تفاصيل البداية

الاكتمال

الحقيقة هي أهم شئ لاكتمال الحب .. فالحقيقة تجعل من أمامك أكثر ثقة بك و ليس ضعف .. فالكذب هو العامل الاساسي للضعف ..

- لازم أقولك علي حاجة قبل ما توافقي

توترت وتين و ذهبت معه بعيدا عن المأذون ..

- في ايه يا يوسف قلقتني ؟

- وتين أنا مبحبش أكدب علي حد و أنتي مش مجرد حد أنتي خلاص كمان دقيقة هتبقي حياتي كلها .. من فترة ظهرلي ورم في المخ و عملت العملية و نجحت .. بس ممكن في أي لحظة الورم يظهر تاني أنا مكانش ينفع مقولكيش لأن ديه حياتك و لازم تختاريها .. و ليكي حق الاختيار و صدقيني لو اخترتي تبعدي هحترم ده لأن المهم عندي أشوفك كويسة .. أنا بحبك أوي خليكي عارفة ده كويس

كانت تبكي في صمت و هي تنظر له .. أبكي لأجلك و ليس من أجلي يا يوسف الحب جعلني أنانية بالقدر الكافي الذي جعلني أعتبرك ستعيش معي لأجل غير مسمي .. حسناً سأستمتع بكل لحظة و بدايتها من هذا المكان ..

مدت يدها و أمسكت بكفه و ذهبت للمأذون في صمت

- أنا موافقة ..

تزوجا وسط دموع الفرح و ذهول يوسف و لمعة عينه التي  تفضح عشقه لوتين .. و بدأت صوت الموسيقي تعلو بأغنية ليجعلوهم يرقصوا رقصة الحب ..

- متأكدة من قرارك

نظرت له في ابتسامة تسحره ..

- أكتر قرار أخدته و متأكدة إني عمري ما هندم عليه .. أصل الحياة مش هتدينا كل حاجة بالسهولة ديه .. المهم إننا لاقينا بعض و أنا في حضنك دلوقتي .. اللي هو أكتر مكان حاسة فيه بالأمان ..

ضمها يوسف أكثر كأنه يحاول أن يشبع منها ..

- مكدبتش أبداً إني سميتك وتيني .. لأنك لو بعدتي لحظة أنا ممكن أتكسر و نبضات قلبي هتتوه

" يمكن أن نجعل دائماً النهاية سعيدة فالقرار بين ايدينا .. قم باختطاف حبك و أستمتع بكل ثانية فحقاً الوقت لن يعوضه أي شئ .. أحبك دائماً و أبداً و سأظل وتينك للأبد فعند رحيلك سأرحل معك صدقني .."

كانت تلك كلمات وتين الأخيرة في الكراسة التي أهدتها ليوسف يوم الزفاف ..