DETECTIVE FILES. File 3 (COMPLETED)

CHAPTER 55: DRESSED TO KILL

Chapter 55: Dressed to Kill

"Anong gagawin natin diyan?" nagtatakang tanong niya nang makababa siya sa taxi. Nasa harap kami ng isang shop ng gumagawa ng women's clothes at gowns.

"Mamamalengke," sarkastikong sagot ko. May mga pagkakataon talaga na pantanga ang tanong ng mga tao. "Couture nga diba? Magsusukat ka ng damit."

Nauna akong naglakad papasok sa hindi kalakihang shop at sinalubong kami ng babae. Malawak ang ngiti nito at iginiya kami sa loob.

"Magandang araw sa inyo! Welcome to Ivy's Atelier! Anong kailangan nila? Traje ba? Sinong ikakasal?," lumapit ang babae kay Victoria at sinuri ito nang malapitan. "Ikaw ba? May damit kami na babagay sayo-"

"Naku hindi po!" Agad na iwinasiwas ni Victoria ang kanyang mga palad. Then a naughty smile escaped from her lips as she pointed at me. "Siya po."

"Ikaw? Naku, mukhang ang bata mo pa." Inayos ng babae ang kanyang suot na salamin sa mata. "Pero di bale, wala namang pinipiling oras ang pag-ibig eh. Siyanga pala , ako si Carly, assistant ni Ivy. She's inside at may kausap na kliyente."

"Naku, nagkakamali po kayo. Hindi po damit pangkasal ang hinahanap namin-" napatigil ako sa pagsasalita nang bumukas ang pinto sa loob ng shop at iniluwa doon ang nanggagalaiting babae.

"Maayos akong nakipag-usap sa inyo tapos ngayon ito?!" nakapameywang na singhal ng babae sa kasunod nito. May nakasabit na tape measure sa balikat nito, I figured out she was the designer.

Napatayo naman ang isa sa tatlong tao na nasa sofa at nagbabasa ng mga magazine. "Franz, honey? Anong nangyari?" tanong ng lalaki.

"Ano ba tong couture na ito? Sabi ko naman sa'yo na wag dito diba? Look, ang pangit ng ginawa niyang design, she even used substandard materials!"

"Ma'am-"

"At ang liit pa ng shop na ito! We should go somewhere kung saan walang ipis!" Tumingin ito sa isang babae na nasa sofa. Marahil ito ang ibig niyang sabihin sa sinasabi niyang "ipis."

"Kapag hindi malinis ang isang tao, malamang pinepeste talaga," sagot ng babae sa kanya. I saw the girl's companion pat her back at pinigilan na lamang itong pumatol sa babae.

"Kita mo na ang kabastusan ng ex mo Marc?!"

"Honey..."

"Bakit kasi dito pa eh!"

"Sa tingin ko ay masaya 'to," mahinang sambit ni Victoria. Sinamaan ko siya ng tingin ngunit tila wala lamang iyon sa kanya.

"Pasensya na kayo," paumanhin ni Miss Carly sa amin. "Medyo magulo talaga yan sila. This isn't the first time na nagkasagutan ang dalawang babaeng 'yan."

"Pasensya na po," wika ng lalaking tinawag na Marc. He looked apologetically at Miss Ivy.

"Bakit ka humihingi ng paumanhin sa kanila? Sila ang dapat na humingi ng paumanhin sa atin!"

Hinarap kami ng babaeng sumalubong sa amin kanina. "Pasensya na kayo, nandito ang mga catalogue namin para sa traje-"

"We're not looking for a wedding dress. May ready-made ba kayong corporate suit na para sa kanya?" Bahagya kong tinulak sa Victoria kaya tinapunan niya ako ng masamang tingin. Sa katunayan ay maari naman kaming magpunta sa ibang mall o boutique but after what happened, ayaw ko munang magpunta sa mga mall!