بنات واولاد

بنات اولاد ٩

بنات.  اولاد. ٩
زينب الموسوي
وصلنا للبيت ردت انزل احمد گلي
شنو متعاركين حتى الله وياك ماكو
الله وياك احمد دير بالك على نفسك وسامحني
على شنو اسامحج حبيبتي عادي تبچين وتصيرين عصبيه وفاة امچ جتي مفاجاه حاولي تلتهين لحد منتزوج واني انسيچ الدنيا كلها
دخلت للبيت حچيت ويه جواهر
يمكن مااگدر اعوف احمد كلش متعلق بيه ويحبني من صدوگ واني هم احبه شفت الغرفه الي مجهزه لعرسنا وتمنيت انسى الورث والمشاكل وكلشي وكون زوجته بتلك اللحظه شلون هو اكيد عنده نفس الامنيه
اگلچ احنا مدنلعب زين تطلع الاربعين  ونبدي بخطتنا فكري بالي سوته سحر وجعفر. والاملاك الي تصير باسمچ
واحمد اذا صار بيه شي من وراي
اكص ايدي اذا صار بيه شي لچ الزلم ماعدهم گلوب وحچيهم كله چذب وهسه تشوفين شهر امه تزوجه وزوجته تحبل بنفس الليله اخاف واحد يگلچ راح يبقى على ذكريات ويتعذب هذا حچي افلام
بعد ماطلعت الاربعين اتصل قاسم
شلونچ عفاف بعد ماتردين على اتصالاتي ورسائلي خير اخاف مريضه تعبانه
لا والله بس انشغلت اريعين ماما ودوام الكليه بدا من جديد
انتي ليش مترجعين لبيتكم سحر تگول متقبلن ترجعن
هيچ گالت لك هي طردتنا ودفعت امي هي وجعفر بنتك ماادري عليمن طالعه شيطان بس لا انت مثلها
اني معليه بيها لاتكرهيني من وراها مارديتي عليه بخصوص الزواج
ماادري محتاره
ليش محتاره كل بنيه بالاخير تتزوج واني راح انطيج كل الي انحرمتي منه بيت لوحدچ ونصه باسمچ واثاث وذهب وكل املاكي بالنص ويه بناتي
لا هذا مو خوش حچي هم ارجع للمشاكل ونص الي ونص الهن ويجوز تطلگني تعوفني وتبدي محاكم ومحامين
شنو هذا الحچي ليش اطلگچ وليش اعوفچ كلشي راح ينكتب بعقود واوراق رسميه
اريد بيت خالتي الي باسمها كله الي وبيت تشتريلي يم بيت جعفر وسحر قريب وتكتبه باسمي ومحلات السوق العربي كم واحد عندك
اثنين عندي
واحد منهن تكتبه الي وتشتريلي سياره حديثه وذهب خالتي وين صار موجود انطيت قسم منه لبناتي من تزوجن
اريد الباقي اليه كله مااريد ذهب جديد شگلت
هذا مو منطقي الي تطلبيه عفاف بيت اشتريلچ يم بيت اهلچ باقي الاملاك نصها باسمچ ورا مانتزوج
شنو ورا مانتزوج شگالولك عليه غبيه اسمعني زين خطوبه نوقع عقود البيع والشرا نعقد عند السيد تسجل بالطابو وتدفع الضريبه نعقد محكمه استلم سندات التمليك ونتزوج وكل الي گلته ماتنازل عنه لاتنسى اني زغيره وحلوه والاملاك شراح تفيدك وبناتك ممحتاجات بس اني راح اعيش وياك وادللك واداريك وهمين يتيمه لااب ولا ام وبكيفك مو احسن معايش لوحدك ومحروم وحتى بناتك ميسألن عليك وعايشات حياتهن ومتونسات وانت تفكر تعوفلهن املاك بعد عمر طويل انشاالله اسم عليك بيش تفيدك البيوت الخاليه ومايمك حبيبه بنوته حلوه تسولف وتضحك وياك تنتظرك ترجع من الشغل وتتلگاك بكلمه حلوه بس انت الظاهر. بخيل على روحك متحب تدللها وتسعدها على راحتك بس والله خطيه انت انقهر عليك بناتك كل وحده ويه رجلها وانت  تريد تضحي بسعادتك علمودهن ترى العمر مره وحده وانت حتى زواجك من خالتي متهنيت بيه مريضه وضعيفه ونحرمت من الولد يشيل اسمك يله الله وياك وفكر ورد عليه لاتطول ترى ابن عمتي محضر غرفة العرس
ميحتاج افكر بيت اشتريلچ ومحل انطيچ وذهب اشتري
لا اريد بيت خالتي وذهب خالتي وبيت ثاني قريب من بيت اخوي واحد من المحلات باسمي
هواي هذا وليش مصره على بيت وذهب قديم
هواي عليه واني اگول لاخواتي وصديقاتي يحبني وميردلي طلب هو بيت مهجور بالنجف وذهب مشمور صار سنين تعزهن عليه همزين عرفتك من البدايه الظاهر قسمتنا مو سوا ليش خليتني اتعلق بيك واصدگك الله وياك
سديت التلفون جواهر كانت تسمع شفتي هذا الشايب العايب نشف ريگي على بيت گبر يلفه
بس انتي مو سهله هسه متخلص الليله اذا ميتصل موافق تدرين طول مااني احچي وياه احمد يدك عليه
خلينا من احمد هسه احنا عدنا مشروع لازم ينجح
مرت يومين خابر قاسم گلي موافق على الشروط
خلص اذا موافق تعال احچي ويه جعفر اخوي وحدد موعد للخطوبه
وليش جعفر اروح لمحسن واخطبچ منه
ليش متريد سحر تعرف
لا بس اخاف علاقتها بجعفر تتاثر
اسمعني حبيبي تسمحلي اگول حبيبي عادي
طبعا عادي گولي
حبيبي قسومي كافي تفكر بسحر وقمر بناتك وخلينا نعيش حياتنا لوحدنا معلينا بغيرنا اعتبر نفسك اول مره تتزوج وماعندك بنات اني وانت وبس وكلها كم شهر واني اجيبلك ولد وبنات شگد متريد انت ماقصرت وياهن  كافي عيش لنفسك والي
تدرين اني من اسمع حچيچ ادوخ
لا اسم الله عليك مو تدوخ هذا يسموه الحب ويمكن اول مره تعيشه وتحسه حلو الحب مو بالله
اكيد حلو هسه اخابر جعفر واشوفه وين واحچي وياه
مو تنسى تگله على اتفاقنا وبيت المرحومه الي تسجله باسمي