Iḍaq ṛṛuḥ
A leḥbab tikelt-a yid-wen dayen
Asmi iḍleq di leǧriḥ
A ttkawan ifadden
Ddunit ur iyi-d-tcuḥ
Tseqqa-iyi-d s lemḥayen
Ah !
Aken ara iruḥ d amectuḥ
Win mukkud tettqeṣṣirem
Iẓri-w yeɣleb leḥmali
Ul ixaq, dima yeḥzen
Ddunit teqqel-iyi d illili
Yegguma ad yekfu ussawen ..
Semsawiɣ garzeɣ lbur
Cebḥeɣ-t ifeǧǧeǧ d urqim
Ḥedreɣ mi neflen laɛrur
Cṭṭeben ula d ttlaqim
Yenquqel ujggagal n nnur
Tenfuf tmes s ddaw n wallim
Icebeḥ-d waṭṭan s ẓẓur
Yeṭṭef tasga deg wul yeqqim ..
Nudaɣ anwa ara sḍelmaɣ
Ay ddemugreɣ d iman-iw
Terra-yi tmara ad bibbaɣ
Azenbil n ddunit-iw
Waqila qrib ad s-ḍelqaɣ
Ad staɛfun lǧwareḥ-iw
Ur zhiɣ ur necraḥeɣ
Ssfina n lḥif d axxam-iw ..
Zdat-i ihudden leḥyuḍ
Iṭṭfen lbaḍna n wul-iw
Aḍar iruḥ deg uccuḍ
Tileɣleɣt tewweḍ idmaren-iw
Ad nexwreɣ kem ad tezhuḍ
Ur d-cligeḍ di lḥif-iw
Waqila gezmen lexyuḍ
Deg umurej yexnunes zzwaǧ-iw ..
Anda tella tanumi ?
Tettweɛfes, temḥa, dayen
Anda yella ubeḥri n tayri
I aɣ-yezuzunen ulawen ?
Ass-a kulwa amek i as-yuki
I tɛeǧǧaǧt i d-yesɣersen
Timlella ẓdant-iyi
Kemm tufiḍ win i d-iyi-yifen.
Iẓri-w yeɣleb leḥmali
Ul ixaq dima yeḥzen
Ddunit teqqel-iyi d ilili
Yegguma ad yekfu ussawen ..
# Matoub Lounès.
