بنات واولاد

بنات اولاد ٨

اتفاعلو علمود تنزل القصه كامله اذا تبقون هيج صاحبة القصه. تبطل تنشر بعد
بنات.  اولاد  ٨
زينب الموسوي
امي ماتت لان ماتحملت الذل والاهانه والوضع الخطا الي عافتنا بيه بعد ماانتهى العزا باسبوع عرفناجعفر ماخذ ذهب ماما هي تركته وطلعت مطروده من بيتها وحتى ذهبنا كان عدها هي ضامته قررنا اني واخواتي نرفع قضيه بحجز الاملاك والطعن بالتنازل الي كتبنه اخواتي وبالهبه والمحامي انطانه امل بس القضيه تطول سنين بالمحاكم وممكن ياجلها جعفر او ميحضرها كرهت الدنيا وناسها قطعت اتصالاتي باحمد وبصديقاتي بالكليه كلنا نحس بالخجل من رجل اختي زهره گاعدين بيته ومصاريفنا عليه واكلنا وعلاج جواهر. مقبى عدنا حتى التراچي بعناها وموتت امي بهاي الطريقه وهي مذلوله وحزينه فكرت انتقم من سحر بالليل حچيت ويه جواهر وهدى وزهره اختي
اريد اكولكم حچايه واعرف راح تلومني بس النار الي بگلبي متطفيها غير شوفة سحر محروگ گلبها
زهره  گولي شعندچ
ابو سحر قاسم قبل فتره اتصل بيه وفاتحني بزواج وگلي اكتب نص املاكي باسمچ اذا توافقين
هدى شنو هالحچي تدرين شگد عمره ٦٢سنه والله لو يكتب املاكه كلها ماخليه يمس شعره منچ هي روح لو شنو
زهره معقوله عفاف انتي هيچ تفكرين ترى كلها فتره والقاضي يحكم بالورث وشلون تنتقمين من سحر
اريد اخذ بيت امها الي بالنجف كله الي ونگعد بيه احنا واشرط عليه يحرم سحر من الورث واملاكه نصها والله الا احرگ گلبها
جواهر. عفيه عليچ لچ صدوگ مره ليگدام نخليه يكتب كلشي باسمچ ماكو نص البيت ومعرض السيارات ومعمل الاسمنت ومحلات السوق العربي بس خاف ميوافق
شنو ميوافق شوفي رسائله راح يموت وكل يوم يزيد بس وافقي اخذچ لتركيا نعيش هناك
زهره والله حتى لو ياخذچ للجنه عفاف تعرفين الرجال شايب يعني زين من يبقى سهران لثمانيه وامراض وشيب وكل المصايب السوده بيه
وعساه هو وبنته قابل اني راح احبه
هدى هذا حرام الرجال ماله علاقه شنو ذنبه
وماما شنو ذنبها ماتت من ورا بنته لحد الان صورتها گبالي وهي تدفعها وتسد الباب
جواهر حتى اني ودي اذبحها لچ عفاف فرصه واجتنا اني اساعدچ وحتى اعلمچ شتسوين حتى متخليه يلمسچ اذا تريدين اعيش عدكم واني وياچ عليه لحد مانفضه الاملاك ونتركه
والله صعبه واكثر شي مهاين عليه احمد اخسره بس ميصير نظل هيچ ويمكن من جعفر يسمع يقبل يرجع البيت يمكن سحر تضغط عليه بس انتن لازم توگفن وياي وحدي ماادبرها ومااعرف بالقانون
زهره اني ماادخل ولارجلي
هدى وحتى اني هذا لعب نصب واحتيال
جواهر. اني وياچ ومهند توكلي بالله هاي هو دازلچ تعزيه ردي عليه واكتبي مشكور ماقصرت يالغالي هاي الكلمه هسه موديلها اشوفها بالفيس واحد ميعرف الثاني وياالغالي ويالغاليه
لچ اخاف اكتب هذا يوگف گلبه
وگفتهم عساه
غير اول يكتبلي الاملاك وبعدين يتوكل الله وياه
هم صدوگ دكتبي الرساله خلي نشوف شيرد
كتبت الرساله مشكور ماقصرت يالغالي عسى عمرك طويل
رد باقل من دقيقه انتي الغاليه واغلى من عمري
بسيطه اذا ماخذ عمرك واحرگ گلب سحر عليك وعلى فلوسك
بقت احمد شلون افهمه
مرت اسبوعين اراسل قاسم بدون اي تلميح هو يكتب اذا محتاجه شي گولي امچ چانت عزيزه عندي تريدين امر عليكم اخذ اختج للدكتور اي شي بس اطلبي واني ارد ماتقصر الله لايحرمنا منك يااطيب گلب
اكتشفت من رسائله الوحده ماذيته وماعند اصدقاء واقاربه مبتعدين عنه لان بشبابه كانت حياته مابيها التزام ومن كبر التزم ويريد وحده تشاركه حياته ومن هالگد ماعايش الحزن الفلوس ماعادت تعني شي بالنسبه اله
يوم زارتنا عمتي فريده وياها احمد لان اني بطلت ارد على تلفوناته وگالت لاختي زهره بس تطلع اربعينيه المرحومه نخطب عفاف منسوي لاحفله ولا هوسه بس خطوبه ونيشان وبعدين يقررون على العرس كنت اسمع حچيهم بس مدخلت اسلم ليش اعذب نفسي خلص اني اخذت قراري اضحي بحبي لاحمد وهو يلگه غيري وينسى سمعت احمديسال زهره
هي وينها عفاف تدري بينا هنا ليش متجي تسلم مشايفها من ايام الفاتحه
هي معزوله عنه وحزينه حتى احنا متطلع تگعد يمنا
وتلفون متجاوب اگدر ادخل اسلم عليها اذا متصير زحمه
اگوم اشوفها يمكن نايمه
حتى لو نايمه الله يخليچ گعديها
جنت واگفه ورا الباب جرتني من ايدي للمطبخ لچ عفاف احمد اذا سمع بالي براسچ يموت والله من تلفون متجاوبين وجهه يريد يبچي لچ خطيه يحبچ اخذيه الولد موظف وراتبه زين وشاب وحقچ تاخذيه بالمحكمه لاتصيرين مثل جعفر تظلمين ناس تحبچ فوتي سلمي عليه وفكري بحچي ولچ والله تگعدين الصبح تشوفين انسان يحبچ نايم بصفچ تسوا املاك الدنيا
كافي زهره الله يخليچ هو اني ناقصه ادري مو سهله بس مثل متگولين ولد شاب ينسى ويحب
ليش مسامعه ناس تحب وتبقى طول العمر تحب نفس الشخص حتى لو باعهم
ذولي ناس بطرانيين ماعدهم شغل وعمل اخذ قاسم ممصدگ ارد على رسائله شلون لو صرت بيته والله ليتبرى من سحر بالمحكمه وحتى جعفر هم يتركها بس يعرف ماعدها ورث
دخلت سلمت على احمد وعمتي بوستني وراحت ويه زهره للغرفه الثانيه بقينا اني واحمد تحاشيت النظر اخاف اضعف
عفاف ليش متردين على التلفون بدر مني شي غلط
لا والله بس الي صار لحد الان مأثر عليه
الله يساعدچ بس على الاقل طمنيني عليج دقيقه ردي وسدي التلفون يمكن اخفف عنچ اواسيچ
شتواسي على طردتنا من بيت ابونا وگعدتنا عند النسابه لو موت ماما وحسرتها
عفاف هذا بيت اختچ موغريبه ومحسن ابن عم ابوچ
وليش مااگعد بيت ابوي ليش شنو سوينا بگنا نهبنا اني اريد بيت ابوي والا ارجعه
على كيفچ ليش عصبيه عيوني انتي عفاف ورث ابوچ كله مغصوب ابوچ اخذه من اخوانه لذلك صار عليكم مثل اللعنه وهسه تشوفين حتى جعفر ميتهنى بيه
وانت جاي هسه تگلي ابوچ حرامي شكرا على المواساة
شبيچ منفعله ماگلت حرامي بس هو بشبابه غلط وهسه انتم دتفعون الثمن
احمد اني مناقصتك تگعد تتفلسف
اگولچ ليش مترگعين بهاي المزهريه احسن عفاف انتي ضايجه من الگعده هنا تعالي اليوم يمنا بيتنا انتي بعمرچ مابتي عدنا واخذچ ناكل بمطعم وغيري جو يومين تلاثه وبعدين ارجعي ومن تطلع الاربعين ننخطب وشهرين نتزوج
زين من اروح ابات يمكم وين ابات بغرفتك بحضنك شنو اجانب لو گلت لروحك هاي بقت بلا اهل
تدرين هذا مو قصدي تباتين عدنا الغرف اربعه وتنامين بوحده منهن
احمد انت حتى خوات ماعندك كلكم ولد  وابوك رجال غريب شيگول عني جايه بايته يمكم ترى اني مو زغيره حتى اتصرف هذا التصرف
عفاف اني حچيت لان ردت تطلعين تغيرين المكان واشوفچ مشتاقلچ والله
والله مالي نفس بكلشي حتى انت هم ماافكر بيك
شلون تگولين هيچ حرام عليچ لچ حتى اخواني الزغار يشوفوني كل شويه اتصل ومتردين گامو يصيحولي ابو عفاف
ضحكت على حچيه وبيني وبين نفسي قررت اطلع وياه مثل المحكوم بالاعدام من يسالوه عن امنيه خلي هاي تكون اخر ذكرى الي وياه وحتى يعرف اني بعته وبعت نفسي ويكرهني وينسى رحت وياهم البيت وبقيت للعشى احمد من فرحته شوفني حتى القاط الي محضره للعرس ميدري بلي راح اسويه
شوفي هاي غرفتي جديده وماانام بيها لحد متجين
احمد افرض ماتزوجنا شتسووي
ليش منتزوج ياستار
افرض صارت ضروف وافترقنا
قصدچ جعفر. ميقبل اخطبچ من عمامج يدرون وموافقين
بس افرض بدون اسباب متزوجنا
ماادري شسوي لان اني ولايوم يمر مااحلم انت مرتي يمكن بعد مااتزوج ابد واترك الوظيفه والعراق واهچ
شنو هالحچي وامك ابوك واخوانك تعوفهم ميصير هذا التصرف خطا احسن تنساني وتتزوج وتبقى يم اهلك ووظيفتك
انتي شتسوين اذا ماتزوجنا
ماادري اذا متزوجنا اتاكد اني اكون عايشه بدون روح  وبدون هدف عايشه وخلص
عفاف اني جبتچ هنا حتى تطلعين من جو الحزن موحتى تبجين
حسيت ايده تمسح دموعي كافي تبچين مستحيل اعوفچ وهسه المشاكل تنتهي وتصير سوالف ونتزوج ويصيرون عدنا اطفال
كافي احمد وديني للبيت الله بخليك
وين تروحين بهالليل يراد اكثر من ساعه يله نوصل
ميخالف احمد عيب من رجل اختي ارجع متاخره وديني هسه
يله تعالي اوديچ
طريق كله كان يسولف عن احلامه وحبه الي واني كل شويه ابچي وارد اسكت الله يسامحني على الي راح اسويه