I Will Never Leave You [On-Hold]

Kabanata 1

"Uy! Asan ka na ba? Tsk. Tagal mo naman. Kanina pa ko naghihintay dito oh" Siya si Stephen Ledesma. Bestfriend ko yan since elementary. Madali yung pagiging close namin kasi magkaibigan din yug mga parents naming dalawa. Hindi ko alam kung bakit parati niya nalang akong minamadali kung siya ang nauuna pumasok samantala kapag ako naman ang nauna pumasok hindi naman ako nagrereklamo. Pero kahit ganun, nasanay na 'ko sa ugali ni Stephen - na napakarekladamor, gusto palaging sinusuyo, at nasusunod sa lahata ng mga gusto niya. 

"Oh teka lang, sandali. Papunta na talaga ako. Pramis malapit na talaga ako" Sagot ko naman sa kanya sa gitna ng pagtatawagan namin. Kahit na medyo malayo-layo pa ko ng konti, sinabi ko nalang na malapit na 'ko para wala ng reklamo. Mabuti nalang at konti lang ang mga tao dito sa jip kasi kung hindi, kanina pa siguro ako pinagtitinginan dito ng mga tao. Binaba ko nalang ang tawag niya para wala na kong marinig sakanya.

Kung paguusapan ang pagkakaibigan namin ni Stephen, hindi ko na mabilang kung ilang taon na kaming nagsasama. Napakabata pa kasi namin noon nung nagkakilala kami pero as far as I could rememeber, nung elementary days around grade 4 or 5 ata kami nagstart na maging close. Nung elementary ko kasi, wala talaga akong kaibigan na babae nun. Yung tipo ba na makakausap mo araw-araw, mahihiraman mo ng pencil o eraser, mapagmamayabangan mo ng mga bagong gamit mo. Pero yun nga, sayang kasi wala may gustong makipagkibigan sakin noon. Advantage naman noon kasi andiyan si Stephen na bagog lipat lang sa school ko. Sa kalagitnaan na siya ng school year lumipat kaya ako yung naging una niyang kakilala. Sinabihan din kasi ako ni Mama at Tita na samahan ko daw siya sa school kasi nahihiya daw siya. Kaya ayun, araw-araw ko siyang sinasahaman hanggang sa ngayon, magkasama pa din kami.

Although, lalaki siya, babae ako, walang awkward-akward saming dalawa. Di uso samin yan. Minsan nga sinasabihan kami ng ibang tao na "Kayo ba?". Siyempre ako naman parang wala lang sakin yun, alam ko naman kasi na magkaibigan lang talaga kami. Pero tong si Stephen, hay naku, ayaw paawat. Nung first day of class nitong school year, may nagtanong sakanya, actually new student ang nagtanong sakanya.

"Hi, girlfriend mo ba siya?" Malinamnam na sabi ng kaklase ko.

Nagtataka pa una si Stephen kung ano ang isasagot niya. "Ahh.. Oo girlfriend ko siya" Nungung mga oras na yun nagulat talaga ako. Dinilatan ko siya pero ngumiti lang siya sakin ng nakakaloko.

Simula nun, hala panay dikit sakin, panay tawag ng 'babe' sakin. Yung mga kaklase/barkada ko naman tawa lang tawa saming dalawa. Napansin ko din yung babae palagi nalang akong sinusungitan kahit nagmamagandang-loob naman ako sakanya. Ano to selosan? Simula nun, sinabihan ko na si Stephen na itigil niya na ang kakatawag na 'babe' sakin at pagpapanggap na girlfriend niya ko. Hindi kasi ako sanay na merong kumokontra sakin sa classroom. Pero tong isa, minsan may pagkakulit din eh. Ayaw palaging magpaawat kaya ako na nagsabi dun sa bagong kaklase namin na hindi naman talaga kami magkarelasyon. At alam niyo ba kung ano ang naging reaksyon? Ay naku, tuwang-tuwa. May gusto ata kay Stephen. Heh. Ano naman nagustuhan nun sa lalake? 

Oo, maraming naghahabol diyan pero hindi ko pa din alam kung bakit. Oo, pogi si Stephen o pagkatapos? Haynaku, ewan ko nalang sa mga babae ngayon. Minsan sinasabihan ko yang si Stephen na kung pwedi tigil-tigilan niya ang pakikipaglandian/pakikipagrelasyon sa mga babae. Take note mga, ibig sabihan marami. Naalala ko noon, meron yang nakalandian, tinanong ko kung seryoso siya, pero pagkabukas ko ng phone niya, ay naku, hindi pala. Madaming babaeng katext. Tinawagan pa 'ko ng isa sa mga babae niya. Grabe yung putak ng bibig, halos lamunin na ko ng mga mura niya. Yun pala nagseselos, akala daw niya ako yung isa sa mga girlfriend ni Stephen. After nun, hiniwalayan na ni Stephen at naghanap nanaman para pangdagdag. Teka, nagring nanaman phone ko.

"Oh asan ka na?" Inip na tanong niya sakin

"Ano ba? Di ba kakasabi ko na papunta na 'ko? Eto na sumasakay na. Malapit na talaga ako. Maghintay ka diyan ng 5 minutes" Inip na sagot ko din sakanya. Muntikan ko na sanang ibaba ang tawag niya kasi sobrang nakakahiya na dito sa ibang pasahero na medyo tumitingin nasakin.