli niyang natapos ang sasabihin nang bigla siyang batukan ni Marco. "Argh!" Daing niya.

Tiningnan niya ito gamit ang nakakamatay na tingin. "Problema mo?!"

"Huminahon ka nga."

"At paano ako hihinahon kung kasama ni Xyrene 'yung lalaking iyon?" Binatukan pa siya nito muli. "Aray! Ano ba?!"

"Sabi na kasing huminahon ka eh."

"Taena mo ka, eh kung may gawing masama 'yung lalaking iyon sa kanya?"

"Xyrene can protect herself."

"No, she couldn't!"

Humalukipkip si Marco. "At paano mo nasabi?"

"'C-Coz, 'coz she's--"

"She's what?"

Napabuntunghininga na siya at sumagot. "'Coz she's a girl."

Nakita niyang napapailing iling ang iba niyang kasama. 'Yung tipong na-dissapoint sila sa naging dahilan niya. Tss. Ano bang mali sa sinagot niya? Masama bang isaalang alang niya ang pagiging babae nito bilang rason kung bakit hindi nito kayang protektahan ang sarili?

"Do you really think Xyrene can't protect herself from anyone, just because she's a girl?" 'Di makapaniwalang tanong ni Marco sa kanya.

"Yes." Walang kagatol gatol na turan niya.

Mas napailing iling sina Marco.

"You're underestimating her." Aniya ni Harold.

"No, I'm not."

"Yes, you are."

Napakunot noo na siya.

"Bakit ba mas may alam pa kayo sa kanya kesa sa'kin?!"

"Kilala mo nga ba siya, Xenon?" Napatingin siya muli kay Marco.