GALING SA PUSONG UMIIBIG [Mga Tula]

XVIII : "TEDDY BEAR"

"TEDDY BEAR"

-mynameisLynlee♥

Ako'y ibinigay niya sayo

ipinagkatiwala ng buong puso.

Minahal mo ng buong-buo

tinatrato na parang tao.

Dahil sakin ikaw ay napapangiti

kahit tayong dalawa lang sa isang tabi.

Kinukwento mo sakin ang inyong masasayang sandali

mga pangarap na inyong minimithi.

Isang araw kayo ay nag-away

ikaw ay hindi mapalagay.

Ika'y umuwi na umiiyak

Puso mo'y kanyang tuluyang winasak.

Naghiwalay kayo ng tuluyan

daigdig ay para mong pinapasan.

Gusto kitang tulungang makalimot

ngunit mga tingin mo sa akin ay puno ng poot.

Iyong masasayang ngiti ay nawala

Pumalit ang lungkot at mga luha.

Gusto kitang lapitan

at ng ikaw ay tumahan.

Ngunit paano ko iyon gagawin?

Ako'y di hamak na isang teddy bear lamang.

Ayaw mo na akong yakapin

ang tangi mong gusto, ako ay sipain.

Sa iyo ako'y nagdudulot lamang ng lungkot

dahil sa akin, ikaw ay hindi makalimot.

Mga kamay mo ay hindi ko na naabot

paglisan ko ay naiisip na gamot.

Ika'y nakapag-isip ng tuluyan

ako ay ayaw mo ng gawing unan.

Nakapagpasyang ako'y itapon

upang sakit ay tuluyang sa limot ibaon.

Mga itim kong mata

ay walang luhang nadama.

Ngunit pait ay ramdam ko

dahil hindi ko nagawa ang aking trabaho.

Trabahong mapasaya ka

kaya makakabuti na nga sigurong ako'y itapon sa basura.

Sana sa aking paglisan

ay tuluyan mo siyang makalimutan.

Wag kang mag-alala

ikaw ay bata pa.

Nararapat na pag-ibig ay darating

siya ay panghabang buhay mong makakapiling.

Babalik ako sa'yo

ibibigay uli ng nararapat na tao.

Kapag darating na ang muli nating pagkikita

lungkot at mga luha ay mapapalitan uli ng saya.

03-17-14 | 10:08PM

_____________________________________________

Ang tulang 'to ay dedicated kay DeathStar34 dahil nainspire akong gumawa ng tula sa kwento niyang UNSPOKEN [under One Shot Stories Tagalog]