Ay lawan greɣ-d d asfel
Ul-iw a ijeffel
Yerẓa-d arkel idmaren-iw ..
Ur d-iqqim deg-i leεqel
Ma d tuffɣa n leεqel
Teṭṭef tasga di lmux-iw ..
A win s-yennan ṣṣber yeshel,
Ad iyi-d-iqabel !
Ad yefreq yid-i aṭṭan-iw
Ay aḥlili
Ay aḥlili
A d ul-iw i yebɣan ti-gi
Ay aḥlili
Ay aḥlili
A yenɣa-yi wuzzu n tayri ..
Helkeɣ lehlak d afuḥan
Ṭṭebbat yellan
A win umi ḥkiɣ ad yesmeεraq
Ul-iw ewwten-t yiɣisan
Lǧiha yeḥlan,
A di tayeḍ ad iceqqaq ..
D ajenwi n lḥubb i yi-zlan
Yeǧǧa-yi isɣan
Ay asmi akken i d-uddreɣ leεcaq ..
Ay aḥlili
Ay aḥlili
A d ul-iw i yebɣan ti-gi
Ay aḥlili
Ay aḥlili
Ay lḥiɣ ɣef tergin ḥafi ..
Asmi akken i d-bedreɣ leεcaq
Ẓriɣ ad teɣraq
Ssfina n lehna yis-i
Yenɣa-yi wul s leḥmaq
Ǧǧiɣ-t isewwaq
Yewwi-d leǧruḥ d ccwami
Limer ad as-ḥekkmeɣ s lḥeqq
Ad yettufellaq
Ay umeεna ad yeglu yis-i ..
Ay aḥlili
Ay aḥlili
A d ul-iw i yebɣan ti-gi
Ay aḥlili
Ay aḥlili
A yenɣa-yi wuzzu n tayri ..
S kra n win yumnen ul-is
Ihegga nneεc-is
Ihegga abrid s aẓekka
Ur tetthenni ddunit-is
Tin teẓra tiṭ-is
Ad as-tt-id-yecṛeḍ di ddqiqa
Ma ur s-d-yeqḍi ara ccɣel-is
Ass-n d ccum-is
A kul iḍ ur t-yesgan ara ..
Ay aḥlili
Ay aḥlili
A d ul-iw i yebɣan ti-gi
Ay aḥlili
Ay aḥlili
A yenɣa-yi wuzzu n tayri ..
Ay aḥlili
Ay aḥlili
Ddiɣ ɣef tergin ḥafi ..
#Matoub Lounès.
