الفصل التاسع :
في مبنى الرياض بمدارس اللافانيا ،،،،
جلس آيـــاز على أحد المقاعد الشاغرة في الحديقة الصغيرة الملحقة بالمبنى وهو يزفر في ضيق ، و...
-آياز بنبرة متشنجة : قلة ذوق فعلاً ، بجد الواحد ماشفش في حياته بنات زي كده ، واحدة عاوزة تعرف أموري الخاصة ، والتانية بتتعمد تبوظ كل اللي يخصني .. أنا لازم أخد بالي بعد كده ، مش هادي الفرصة لأي واحدة إنها آآ....
قطع تفكيره - ذو الصوت العالي – رنين هاتفه المحمول ، فأخرجه من جيب سترته ، ونظر إلى شاشته ، و...
-آياز بتنهيدة إرهاق : ده رامي ، كويس ، أما أرد عليه
ضغط آيــــاز على زر الإيجاب ، ووضع الهاتف على أذنه ، و...
-آياز هاتفياً بنبرة جادة : ألوو .. أيوه يا رامي ، انت فين ؟
-رامي هاتفياً بنبرة عادية : يا عم أنا موجود ، إنت اللي فين ؟
-آياز بصوت منهك : أنا لسه في السكول
-رامي بنبرة مهتمة : حلو أوي ، أنا جبتلك كل اللي انت عاوزه ، تحب أوديه على الفيلا ، ولا أجيبهولك في محراب العلم
-آياز بنبرة شبه حانقة : انت .. انت بتتريق ؟
-رامي ساخراً : بصراحة مش قادر أمنع نفسي من التريقة ، ماهو على أخـــر الزمن بقيت شايل كراريس وكتب ورايح المدرسة ، ده أنا معملتهاش وأنا لسه طالب ، بأعملها الوقتي ، لأ وعلى إيد مين ، إيدك انت !!
-آياز بصوت جاد : مش وقت تريقة يا رامي ، أنا عاوزك تجيبلي الحاجة الوقتي خليني أخلص
-رامي متسائلاً بإستغراب : في ايه مالك ؟ هو في حاجة حصلت ؟
-آياز بإقتضاب : لأ مافيش
-رامي متسائلاً بفضول أكبر : إزاي مافيش ، ده باين من صوتك إن في حد ضايقك ، أنا متوقع ده من الأول ، مش هاتسلم من الغفر اللي حواليك
-آياز متسائلاً بعدم فهم : غفر مين ؟
-رامي بتهكم : المدرسات اللي معاك ، اللي مفكرين نفسهم حاجة وهما شبه الغفر
-آياز بتنهيدة إرهاق : كفاية يا رامي ، حاول بس تجيلي على المبنى ، انت عارفه صح ؟
-رامي وهو يوميء برأسه موافقاً : أها
-آياز بجدية : طيب أنا هاسيب خبر على البوابة إنك انت جاي ، فهتدخل على طول ، هتسأل على أوضة اسمها Staff Room ( حجرة المعلمين ) ، هتلاقيني هناك
-رامي مازحاً : أهم حاجة ماتهوش جوا
-آياز وهو يلوي فمه في تهكم : اطمن ، هتلاقي ألف مين يدلك
YOU ARE READING
راسين في الحلال ©️ كاملة ✅
Romanceقيل في التراث الشعبي ( يا بخت من وفق راسين في الحلال ) ، وقيل أيضاً ( امشي في جنازة ، وماتمشيش في جوازة ) .. وهنا مربط الفرس .. فهناك من هو داعم للزيجات ، ومن يفر منها كفرار الطريدة من صائدها ... ( راسين في الحلال ) هي كوميديا رومانسية مستوحاة م...
