ဓာတ်ပုံပို့မပေးရင်ပြန်လာမှာဟုခြိမ်းခြောက်ခံရလို့သာ သားငယ်လေးကိုအချိန်မီဆေးရုံတင်နိုင်ခဲ့တာ...အသံမကြားအောင်ဓာတ်ပုံရိုက်နေရင်း ဘယ်ဘက်ရင်ဘတ်အပေါ်လက်တစ်ဖက်နဲ့အတင်းဖိကပ်ကာလူးလွန့်လာတဲ့သားငယ်...ထိစပ်မတတ်တွန့်ကွေးသွားတဲ့မျက်ခုံးတွေကြောင့်ဝေဒနာဆိုတာခန့်မှန်းလို့ရသည်...
"သားငယ် ရင်ဘတ်အောင့်လို့လား"
"..."
ခေါင်းလေးကိုသာညိတ်ပြနိုင်တာမို့...
"လေးလေးတို့ဆေးရုံသွားရအောင်..."
"ဖေဖေ့ကိုခေါ်ပေး..."
"အင်း ခဏနော်"
သားကြီးမရှိလို့သားငယ်ကိုစိတ်မချဘူးဆိုကာလိုက်လာတဲ့ဖေဖေ...ကိုကိုမရှိလည်းဖေဖေ့ရင်ခွင်ထဲမှာသားဝေဒနာတွေဖြေဖျောက်နိုင်မှာပါ...
"သားငယ်..."
ဖြူဖျော့နေတဲ့နှုတ်ခမ်းလေးတွေနဲ့အတတ်နိုင်ဆုံးကြိုးစားပြုံးပြနေသေးတဲ့သားငယ်...ဒီကလေးလေးဝေဒနာခံစားရတဲ့အခါတိုင်းအတတ်နိုင်ဆုံးရှောင်ပြေးနေခဲ့တာ...ကြည့်ကိုမကြည့်ရက်တာမို့...
"ညနက်နေပြီ ဆရာဝန်မခေါ်တော့ဘူး ဖေဖေတို့ဆေးရုံသွားရအောင်နော်"
နဖူးကဆံပင်တွေသပ်တင်ပေးကာချော့မော့မိတော့အသာခေါင်းညိတ်ပြတာမို့...ပွေ့ချီလိုက်ရသည်...ပေါ့ပါးလွန်းလှတဲ့ခန္ဓာကိုယ်လေးရယ်...ဘယ်တုန်းကမှဝခဲ့ဖူးတာမဟုတ်တော့လည်းဖြေသာနိုင်ပါတယ်လေ...
"ပွင့်ပွင့်လင်းလင်းပြောရရင်သိပ်တော့အားမရလှဘူး"
"ဟို...ဆရာ...အတတ်နိုင်ဆုံး..."
"ဟုတ်ကဲ့ အတတ်နိုင်ဆုံးကျွန်တော်တို့ကြိုးစားကြည့်တာပေါ့ဗျာ အဓိကကတော့စိတ်ချမ်းသာဖို့ပဲ ဒီရောဂါဆိုတာမျိုးကစိတ်နဲ့ပဲဆိုင်တာခင်ဗျားတို့လည်းသိပြီးသားဖြစ်မှာပါ..."
"ဟုတ်ကဲ့"
ဆရာဝန်ထွက်သွားတော့ခေါင်းငုံ့လိုက်မိတဲ့အခါ လူမမြင်အောင်ကျဆင်းခွင့်ရလိုက်တဲ့မျက်ရည်စက်တွေ...ဘယ်မိဘမဆိုသားသမီးထက်ကိုယ်တိုင်ခံစားလိုက်ချင်တယ်ဆိုတာမျိုးမဟုတ်လား...
"သားငယ် နေသာရဲ့လား"
Oxygen Mask နဲ့အသက်ကိုရှူတယ်ဆိုရုံလေး...မြင်ရတဲ့သူသာဒီလောက်ခံစားရရင်ကာယကံရှင်ဆိုတာမေးနေစရာမလို...ရီဝေနေတဲ့မျက်လုံးတွေကိုအသာအယာမှိတ်ခတ်ပြီးအဆင်ပြေကြောင်းတုံ့ပြန်သည်...
"ဟင်း...ကိုကို...အင်...ဟင်း"
"သား...သားငယ်"
နှစ်ခြိုက်စွာအိပ်ပျော်နေတာပါဆိုပြီးစိတ်ချမလို့...ယောင်ယမ်းပြီးခေါ်တာကကိုကိုတဲ့...သတိရနေတဲ့ဘက်မှာလည်းနည်းပညာအရဖမ်းထားတဲ့ပုံရိပ်တွေနဲ့အလွမ်းဖြေနေလျက်...တစ်ဖက်ကဝေဒနာသည်းနေတဲ့အချိန်တစ်ဖက်မှာလည်းကြေမွသွားတဲ့မှန်ပြင်...သံယောဇဉ်ကြီးတယ်ဆိုတာဒါမျိုးလား...နှလုံးရပ်မှာစိုးလို့သေမင်းနဲ့အကျိတ်အနယ်စစ်ခင်းနေရတာနှစ်ကြိမ်တိတိ သုံးကြိမ်သာဆိုကံတရားကကိုယ့်ဘက်မှာရှိပါ့မလား...
"ဖေဖေ သားဖုန်းကော"
"ပါတယ်လေ သားသုံးချင်လို့လား"
"ကောင်းနဲ့ငဆက်ဆီဖုန်းဆက်ချင်လို့...ကိုကို့ဆီလဲဆက်မယ်"
သက်သာတဲ့အခိုက်အတန့်တောင်းဆိုလာတာ အပေါင်းအသင်းဆိုတာအများကြီးမရှိပေမဲ့ ရှိတဲ့သူတိုင်းအပေါ်သံယောဇဉ်ကြီးတတ်တဲ့သားငယ်...သူငယ်ချင်းတွေဆီဖုန်းအရင်ဆက်ပြီးပြုံးရွှင်နေပေမဲ့ တဖြည်းဖြည်းတိုးလျော့လာတဲ့အသံ...သူ့ကိုကိုနဲ့ပြောလို့မပြီးသေးခင်မှာပဲသုံးကြိမ်မြောက်စိန်ခေါ်ခံလိုက်ရတဲ့တိုက်ပွဲ...အကြိမ်ကြိမ်ဆင်နွှဲခဲ့ရလို့မောပန်းနေတဲ့အချိန်အလစ်ဝင်တိုက်သလိုမျိုး...အဲဒါကြောင့်ပြောတာပေါ့...မနက်ဖြန်ထက်ဒီနေ့ကသံသရာနဲ့ပိုနီးတယ်ဆိုတာ...မျက်လုံးတွေမမှိတ်ခင်ပြောသွားတာက
"ဖေဖေတို့အားလုံး သားကြောင့်ပင်ပန်းသွားပြီ"
တဲ့ တကယ်ဆို...မပင်ပန်းစေချင်ရင်ခုလိုထွက်မသွားနဲ့လေ သားငယ်ရယ်...ချစ်ရတဲ့သူအသက်နဲ့လဲလှယ်ခဲ့တဲ့သွေးသား...တစ်ယောက်ပြီးတစ်ယောက်ထားရစ်ခဲ့ကြတာ...
"လေးလေး ငယ်လေး...ငယ်လေးကော"
အခန်းထဲမဝင်ခင်မျှော်လင့်တကြီးမေးလိုက်မိတာ ပြန်ကြားလိုက်ရတဲ့အဖြေကဘယ်လိုမှယုံနိုင်စရာမရှိ လွန်ခဲ့တဲ့တစ်နာရီခွဲလောက်ကမှကျွန်တော်နဲ့ဖုန်းပြောနေသေးတယ်လေ...
"သား...သားငယ်လေး...ဆုံး...ဆုံးပြီ"
"ဗျာ..."
လောကကြီးကချာချာလည်လို့...ချစ်ရတဲ့သူရဲ့နောက်ဆုံးအချိန်ကိုတောင်မမီတဲ့ခံစားချက် အမှန်ဆိုကျွန်တော်ရွေးချယ်မှုမှားခဲ့တာ...Oxygen Maskတွေပိုက်တွေဖြုတ်နေတဲ့nurseမလေးကို
"သာသာလုပ်ပါ သားငယ်လေးနာနေရော့မယ်"
အသက်ကြီးပေမဲ့သားအရင်းလေးလိုစောင့်ရှောက်ခဲ့ရတဲ့သူမို့ဒီအချိန်မှာတရားမကပ်နိုင်တော့တာလားကြီးကြီးရယ်...ဆုပ်ကိုင်မိတဲ့လက်ချောင်းတွေကပျော့ဖတ်လို့...ထိတွေ့မိတဲ့မျက်နှာပြင်လေးကဖြူလျော့လို့...ပိတ်စအဖြူကိုအတင်းဆွဲအုပ်ဖို့ကြိုးစားနေတဲ့လူတွေ...ခဏလေး...ခဏလောက်လေးလောဘကြီးခွင့်ပေးပါဦးလား...
လျောက်နေတဲ့ခြေလှမ်းတွေကအားမပါ ပါးချိုင့်လေးနစ်ဝင်ပြီးသွားချွန်ချွန်တွေပေါ်အောင်ရယ်နေတဲ့ငယ်လေးဓာတ်ပုံကိုကိုင်ဆောင်လို့...ကျလာတဲ့မျက်ရည်တွေကိုလူမြင်မခံချင်ဘူး...ဖြူစင်တဲ့သံယောဇဉ်တွေကသူတို့ပါးစပ်မှာအရောင်အမျိုးမျိုးဖြစ်ကုန်မှာ...အဲဒီနေ့ကမိုးဖွဲလေးတွေကျတယ်...မီးလောင်တိုက်ထဲမသွင်းခင်ငယ်လေးရုပ်ကလာပ်အနားမှာ...တစ်ယောက်ပခုံးတစ်ယောက်ဖက်ထားတဲ့ကောင်းနဲ့ငဆက်...ငုံ့ထားတဲ့သူတို့မျက်နှာတွေကို ကိုကိုမဖတ်ချင်ဘူး...ခုခေတ်လူငယ်လေးတွေလူမှုရေးနားလည်တာလား...ဒါမှမဟုတ်သူတို့သူငယ်ချင်းတစ်ယောက်အတွက်တာဝန်ကျေချင်တာလား...အဖြူအပြာလေးတွေကိုသယ်ဆောင်လာတဲ့ကျောင်းကားတွေကမျက်စိတစ်ဆုံး...စည်းလုံးမှုဆိုတာဒါမျိုးကိုပြောတာနေမှာ...အသိစိတ်နဲ့လုပ်ဆောင်သွားတဲ့သူတို့သူငယ်ချင်းအတွက်တာဝန်ကျေပွန်မှုမှာ...ရေသန့်ဗူးဝေတဲ့သူရှိသလို...ယပ်တောင်ဝေတဲ့သူပါတယ်...ကျောင်းအုပ်ကြီးနဲ့ဆရာဆရာမတွေကဝမ်းနည်းစကားလာပြောတဲ့အချိန်...ဝမ်းနည်းမှုကိုဟန်မဆောင်နိုင်တဲ့ကျွန်တော့်အတွက်မိုးကိုသာကျေးဇူးတင်လိုက်မိသည်...အချိန်ကျလို့အလှည့်ရောက်တော့ ပန်းခွေတွေလည်းတန်ဖိုးမဲ့သွားတာပဲ...အဖြူအပြာတွေကြားမှာလဲလျောင်းနေတဲ့အဖြူအပြာလေးတစ်ယောက် ငြိမ်းချမ်းပါစေငယ်လေးရယ်...နောက်ဆုံးခရီးမှာငယ်လေးသူငယ်ချင်းတွေအများကြီးလာတယ်...ခေါင်းတိုင်ကထွက်လာတဲ့မီးခိုးငွေ့တွေကိုကြည့်သွားတဲ့သူတို့မျက်လုံးထဲမှာကိုယ်ချင်းစာတရားကိုမြင်လိုက်ရတယ်...ဒါပေမဲ့ဘဝတစ်လျောက်လုံးလွမ်းပြီးကျန်နေရစ်ခဲ့ရမဲ့သူကတော့ကိုကိုတစ်ယောက်တည်း.....
~~~~~THE END~~~~~
Extra တောင်းတဲ့sisလေးတွေအတွက်ပါ...
😃😃😃
ထပ်မရေးပါရစေနဲ့တော့နော်...
