مابعد اجبارهم احببته ((الجزء الاول))

البارت 3

#سهى_الشمري
#مابعد_اجبارهم_احببته
مر يومين وماصار شي
ام قمر:ماما تعالو
اجينا كولنا
ام قمر:راح اروح للسوگ من يجي وياي
قمر:ماما اني طاگة روحي من البيت من ورة العطلة خل اجي وياج
احمد:ماما اني عندي امتحان قواعد الاحد فااريد اقرة
لين:اني اجي عادي؟
ام قمر:بس حمودي تبقة وحدك شلون
احمد:يمة اني رجال 😌
قمر گرصت خدوده وگتله يمةة فدوة لرجال البيت
احمد:بعد شوي العب طوبة وية ثديقي بالملعب
ام قمر: يلا ماشي بس دير بالك على نفسك مانتأخر شوي ونرجع
قمر بدلت ولبست

دنمشي بالسوگ
لين:قمر شوفي هذا البنطرون يخبل
قمر:اي يخبل هذا لو وياه جاكيت بيجي يطلع..
ومااحس احد گرصني بخاصرتي التفتت طلع شاب يطلع بعمر العشرينات يعني
الشاب:ياحلوة هاج رقمي وحطه بجنطتي
اني اخذت الرقم ودست عليه بحذائي وصار كله تراب الرقم 😁
الشاب:لج شسويتي
قمر:مستواك غير
الشاب:گبر اي والله حتى گبر
وعفته ومشيت
مايبطلون الشباب هاي السوالف المكسرة يصجمون بنية
((سهى الشمري))
رحنا گعدنا باكفتريا وشربنا عصير لشوي واجتني بنية گالت قمر؟شكلها مألوف بس مااتذكرت وين
ميس:قمر؟
قمر:تعرفيني؟
ميس:اي طبعا شنو ماعرفتيني؟
قمر:اسفة حبيبتي بس والله ماعرفتج
ميس:مو مشكلة اني ميس
قمر:ميس؟؟ااا عرفتج شونج ميوسة
ميس:تمام وانتي؟
قمر:على الله تفضلي ويانا جاية وحدج
ميس:لالا وية ماما
قمر:خل تجي جيبيها واگعدو ويانا
ميس:اوك
واجت وسلمنا وتعارفن امهاتنا
وظلن يدردشن واخذنا ارقام بعض
ام مهند:اهاا يعني بس انتن وولد صغير بالبيت؟
ام قمر:اي والله وانتو
ام مهند:والله اني منفصلة وعايشة وية اولادي اثنين شباب. مهند ويحيى وبنتي ميس
ام قمر:اها الله يحفظهم
ام مهند:تسلمين عيوني شون عايشين
ام قمر:والله عايشين على راتب المرحوم التقاعدي ومرات عمهم يوديلنا فلوس بس مشكلته بابنه
ام مهند:شبيه
ام قمر:لازگ لقمر لزگة وهي ماتحبه ويريد يتزوجها غصبا ماعليها وشكد وگفنا بوجهه بس مايهدها
ام مهند:خطية
ام قمر:اي والله يخيتي وهسة قررنا نزوجها علمود بلكت نرتاح منه وهم ينحسب بعائلتنا رجال
ام مهند:خطية
قمر:والله لو بيدي مااتزوج وطبه مرض
ام قمر:عوفينا منه انتم شلون اولادج متزوجين؟لا؟يشتغلون؟
ام مهند:مهند عاقد. على بنت اختي ويشتغل ويحيى لامتزوج ولاخاطب وماكو بنت بحياته ويشتغل وية صديقه بمحل كماليات وشخصيته حلوة ويضحك للهوة الطاير ويشاقة  بس اني اكلج يخيتي موتتني بشربه يشرب ومايهده شكد ردنا نبطله ومافاد وهم مثلكم قررنا نزوجه
قمر:بس خالة منو يگول يبطل اذا تزوج اصلا ممكن يزيد
ام قمر:جا شنسوي نتوكل على الله عسا ولعل يحب مريته
ام قمر:خطية
ام مهند:بعده شاب بأول عمره ويشرب يخرب حياته بهل السم وبس يشرب يصير عصبي ومو بوعيه ويتعارك
ميس:ماما هذا يحيى عالتليفون
ميس:الو
يحيى:هلو قزوومة وين صرتو
ميس:بعدنا بالسوك ليش وين انت غير بالمحل
يحيى:اي رجعت خليت ياسين بالمحل
ميس:اهاا
يحيى:وج متت من الجوع يلا تعالو غدوني وياريت تجيبون گص وياكم
ميس:اوك
يحيى:استعجلو يلا باي
ميس:بايات
ام مهند:ها خير شيريد اخوج
ميس:جاي للبيت ومالاكينا وكاتله الجوع
ام قمر وقمر ولين :ههههه خطية
ام قمر:يلا عيني احنا نترخص
ام مهند وميس: تشرفنا مع السلامة
الجميع:مع السلامة
والكل رجع البيته
يحيى جنت متمدد واجو اخيرا كتلني الجوع وين لفتي
ميس:هاك هاك همك على بطنك
يحيى:ميخالف مقبولة منج خل اكل
مهند:السلام عليكم
الكل:وعليكم السلام
يحيى:شو اتاخرتو
ام مهند:التقيتنا بقمر وامها واختها
يحيى:وقمر منو؟
ميس:البنية الي سولفنالكم عليها يلي دافعت عن ماما وانوب وصلناها
يحيى ومهند:اهااا
وگعدنا ناكل
وظلو يسولفون وجابوها علگرايب
ميس:تذكرين ماما شگالت ام قمر على هذا ابن عم قمر
ام قمر:اي خطية
يحيى:شبيه مات؟
ميس:لا بس يحبها كلش ومهووس بيها ومايعوفها بحالها ويظل لاحگها وهسة يردون يزوجوها
مهند:وتالي مات؟
ميس:يابة شعدكم وية الموت كل ساع سائليني مات مات؟؟ يابة لا 😡
يحيى:شبيج عصبتي مياسة مو صوجج غير نفتهم 😁
ام مهند:وانت مو تتمضحك عالسالفة ترة لسة جاي ندورلك مرة مو مكيف
مهند وميس:😂😂
يحيى:يبوووو
يلا عوافي گايم
ميس:ماما
ام مهند:ها
ميس:عندي فكرة ولو غريبة بس اتوقع تفيد يحيى
مهند:وهية؟
ميس:يتزوج قمر
مهند:منو يحيى؟
ام مهند:يماما نظلم البنت وياه الي بيها مكفيها
مهند:بس خوش فكرة
ميس:ماما اذا كل بنية حتگولين خكية نظلمها وياه جا مايتزوج
مهند:وياها حق
ام مهند:مااعرف انفكر
ميس:يي فكرتي وگوليلنا
مهند:اييه اخلص منه سوالفه ويصير رجال متزوج اويلي وانوب اصير عم الله
ميس:واني اصير عمة وتصير عندي مرت اخ واولاد اخ ونسوگ ونشتري هدوم للاطفال
ام مهند:هاهاها وين وصلتو شنو السالفة لاتفاولون علية بعدنا نفكر بالسالفة
مهند وميس:😂😂
ستووووب خلص البارت راح اكتب بعد واحد هسة 😍😍تفاعلو