الشاعر عباس الذهبي
ما خذني التواضع لجن رديت
اكتشفت الطيب وي البعض غلطه
متربي وعلي ولا انه والله
راس براس ابو الطيب احطه
الولو بالك بحقي عندما قال
ما معصوم بس ما عنده غلط
بمطلع كبل وصفت عصفور
لحد الان اودي العشه حنطه
واذا اوصف مسافر ابقى وياه
خاف من التعب ينساله جنطه
بيتي وداعتك مسموع مشموم
من كد ما اضل بهيل اكمطه
لا تكتبون كافي بروح الحسين
السياب لا طكونه جلطه
ايموت من الضحك ولك ادري بيتيش
من اموصف هبل و ملبسه ربطه
وي حسان بن ثابت وامرؤ القيس اقره
وياي من تقرء ورطه
اليصعد وراي ادعيله مظلوم
من انزل الدنيا اتصير صنطه
لو شح الشعر راموني بحجار
بلكت انهز ومني اطيح صفطه
