GALING SA PUSONG UMIIBIG [Mga Tula]

XVII : "KATOTOHANAN AT IMAHINASYON"

"KATOTOHANAN AT IMAHINASYON"

-mynameisLynlee♥

Sirena, dwende, mahika at nagliliparang mga dragon

mga bagay na laman ng aking mapaglikhang imahinasyon.

Sadyang masarap mabuhay sa aking mapaglarong isipan

at mapalayo sa masakit na katotohanan.

Katotohanang punong-puno ng mga gulo

sa pulitika, maraming nagpapatayan makakuha lang ng isang trono.

sa kalsada, marami ang nanghahablot ng mga gamit

upang sa hapag ng pamilya pagkain ay makamit.

Sa imahinasyon, magagawa ko ang gusto kong mangyari

walang gutom, walang mahirap, walang mayaman, walang mang-aapi.

Sa imahinasyon, masaya ang karamihan

Walang gagawa ng masasama, lahat ay may nararapat na karapatan.

Ngunit imahinasyon man ay walang katulad

mabuhay sa katotohanan, tayo pa rin ay mapalad.

Imahinasyon ay maaari nating gamitin

upang sa katotohanan ito'y magkaroon ng silbi't tagumpay ay kayang lasapin.

Tulad ng mga sikat ng mga imbentor noon

pinalawak nila ang kanilang mga imahinasyon.

Halimbawa, ang Wright Brothers, ang mga nakaisip gumawa ng eroplano

marami man ang nagduda, ngunit tagumpay ay kanilang natamo.

Sa imahinasyon nagmula

ang mga librong ating mga binabasa.

Ngunit sa totoong buhay ginagawa

ang mga naisip ng utak na mapaglikha.

Huwag pigilan ang mapaglaro mong isipan

paminsan-minsan kasi nakakatuwang iwan ang mapaghusgang lipunan.

Imahinasyon ay gawin pang mas malawak

Ngunit sa paglalakbay sa iyong imahinasyon siguraduhing realidad at katotohanan ay hawak.