حكاية انا و حبيبة زوجي الجزء السابع 07
17)….غدوة فطنت طيبت لفطور وقاعدة ندير في الغدا كنت وحدي في البيت ايمان راحت للجميعة وماماها راحت لعند عمتها مريضة درت غدا خفيف برك وقاعدة نسيق نسمع في تلفوني يصوني رفدت قاتلي آلو انا مروة يا خطافت لرجال انا قلبي طاح قتلها واش تحوسي قاتلي راهي زاهيتلك مع حبيبي قاتلي والله مايدوملك يالسراقة يا بنت الشارع انا نسمع فيها والدموع يطيحو قاتلي كون جيتي عندك النيف كون راكي روحتي لداركم علاه حاملة الذل انا ماقدرتش نسمعها كثر وكوبيت عليها وبقيت نبكي من جيهة كلامها صحيح ومن جيهة انا هي مرتو انا ثاني هذا حقي ..ونضت بالقلقة هذيك نكمل التسياق زلقت وطحت بقيت في بلاصتي عييت نوض رجلي قتلتني لقيت بابات فارس فتح الباب ودخل لقاني طايحة ومشمخة جا يجري قالي واش بيك بنتي قتلو زلقت عيط لفارس جا هو ماداهاش فيا مره داوني لطبيب قالهم سالامات متكسرتش نفخ برك عطاني دوا راح أب فارس يجيبولي وهو بقى واقف عند راسي نضت انا جيت نهبط من السرير جا هو يعاوني زعمة قتلو ماكلاه تعيي روحك نقدر نهبط وحدي ورحت نمشي وحدي حتى لطوموبيل وركبت وصلنا للدار لقيت ايمان وماماه يتوخضو عليا وسقسيو كيفاه كيفاه قتلهم مكتوب الحمد لله هكذا ولا كثر ………………………
18)….فاتو ايامات وانا منقدرش نمشي بيها مليح كانت ايمان وماماها ربي يخليهملي متهليين فيا مخلونيش مسيت حتى حاجة وفارس كلمة واش راكي ماقلهاليش قلبو واش قاسي يظال مقلب وجهو منقدرش حتى نهدر معاه ..راكم تقولو الأنوثة تقدر تعمل المستحيل بصح هذا العبد مخدوم من طين مقاوم للانوثة ههه ..
وحد النهار دخلت انا للدوش وكي خلصت رحت لشمبرتي لبست غير نويزة وحدها وقاعدة نمشط في شعري مشمخ لقيت فارس دخل عليا بقى يشوف معايا ولا خرج انا مت بالحشمة ولبست قشي وصليت واستغفرت وممبعد تذكرت بلي راجلي مدرتش حاجة حرام ههه..والله كي تعودي في بيت وحدك مع راجل ما تقدريش تصبري تقولي اليوم ندير كلش بصح راجل كيما فارس ماتتحركلو حتى شعرة كل اهتماماتو بمروة مديتلو عقلو ……….
19)….نشفا نورمالمو بعد مادخلت عندهم بشهر تزوج وليد عمتو ودارو عليه عرس كبير وعرضو الدنيا كامل قاتلي ماما ام فارس نوجد روحي باه نروحو رحت انا حكيت مع فارس لقيتو قاعد فوق السرير يتفرج قتلو اذا نروح ولا لالا قالي بالتشناف لالا غاضتني حبيت نروح نشوف ناسهم وعراسهم وايمان كانت رايحة يعني رايحة نبقى وحدي رحت قلت لماما مانروحش قاتلي علاه هيا تروحي مع ايمان تتونسو مع بعض قتلها فارس ماخلنيش قاتلي ضك نهدر معاه وتروحي راحت لقاتو جاي خارج من البيت قاتلو يا وليدي علاه قلت لسلمى ماتروحش ياك العرس عرس الدار قالها ماعندها مادير فما ماتروح ماوالو قاتلو علاه تكبر في الحديث واش فيها تروح تزها وتجي قالها قتلك ماتروحش ماتروحش خلاص وراح خرج انا دخلت لشومبرتي وماما جات عندي قاتلي واش ندير مع هذا الطفل واش ندير معاه قتلها معليش ماصرا والو روحو انتوما وانا نبقى عادي ..قاتلي ربي يرضا عليك يا بنتي وراحت انا كنت علابالي بلي فارس حاب يديرها فيا زكارة مش ماخلنيش ولا هوما اصلا اوفار وعراسهم متخلطين هكا ديمة يديرلي يحب يفسد عليا كي يلقاني فرحانة ……………
20)….المهم وجدو هوما رواحهم وراحو بقيت وحدي لقيتو جا دخل وقالب وجهو لقاني متكية خزر فيا وقالي هيا تروحي قتلو وين قالي للعرس قتلو طفرت دوكا راح الحال وموجدت والو قالي فيدك عشر دقايق تهبطي واجدة ولا …
يالزح مالقيت واش ندير عدت نخبط في خيالي من الزربة هههه جبدت روبة لبستها شعري والمكياج مالقيت كيفاه ندير رحت هكاك ركبت معاه قتلو مانروحش والله ماوجدت روحي مره مارجعليش داني عند الكوافار قلت في قلبي الحمد لله كي فهم روحو ولينا رحنا كي وصلت حارت فيا ماما وايمان قالولي كيفاه جيتي قتلهم جابني وحدو وحدو وهو ثاني دخل قعدنا نشايخو وماما تعرفلي في نساهم هذي فلانة وهذي فلانة وكل مانشوف مع فارس نلقاه شاد التلفون وفمو محلول بالضحك اكيد او يتكلم مع مروة تاعو انا قلت مارحليش فيه نجوز وقت مليح ونروح نلقا ايمان جبدتني من ذراعي وقاتلي هيا نشطحو قتلها انا لالا عيشك قاتلي والله تشطحي معايا وتجبد فيا حتى وقفت معاها وبديت نشطح وهوما كامل قاعدين يشوفو كنت انا العروسة الجديدة تاعهم وبسلامتي شطاحة ههه حتى ايمان قعدت تشوف شطحت حتى غلبت وحسيت القلقة تاع فارس تنحاتلي باه قعدت لقيت لعجايز دارو بيا بسلامتك تعرفي تشطحي هههه انا غيير نتبسم حتى نحس في ذراعي مزير رفعت راسي لقيتو فارس………..
21)….جبدني من ذراعي وداني وحد الجيهة هك قتلو اطلقني وجعتني قالي هيا تروحي قتلو ياك هذا وين جينا قالي هياااا مت بالخلعة ولميت قشي وجيت خارجة قاتلي ماما ويين يا بنتي قتلها فارس قاتلي روحي مالا وضحكت حسبتها حاجة اخرى رمنسية اي مع ركبت ويبدا انت متحشميش وتشطحي قدام الناس والرجال يتفرجو واحد يقول مرتمن هذي واحد يقول خصرها يقتل انا بقيت غير ساكتة علابالي ماكانش منها هاذي الهدرة على خاطر الرجال الي كانو فما كامل ولاد عمامو وعلابالهم بلي انا مرتو كي لقاني ساكتة حاب يقلقني عيط لمروة وبدا عمري وتوحشتك ووو انا بقيت كالم حتى بدا يعيط و كوبا عليها وحدو وخبط التلفون وكمل يسب وصلنا للدار دخلت نحيت العباية بقيت لابسة غير روبة تاع العرس وقاعدة نحي في الاكسسوار بقات السنسلة عييت نحيها رجعتها للقدام وماحبتش شافني هكذاك حاصلة معاها جا مورايا وقاعد يحل فيها وقرب ليا بزاف…
22)….والروبة نص ظهري يبان حتى حسيت بالنفس تاعو يضرب في رقبتي ووليت نرجف وقلبي دق دق دق دق دق دق دق ولا قالي هذي عاصية قتلو انا خ خ ليها برك قالي واش بيك قتلو
وووالو راح خرج من البيت وانا قعدت على السرير وقلت ااوووف شعرة مت لقيتو رجع وقفت انا حركة لاارادية هههه بقى يشوف معايا ولا قرب ليا وقرب وقرب حتى حشرني في الحيط انا حمرت خضرت صفرت وهو قالي بالعقييييلة في وذني خفتي مني مارجعتلوش انا قالي نزيد نقرب انا مت بالخلعة والعرق بدا يسيل مني عاد وجهي في وجهو وحط فمو على رقبتي انا فشلت وقتلو ف ف ف فارس واش راك دير مارجعليش وكمل يقرب قتلو ف ف ف ارس وجعتني مارجعليش وطلع بفمو وحطو على خدي قريب لفمي وليت بعدتو بيدي وطبعتو قالي واش بيك قتلو واش راك حاب دير قالي واش يديروه كامل الناس ندي حقي قتلو واشمن حق قالي ياخي انت مرتي وحاب ندي حقي منك قالهالي بستهزاااء ……
STOOOOOOOOP
VOTE +COMMENTAIRE = NOUVELLE PARTIE
هيا لبنات شوي تفاعل ياه نحس بلي راني نكتب بفائدة و من فضلكم شوفوا روايتي الاخرى -الحب الابدي- و اذا كانت كاينة مشاكل او استفسارات انتقادات خبروني حبايبي
😘😘😘😘
YOU ARE READING
انا و حبيبة زوجي (باللهجة الجزائرية)
Romanceقصة جزائرية تحكي عن معاناة فتاة تزوجت بشاب لا يحبها لان قلبه مع اخرى الكثيرة من المغامرات المكللة بالحب الحلال
