الشاعر عبد الحسين الحلفي
احبك مو لأن انت حلو...لا
لأن روحي التقت گبلي... ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّه دمي وخاف أبديديك
إجرحني ولك بس كون ماموت
حتى من يتهموَّنك أبريّك
على المراية وگفت ما شفت وجهي
وشفت وجهك طلعلي وگمت احاچيك
وثبت بمرايتي وجهك مرايات
واباوع وجهها مرايتي بيك
بگذلتك شِّد رگبتي وطلع الروح
اريدنها بعد تتگرب إعليك
انت بحضني واگول بعيد
اريدن هيچ كون آنه انخبط بيك
بيا شارع مشيت گبالي الاگيك
افوت بغير شارع هم الاگيك
ارد للبيت گبلي الگاك بالباب
اطب گبلي تطب وتگلي اتانيك
بغيرك فكرت كلت آنه انساك
طلع غيرك يشبهك وفكرِّت بيك
طلع غيرك يشبهك وفكرِّت بيك
