انا و حبيبة زوجي (باللهجة الجزائرية)

partie 01

جيت جيت
حكاية روعة <3 <3 بعنوان
#سلمي و #فارس
حكاية #انا_و_حبيبة_زوجي ...
الجزء الاول
1)....انا سلمى في عمري 23 سنة سطايفية بسيطة و متواضعة بزاف سمراء وشعري اسود وقصير وعينيا لوزات ههه.. خلصت قرايتي الجامعية وخرجت نخدم و عندي احلام كبيرة ناويا نحققهم ككل فتاة عشرينية طموح وأمل و كلش مكانش عندي حبيب ومفكرتش ندير ...مالا حتى وحد النهار جا ليا بابا قالي بنتي راهو جاني خطاب ليك لباس عليه وكامل يشكرو فيه ولد عايلة و اصل هو من سطيف اكزاكت انا كنت بعيدة يعني عايشة في لحواشي هو عندهم لاباس بيهم الدراهم والعز وانا قدي قد حالي عدنا زوج ديار وكوزينة قالي اذا تقبلي نهار الجمعة يجو يشوفوك قتلو اصبر نخمم فيها شوي وكان نهار الاثنين هذا مالا انا بايتا نخمم واش نرجع لبابا فاتو ليام يجريو ولحق نهار لخميس عاود بابا قالي قتلو ايه قلهم يجو في قلبي حابة نكمل الماستر تاعي بصح شفت روحي رايحة نكبر و الرجال دوكا عادو يحبو الصغيرة في لعمر كان هذا اول خطاب تقدملي بعد ما كملت لاليسونس المهم انا وجدت الحالة ودرت شوي قاطو صباح الجمعة وستكيت روحي مليح شعر وماكياج ولبسة وبعد الصلاة قالنا بابا راهم جايين انا حكمتني لخلعة وبدا قلبي يخبط واختي هداتني وقاتلي نورمال يخي جايين غير يشوفو وانت تشوفي ماتخلعي ماوالو بعد فماوصلو للدار دخلو جات أم الخطيب واختو وعمتو وفخالتو وباباه وهو ........
متبخلوش عليا بجماتكم

2)….دخلتهم يما للشومبرا هي واختي وقعدو يحكو معاهم وبابا قعد مع الرجال في الصالة بيتنا كان متواضع بزاف هوما قاعدين غير يخزرو في الحيطان والحالة الي جاو ليها حتى قالت يماه جيبولنا لبنت نشوفوها جات اختي داتني كنت حاملة صينية القهوة ودخلت عليهم تخلعت كي شفتهم هذيك الحطة وهذيك اللبسة وحالتهم حالة انا في قلبي قلت يا خلايا راهم يضحكو علينا وعلى حالتنا بصح سكت حطيت السنيوة وسلمت عليهم و قعدت قدام يماه وقعدو يخزرو معايا قاتلي خالتو واش اسمك بنتي قتلها سلمى قاتلي الله يبارك قاتلي تقراي قتلها خلصت وشفت عمتو توشوش ليماه في وذنها ماعرف واش قتلها قاتلي يما صبيلهم القهوة بنتي انا نرجف صبيتها بالسيف واختو قاتلي علاه خلعانة هكا رانا كيف عايلتك نورمال انا ضحكتلها ضحكة مرجوفة ههه…وكملت نسربيلهم كامل هزو شربو غير عمتو قالت انا منشربش قهوة عند الناس نحبها في داري …
كملو القهوة وقاتلي يماه شوفي ابنتي اسلمى سمرة ومسرارة وطويلة وعينيك لوزات قارية وعارفة انا ماعندي مانخير عليك قتلها تعيشي قاتلي بصح ابني لازم يدخل يشوفك قتلها انا براسي ايه قالت لاختو تروح تجيبو انا بدا قلبي يدق بزااف لقيتها جاباتو وجات وجا خويا معاه دخلو انا وقفت 3).….واااش نقلكم عليه بقلاوة بالعسل تقطر ههه طويل عينيه زروقا عندو كوور يقطع لابس سروال نوار وقمجة بيضة قاتلو يماه هاي قدامك الطفلة يا بني شوف اذا عجباتك بالبراكة عليك هو ماخزرش معايا مره قاعد غير حاط عينيه بالارض ويخمم انا قلت بلاك مانعجبوش هو باهي بزاف بلاك مايقبلش بوحدة فقيرة قاعدة نهدر وحدي في قلبي حتى نطق وقال ليماه عجبتني قابل ايه انا تخلعت فيه واش حكايتو هذا الي ماهزش عينيه فيا وعجبتو لقيت يماه جات حضناتو وتقولو هذي رايحة تهنيك ياوليدي وهو نحالها يديها من رقبتو وخرج ولحقاتو عمتو …هي ولات جات سلمت عليا وقاتلي مبروك عليك بنتي وخرجت لحقاتهم واختو قاتلي سلمى رايحين نرجعو خواتات قتلها انا ايه براسي مقدرتش ننطق دهشت فيه علاه دار كيما هكا خالتو قالت ليما احنا نروحو وممبعد رانا نرجعو ونتفاهمو على العرس …راحو واحنا ماما واختي يفرحو وزاد بابا جا قاللهم بلي عجبتهم وراهم قابلين و ختي تقولي شفتيهم واش مرفهين ضوكا تخرجي من الميزيرية ……………
4)….انا منيش معاهم مره قاعدة غير نتفكر كيفاه دار ليماه وخرج وكيفاه عجبتو وماشافنيش مليح حتى !!! …بايتة نبيع ونشري في راسي هذا باين كاشما بيه بلاك مريض بلاك جبروه على الزواج قلت لازم نراجع روحي مانقبلش ديراكت ونرجع نتفكر الفرحة تاع يما واختي وبابا نخاف نفسدها عليهم ..فاتو ليامات ورجعو لينا يماه وباباه قالونا بلي على سمانة يجو يديرو الحنة ويركبو الخاتم كيما العادة السطايفية بابا يفرح وقالي بلي راهم قابلين صح وماذابيك توجدي روحك …انا واش نقول القصة جاتني غريبة و بزاف سريعة حاولت ندخلها في راسي على اساس كيما الحلم فقيرة ودات واحد غني وعاشو بسعادة وهناء بصح المستقبل يعلم بيه غير ربي …
لحقت سمانة وجاو ركبولي الخاتم وجابولي الحنة وجابتلي اختو رقم تاعو اه ماقتلكمش هو اسمو فارس قاتلي هاو الرقم تاع فارس باه تحكو مع بعض وتتعرفو على بعض مليح ..انا شديتو عليها وحطيتو في تلفوني وكتبت اسمو زوجي ههه..عطاوني مهلة تاع العرس شهر بابا قبل حسيتو ناوي يتخلص مني بأقرب وقت و يما ماقبلتش قاتلهم مانقدرش نسجيلها كلش في شهر قاتلها يمات فارس ماتسجيلها والو احنا نجيو نديو غير لعروسة وحدها كلش من عندنا هنا ماما قبلت انا ماقلت والو ………
البارت الول قصير اذا لقيت تفاعل نحطلكم  البارت الثاني 😍
متنساوش تعرضو صحاباتكم يقراو معاكم 😍
Votes + commentaires = nouvelle partie