ပုံပြင်တစ်ပုဒ်ကိုပြောပြတော့မယ်ဆိုရင်
ဟိုးရှေးရှေးတုန်းက ဆိုတဲ့ စကားလုံးနဲ့ပဲ စ ရမယ်ထင်တယ် ။
~~~~~~~~~~~~~~~~~~~~~~~~~~
သိပ်ချစ်ခဲ့ကြတာပေါ့ ။ ရူးနေကြတာလို့ ပတ်ဝန်းကျင်ကဝိုင်းပြောတဲ့စကားတွေကို ဥပက္ခာပြုပြီးတော့လေ ။
ဒါပေမယ့်...........
~~~~~~~~~~~~~~~~~~~~~~~~~~
ဟိုးလွန်ခဲ့တဲ့နှစ်တွေတုန်းကပေါ့ ။
သူမနဲ့ကျွန်မသိပ်ချစ်ခဲ့ကြတယ် ။
တစ်နေ့မှာ သူမမိဘတွေသိသွားခဲ့တယ်လေ .....
ရုပ်ရှင်ထဲကလို ဝတ္ထု တွေထဲကလို နောက်ဆုံးမှာပျော်ရွှင်စရာဇာတ်သိမ်းမျိုးနဲ့ပေါင်းဖက်သွားတာမျိုးဖြစ်လာမလားလို့
ကျွန်မ စိတ်ကူးယဉ်ဆန်ဆန်တွေးခဲ့မိပါသေးတယ် ။
ဒါပေမယ့် တစ်ချို့စိတ်ကူးတွေက သောက်တလွဲဆန်တယ် ......
လွန်လေပြီးသောအချိန်တွေကလို ကျွန်မတို့ တွေ့ဖြစ်ကြတဲ့အခါ စကားတွေအများကြီးမပြောဖြစ်ကြတော့ဘူး ။
တိတ်ဆိတ်တယ်ဆိုတာထက် ပိုပြီးတိတ်ဆိတ်လာတယ် .....
အရင်လို လက်ဆွဲပြီးတော့ လမ်းမပေါ် လျောက်မပြေးဖြစ်တော့ဘူး ။
သူမမိဘတွေဘက်က ထင်ထားတာထက် ပိုပြီးခါးသီးလာတဲ့အခါမှာတော့ .......
သူမကို သမာန်ရိုးကျ ဘဝလေးတစ်ခုရအောင် အတင်းအကြတ်ဖန်တီးယူကြတော့တာပါပဲ ။
ရှေ့တိုးဖို့လုံးဝမဖြစ်နိုင်တော့တဲ့နောက်.....
ကျွန်မလုံးလုံးကြီးနောက်ဆုံးခဲ့ရတော့တာပေါ့ ။
သူ့မိဘတွေက အရွဲ့တိုက်ပြီး မင်္ဂလာဆောင်ဖိတ်စာလာပေးသေးတယ်လေ ။
ဟားတိုက်ပြီးရယ်ပေးလိုက်ရလောက်တဲ့အထိလည်း အသည်းက မမာခဲ့ဘူး ။ ချုံးပွဲချငိုရလောက်တဲ့ထိလဲ ကျွန်မမပျော့ညံ့ခဲ့ပါဘူး ။
သူ့မင်္ဂလာဆောင်ပွဲအတွက် ကျွန်မတို့တီးဝိုင်းကို ငှါးခဲ့သည်အထိ သူမတို့ဘက်က ရက်စက်တတ်ခဲ့ကြသည် .....
ဂျစ်ကန်ကန်ဆန်တဲ့ကျွန်မရဲ့စိတ်က သေတဲ့အထိပျောက်မယ်မထင်ပါဘူး .....
သူမ မင်္ဂလာဆောင်အတွက် ကိုယ်တိုင်သီချင်းရေးပြီး ကျွန်မဝင်ဆိုခဲ့တယ် .....
သူမနဲ့လက်ထပ်တဲ့သတို့သားကလည်း ကျွန်မတို့အကြောင်းကိုမသိသော်ညား ကျွန်မနဲ့တရင်းတနှီးခင်ခဲ့တဲ့သူငယ်ချင်းတွေဖြစ်တာကြောင့် .....
~~~~~~~~~~~~~~~~~~~~~~~~~~
" မမုန်းပါဘူး ဒါပေမယ့် အနည်းငယ်တော့စိတ်နာခွင့်ရှိတယ်မဟုတ်လား ? .....
မင်းအမေက ဘယ်လိုအကြောင်းပြချက်မျိုးနဲ့ မြှူ ဆွယ်လိုက်လို့များ မင်းဒီလောက်ရက်စက်တတ်သွားတာလဲလို့ ကိုယ်မေးချင်မိတယ် "
သူမမျက်ဝန်တွေမှာ ဝေ့ဝဲနေတဲ့ မျက်ရည်ကြည်တွေက ကျွန်မကိုမမုန်းမိဖို့ တောင်းဆိုနေတယ်
ဟင်အင်း.......မမုန်းဘူး ကလေး .....
ဒါပေမယ့် အရင်လို လေးငါးခြောက်ရက် စိတ်ဆိုးစိတ်ကောက်တာမျိုးလဲမဟုတ်ဘူး .....
သေချာပြန်တွေးကြည့်ရင် ဘယ်သူမှမမှားခဲ့ဘူးလို့ ကိုယ်ဖြေသိမ့်မယ် ......
တစ်ခါတစ်ခါ သတိရမယ်
တစ်ခါတစ်ခါ လွမ်းမယ်တစ်ခါတစ်ခါ မင်းအမေကိုမုန်းပြီး
တစ်ခါတစ်ခါ မင်းကိုချစ်မယ် .....ဒီလိုနဲ့ပဲ ကိုယ့်ကိုကိုယ်အဆုံးသတ်ပြစ်လိုက်မယ် ကလေး .......