ملاذي

😍الفصل السادس عشر😍

الفصل السادس عشر..........

مد يده للطاولة امامه يمسك هاتفه ليجد اكثر من مكالمه من فريقه لم يجيب عليها ....قضب حاجبه بقلق وهو يري الساعة تشير الي الثانية عشر ضهرا !!!!
-ايه ده ؟
نظرت له بوجه مشحوب قائله ...
-في ايه ، حصل حاجه ؟!!
-الساعه 12 ونص !!
شهقت تضع يدها علي فمها لتردف...
-يالهوووووي كل ده نايمين ..هيقولوا علينا ايه دلوقتي !!
نظر لها بكل جديه يمتلكها في ملامحه قائلا...
-واحد و مراته نايمين لحد دلوقتي ...تفتكري هيقولوا ايه يعني !!
خبطت بخضه علي وجنتها قائله ...
-يا فضحتي !!!!
-نعم يا اختي !!
-اقصد لا طبعا مفيش الكلام ده !!
-واللهي انتي اللي سألتي !!
نظرت له بغضب قائله ....
-طيب اسكت بقي !!
وقفت متجه الي المرحاض ليمسك بيدها .....ادارت رأسها تنظر له بتساؤل ليبتسم قبل ان يقترب ويطبع قبله رقيقه اذابتها ذوبان علي وجنتها الحمراء قائلا ....
-صباح الورد !!
هربت منها ابتسامه خجوله مذبذبه لتجذب يدها وتهرع الي الخزانة ساحبه اول فستان يقابلها ثم الي المرحاض ...
اغلقت الباب ووضعت يدها علي قلبها المتمرد بدقاته العالية ...
اخذت تقفز بفرحه غير مصدقه هذا التحول في تصرفاته ....وتعهدت ان تعطي 1000 قبله لحياه علي هذه النصيحه !!!!!!!

خرجت بعد مده علي صوته العالي نسبيا في الهاتف ....
-يعني ايه مش عارفين ...ايه طلع شيطاني كده !!
صمت لحظات يستمع الي الطرف الاخر بتأني ليردف ....
-انا ما يعجبنيش الحوارات دي قدامكم بالظبط يومين واصل المفتاح يكون عندي ؛ شغلوا دماغكم شويه يا ممدوح !!
وضع يده علي ذقنه يفركه بحنق ليردف وهو يتجه الي وسائد الأريكة يرتبها ....
-خليك مع المباحث طبعا .... انا متفق معاهم متقلقش ، الصور وصلت للفريق كله يا ممدوح انا مش هشيل هم جوا وبرا !!
ابتعد خطوتين بتركيز قائلا....
-ماشي يا ممدوح !!!
رأي بجامتها التي كانت تمسكها بالأمس ملقاه علي الارض فتوجه نحوها يضعها في الخزانة بترتيب وفمه لا يتوقف عن اصدار الاوامر ......
وضعت جميله يدها علي فمها لتمنع ضحكه خفيفة ، كم يبدو لطيفا وهو يقوم بدور مدبره المنزل اثناء توبيخه لفريقه !!
اغلق الهاتف وقضب حاجبيه بتفكير لتقترب منه متسائلة ...
-مفتاح ايه ده يا محمد ؟!
زفر قائلا بضيق ...
-مفتاح لقيناه في العربيه الغرقانه بس لسه مش عارفين بتاع ايه !!
ابتسمت كتشجيع له قائله ...
-كل تأخيره وفيها خيره اكيد هتعرف في الاخر !!
هز رأسه وماهي الا دقائق حتي جهز الاثنان ونزلا سويا ...
-ايه ده هما لسه نايمين ؟؟
تساءلت جميله وهي ترا الهدوء يعم ارجاء الفيلا ...
نظر محمد حوله ليتجه نحو مكتب والده ليجده بداخله ....
-صباح الخير يا باشا ...
وضع ماجد ما بيده ليبتسم بسخريه...
-صباح الخير...نفسي تقولي يا بابا زي الناس المحترمة !!!
ارتفع جانب وجهه في شبه ابتسامه ليشير برأسه الي جميله التي دلفت بجواره ...
-اهو ربنا اداك المحترم اللي بيقولها !!
ضيقت جميله نصف عين لتردف...
-اه بقي انت غيران منا !!
ضحك ماجد وقد اشرق وجهه مستشعرا السعادة وانسجام الطرفان ،يدعو في قلبه ان يكون قد تخلي عن اوهامه و يجتمعا سويا !!
-انتي مصيبه !! ...ربنا يسعدكم يا ولاد ...
رمقته جميله بخجل قبل ان تلتقي عيونها الأملة بعيون محمد المذبذبة التي يكسوها لمحه من السعادة جديده علي ملامحه .....
انتظر ماجد ان يصحح له محمد وضعهم ولكن قلبه صار يقفز فرحا حين ابتسم وتوجه يجلس امامه ...
-هو فهد وحياه لسه نايمين ؟!
-في ايه يا جميله انتي شغله نفسك بيهم ليه ؟
اردف محمد بقليل من الانزعاج لتمط شفتيها بحزن طفيف فقد كانت متحمسه للقاء حياه وسرد ما حدث من تطورات لها بالإضافة الي شكرها علي نصيحتها الخارقة !!!
-عادي اصلي لازم اجهز الغدا اكيد ماجد باشا علي لحم بطنه !!
ليردف ماجد مطمئنا لها ...
-لا متقلقيش انا فطرت بدري ....
تنحنح قائلا...
-انا رايح الشركه ساعه و ....
قاطعه محمد سريعا...
-شركه ايه يا باشا اللي هتروحها انت لسه تعبان !!
-تعبان ايه انا داخل علي شهر ؛ وبعدين دي رصاصه في كتفي مش في دماغي !!
اردف محمد بهدوء حاد يزيد من حنق ماجد .....
-انا شايف ان الانسب نستني شويه انا معايا خيط يوصلني للي وراك واحب انك تبقي في امان تام لحد ما احط ايدي عليه !!
-اااه يعني استخبي ..لا يا محمد مش طبعي وانا مش بستئذنك انا بقولك بس عشان تاخد احتياطاتك !!
-ماشي بس ياريت تستني لبكره عشان اجهز نفسي ...
قاطعتهم جميله ...
-وانا هرجع الشغل ؟!
-لااااا...
قالها كلا من محمد و ماجد بحده ارعبتها قليلا لتأخذ خطوه للخلف لتقول...
-ليه ؟!
ليقول محمد بهدوء لا يرغب في اخافتها اكثر ولا يرغب بان يعترف بانه يريد اخفاءها عن العالم وانه لن يتحمل وجودها في شركه كلها رجال الا هي .....
-عشان حياه !!
رفعت حاجبيها بتعجب قائله ...
-عشان حياه ازاي يعني ؟
-احم لو انتي رجعتي الشغل وفهد وانا وماجد باشا مشينا وسبناها هي اكيد هتضايق انها لوحدها ولا ايه مش هي صاحبتك بردو ؟!
زمت شفتيها بتفكير غافله عن خدعته لإيقاعها في فخه ورغبته ....
-حياه مش صاحبتي دي اختي .!!...
ارتسمت نصف ابتسامه علي فمه....جميلته لن تتغير اطلاقا سيظل كل من تحب اخ او اخت لها .... تماما كما في الصغر !!