طفلي الضائع

الجزء الاول

#الطفل-الضائع
بقلمي فردوس عبد اللطيف
الجزء الاول
أنا سهير طالبه بكليه الهندسه اخر سنه دراسيه واتخرج
شكلي بيضا شعري اسود طويل عيوني سود جميله  ومدلله عند اهلي احب الترتيب والاناقه حالتنه الماديه ميسوره ابوي مقاول واحنا كعائله متكونه من بنتين وولدين اخوتي واحد معهد تكنلوجيا والآخر بعده بالسادس يعيد صارله 3 سنوات ما اعرف شوكت ينجح اختي سندس ثالث صيدله شاطره وذكيه
اكو طالب وياي بالكليه مخلي عينه علي بس هو يشتغل بالمخابرات ويدرس بالجامعه كل فتره يدزلي وحده يريد يتقدملي بس اني ما اريد ارتبط ودراستي تتاثر
اجتني بنت خالته كل مره تكلمني وصارت صديقتي اسمهه جهينه
جهينه. حبيبتي سهير مابقى شي عالامتحانات وابن خالتي محمد حايتخبل يريد بس كلمه وعد وبعد ماتنجحين يجي يتقدملج بس طمني
سهير. جهينه تدرين الوحده من ترتبط وهي تدرس شكد تاثر على دراستهه وبعدين اهلي ميوافقون الا اكمل
جهينه    اعرف حبيبتي بس يريد كلمه نعم تعرفين محمد مو من النوع اللعوب يريد يتقدملج رسمي
سهير اعرف والله
جهينه يالى نكول مبرووووك
سهير ضحكت شنو مبروك بس انطيج وعد اني موافقه عليه لان طول هالفتره هو مؤدب ومحاول مره يتجاوز الحدود
جهينه هذا الحجي الي يبرد الكلب خلي اروح ابشره موشلعتي كلبه ابن خالتي
سهير.  اكولج ليش ماياخذج اشمعنى اني
جهينه لج احنا راضعين سويه يعني اخوان وبعدين حبيبي عصام منو تاخذه غيري
سهير.  ها يعني محجوزة
جهينه.  لعد مثلج لج السنه الاخيره اذا ماتطلعين ومكبله واحد تضمنين تزوجينه بعد وين ندور حانكعد بالبيت الله وكيلج
سهير والله شمدريني هما الولد ملاكين شغل بعد احنا
جهينه. ها محمد شتتوقع
محمد شفتكم تضحكون عرفت مبدأين اكو موافقه
جهينه مخابرات منو يكدر عليك
محمد.  ضمن شغلي
اني محمد خلي أعرفكم على نفسي حاليا ضابط بالمخابرات وادرس قانون سياسي على أمل نتعين بالسفارات بالمستقبل
شكلي حنطاوي شعري اسود طويل عيوني جوزي من اول يوم داومت صارت عيني على سهير راقبتهه سنه وسالت عليهه بنيه ذهب مؤدبه وجميله وخلوقه وماعدهه علاقه مع اي شخص  انعجبت بيهه دزيتلهه اكثر من مره ردت توافق علي كانت ترفض بحجه الدراسه حتى اني شكيت انهه تحب احد من اقاربهه لكن سالت اقرب الناس الهه كانت مهتمه بدراستهه ومتريد ترتبط حتى لا تنشغل عن دروسهه
سهير. كملت امتحانات ومحمد يراقبني من بعيد وميكدر يجي يكلمني يخاف لا افشله اكو ايام هو ماعنده امتحان بس يجي حتى يشوفني حسيته متعلق بي اني بالبدايه كأي بنت بوظعي ماتفكر بالحب والغزل لكن شفت محمد بقى هالفتره يحاول وينتظر اصراره خلاني اعرف إنّو هو الانسان الي حا أكون سعيده وياه لان راح يحافظ علي اكيد بهالأيام بديت أتعلق بي وأدور عليه حتى اشوفه واليوم اخر يوم امتحان كنت وعدت جهينه اني اخر يوم ممكن اتكلم ويه محمد
كملت الامتحان وكانت الاسئله مطوله وطلعت دايخه وتعبانه
شفته كبالي واكف مبتسم
اني هم احس فترت الدنيا بي وخجلت لان هذه اول مره راح اتكلم مع شخص عن الزواج والحب
محمد.   صباح الخير سهوره اشلونج اليوم بالامتحان
سهير.  خجلت وبقيت ارجف وكوه طلعت كلمه صباح النور واني كل جسمي يرجف عبالك طفله صغيره
تحبين نكعد بكافتريا الجامعه لو نطلع بره افضل
سهير.  ها بكيفك.  لو صعبه بالكليه خلى نروح بره
محمد.   هاي اشبيج ترى الموضوع جدا عادي وطبيعي وبعدين احنا ناوين على زواج مو نريد نلعب
سهير.  اي وشمدريهم
محمد كلشي يعرفون
يالى عزيزتي تفضلي نروح كافتيريا بره الجامعه
طلعنه خارج الكليه واني أتلفت وخايفه عبالك مرتكبه جريمه
كعدنه اني طلبت عصير برتقال ومحمد طلب قهوه عالريحه
بقى يحجيلي عن نفسه وعمله وحياته وعلاقاته واني ساكته بس اباوع وابتسم وكلسع اباوع اخاف لايجي احد من اخوتي أصدقاءهم
سهير.  يالى خلي نرجع
محمد وشفتهمت منج
بعدين بعدين عفيه خلي نرجع هسه ماما تفتحلي تحقيق
محمد براحتج. بس كوليلي شوكت اهلي يجون يخطبوج
سهير.  غير تطلع النتائج
محمد عمي وهسه ليش الانتظار احنا لازم نرتبط رسمي
مو شلعتي كلبي
سهير بكلبي كلت اسم الله على كلبك
صعدنه بالسياره وخلالي اغاني رومانسيه كاظم الساهر ورآه هيثم يوسف لحد ما وصلني لمنطقتنه واني بعالم ثاني عشت شعور الحب لأول مره اشوف البنات يحبن وعايفات الدراسه هسه عرفت آثاري الشعور بالحب شعور جميل يعيشك بعالم احلام اليقضه تنسى كل شي يحيط بيك وتبقى تفكر بحبيبك وتتمنى تقضي وقتك معاه
رجعت للبيت واني أدندن (ياناس وحمى بحالي). وصعدت لغرفتي امي تحجي وياي ها يمه جاوبتي
اي ماما اي جاوبت
بعد ساعه اتصل بي محمد على تلفونه الأرضي واني رديت وسمعت صوته بالتلفون كوله رومانسيه وهدوء بقينا نسولف لحد ما اجه اخوي سديت التفون
للحكايه بقيه.   بقلم فردوس عبد اللطيف.  F