مسألة انتقام

الجزء 2

الجزء 2
نهار 25 أكتوبر سنة 2004 هو أخيب نهار داز فحياتي و بسبب هاد النهار غادي نتبدل نهائيا ،من بعد مدخلوني هادوك جوج للطوموبيل بزز حاولت نخرج بديت كنضرب فيهم و بداو كيضربوني شي ضرب خايب واحد شدني من راسي و صرفقني و ثاني كيضربني فكرشي بجهد حتا كنت انسخف ،بديت كنغوت و الولد لسايگ مجهد صوت موسيقى و كيقول: بقاي تغوتي حتا لصباح مكاينش لغادي يسمعك.
كنشوف من زاج ديال طوموبيل كتبان ليا طريق تمارة، و بديت كنطلب فيهم : عافاكم الله يرحم الواليدين انا راه طالبة جامعية و بنت دارنا و ماشي ديال هادشي! راه البنات لكينعسو بزاف عطا الله ،خليوني نمشي بحالي ! والو كيغنيو و يشطحو، قلت ليهم هاكو خوذو تيليفون و گاع هادشي لعندي و خليوني نمشي! زاد واحد فيهم ضربني لوجهي و بداو عاطينها للضحك وريحة الشراب مجهدة، و باينة فيهم واكلين شي مخدر حيث لسانهم ثقيل فالهدرة ولاحظت بلي الضحك ديالهم و العصبية ماشي طبيعية ، فهاديك اللحظة قلت فراسي هاد الرجال باينة مجرمين و يقدرو يديرو ليا أي حاجة ، دخلنا لتمارة و وقفو فواحد بلاصة جا ركب واحد صاحبهم الرابع وحاولت ديك اللحظة نهرب ثاني ،و ضربوني ثاني و بقات طوموبيلة غادية حتا خرجنا من تمارة و شدو طريق "سيدي يحيى زعير" وصلنا للخلا و وقفو الطوموبيلة و قاليهم الولد لداير نظاظر : هاكو هاد الزيف غطيو ليها عينيها مزيان! و هو يشدني واحد مزيان و راجل ثاني حزمو ليا على عيني .
عرفت من هادشي بلي ،مول النظاظر هو لكيعطي الأوامر و هو لكيحكم فيهم،مبقيت كنشوف والو و حسيت بطوموبيل مبقاتش كتمشي فوق شانطي حيث كتحرك بزاف "ارض زراعية" ،فكرت بزربة : شنو يمكن ندير دابا؟؟؟ و انا مكنشوف والو غير كنسمع هدرة ديالهم و قلبي كيضرب و لقيت بلي هادي هي الوسيلة وحيدة لعندي و هي نحسب دقات ديال قلبي.
ملي وصلت ل 526 دقة وقفت طوموبيل ،و سمعت باب ديال الحديد كبير كيتحل ،خرجوني من طوموبيل ودخلوني للداخل عاد حيدو عليا داك زيف على عينيا ، لقيت راسي فوسط دار كبيرة مفرشة و خاوية ،قالو ليا : غادي تديري لينا داكشي لبغينا ولا ماغاديش تخرجي حية من هنا و واحد منهم هاز موس باش يزيد يخلعني.
طلقت واحد الغوتة كبيرة قلت فراسي زعما يسمعوني الجيران أو شي واحد حدا الدار!! و بقاو كيضحكو قالو ليا راه مالك كتغوتي راه مساكن حدانا حتا واحد بلا متعذبي راسك حنا فآخر الدنيا ،كنت كنشوف فيهم و مصدومة مفهمتش كيفاش وقع هادشي بالزربة!! و وصلت لهاد الدار واقفة وسط اربعة ديال المجرمين!! ،عييت مكنطلب فيهم و كنبكي و والو جاو جوج شدوني و كنحس بلحمي قصاح بحال الحجر ،و بداو كيقطعو ليا فحوايجي بديت كنضرب فيهم و هو يجرحني هاداك لهاز الموس فذراعي غير شفت دم و فشلت ،و بقاو شاديني و جا هاداك الولد لكان داير نظاظر كحلين اغتصبني هو الأول ، تكرفص عليا و بديت كنغوت بجهد حيث تقصحت و مرحمنيش حتا شداتني السخفة و واخا سال مني الدم بزاف و كانت حالتي حالة ، حتا واحد محن فيا و كملو عليا صحابو حتا هوما و أنا نغيب.

سخفت و محسيتش براسي ،ملي حليت عيني لقيتهم حاطين الماكلة و كيشربو و مخدمين الموسيقا وكيضحكو بحالا موقع والو ،و انا حاسة براسي مريضة بزاف و شدني شي وجع خايب، ميمكنش نوصف ليكم الإحساس ديال البنت ملي كيغتصبها شي واحد كتحس بروحها لداخل ماتت، القلب ديالها مكتبقاش عندو قيمة، الدموع لنزلو ليا من بعد متكرفصو عليا ماشي بحال دموع لكانو كينزلو من قبل فحياتي، كرهت راسي، و بديت كنلوم فراسي علاش خرجت فالليل لهاديك البلاصة! علاش يوقع ليا هادشي!؟ شنو درت فحياتي باش يوقع ليا هدشي كامل؟
شافوني فايقة و رماو ليا واحد طبسيل فيه شوية ديال الماكلة و قال ليا واحد منهم كولي! و مبغيتش و عاودو تكرفصو عليا و واحد ديما هاز عليا الموس بقيت يومين فهاد الحالة سادين البيبان بسوارت و حاضيني مرة مرة كيخرج شي واحد يجيب شي حاجة و فالليل يتكرفصو عليا ،كليت غير شوية و بزز و زدت كرهت الجسم ديالي و حسيت براسي موسخة بزاف ، تصورو 4 كيتتاوبو عليا و جا واحد خامس نهار ثالث و حتا هو اغتصبني و صافي ملي سالات ليهم ماكلة و الشراب،جا مول نظاظر رما ليا شي حوايج مفيهم ميتشاف و قاليا حيدي هادوك الحوايج المقطعين و لبسي هادو حيث غادي نمشيو.
قبل منخرجو عاود سدو ليا عيني بواحد شرويطة و خرجوني فطوموبيل حتا وصلو لوسط تمارة ،و فواحد الزنقة خاوية رماوني بحال شي زبل ........
#بنت_وزان
#كلكم_ظلمتوني
#إغتصاب_فتاة