#سهى_الشمري
#مابعد_اجبارهم_احببته
صار ثاني يوم
ميس:صدك ماما يعني ابن عم قمر ضرغام هو نفسه يلي ضرب يحيى؟
ام مهند:يي
ميس:شنو هالصدفة
يحيى:امممه صباح الخير
ام مهند وميس:صباح النور
يحيى:جا وينه مهند
ميس:طلع وية نهال
يحيى:اي بالعافية عليه
وگعدو يتريگون
في جانب اخر
لين:مامااا
ام قمر:خييير خيير شعدج تصيحين من الصبح
قمر:ماما اني گتلها تصيحج
ام قمر:خير اللهم اجعله خير
قمر:اني موافقة على يحيى
ام قمر:هااا؟؟؟؟
قمر:يي مثل ماسمعتي من بعد ماشفت شلون ضرغام مانواي يحل عني قررت اتزوج يحيى حتى بعد ينساني ويعوفني وبنفس الوقت يحيى مبين خوش ولد وممكن اكدر اساعده حتى يتخلص من عادة الشرب والسكر
ام قمر:عفييية ببنيتي هذا احسن قرار قررتيه للان
لين:يعني اتعوفنا؟
قمر:اي
لين:لالالالا 😢😢
قمر :حبيبتي لاتبجين وحضنتها واجت ماما هم حضنتنا وفجاة حمودي هم شبگنا
لين:ياقوووم اختنگت وخرو عني مااريد حنانكم الزايد خنگتوووني
الكل:هههههههه
قمر:بس ماما بشرط
الام:شنو
قمر:مايتقربلي ويصير زواجنا عالورق وبس وبس مااتحمل اطلك منه
الام:بس
قمر:لو تننفذولي قراري لو انسو
الام:ماشي
والساعة ب10ونص دك موبايل ماما
ام قمر:الوو
ام مهند:صباح الخير ام قمر شخبارج
_صباح العافية الحمدلله وانتو
_على الله اكلج ولو زعجتج وخابرتج بهيج وقت بس ردن اسئلج على قرار قمورة
_والله هو اليوم حجينا بالموضوع
_ايه؟
_وانطت موافقتها
_يالله
_بس
_بس شنو ام قمر
_تگول مايتقربلي ويصير زواجنا عالورق وبس وبس مااتحمل اطلك منه
_ياااا
_يي والله
_بس؟ يلا ميخالف يجرالها اتمنى مايوصلون لهذيج المرحلة المهم موافقتها واليوم احجي وية يحيى ونشوف
_ماشي
_يلا مع السلامة سلمينا
_الله يسلمج مع السلامة
وسدت
،،،،،،،،
ميس:ها بشري شنوو
الام:تگول ام قمر قمر موافقة بس عدها شرط
ميس:شرط؟؟شرط شنو؟
الام:تگول مايتقربلي ويصير زواجنا عالورق وبس وبس مااتحمل اطلك منه.
ميس:جااا
الام:اي يماما دخل ينزل يحيى ونتفق وياه هو الثاني
يحيى: خيير سمعت اسمي بسالفة ترة اريد اروح للمحل بسرعة احجو
الام:يمة يحيى لگينالك مرة
يحيى:اهوووو عبالي سديتيه الموضوع
الام:لاماسديته
يحيى:يمة انسي السالفة فدوة لربج
الام:لاماانساها وانطيت كلمة لاهلها
يحيى:اففف زين شسمها شكد عمرها شتشتغل ست الحسن
الام:اسمها قمر طالبة كلية اداب عمرها 21سنة من منطقة،،،،،،
يحيى:طالبة كلية يعني؟؟زين تدري بية اشرب؟
الام:ايي تدري
يحيى:اهه وموافقة؟اذا شو شبيها اكيد تلعب النفس لو معيوبة
ميس:دااسكت اسكت تخبللل ومابية ولاعيب وخوش بنية واخلاقها عالية
يحيى:وانتي حضرتج تعرفيها يعني؟
ميس:يي
الام:تگول مايتقربلي ويصير زواجنا عالورق وبس وبس مااتحمل اطلك منه
يحيى:مو عاساس اني راح اموت على خلقتها الزفرة بس احسن حتى ارتاح منكم ماشي موافق
ميس:ياااي
يحيى:وانتي ليش مكيفة
الام:خوش معناتها اليوم نروحلهم حتى نتفق
يحيى:روحو وحدكم اتاخر اليوم اروح للمحل وانوب اروح وية جماعتي
الام:اهوووو والله موتتني بالسم مالتك ماشوكت تجي البنية وتخليك تقلع عنه
يحيى:اتحلمي لاهية ولاغيرها
ميس:اففف
يحيى:يلا باي عود گولولي شوكت تتفقون على كلشي
وراح
ام مهند:موتني كشش منك موتتني بسمك
ميس:عوفينا منه خابري قمر گوليلها راح نجيهم اليوم
الام:يي
وخابرتهم وگلنالهم راح نجي حتى نحدد العقد مالتهم ومشية الزلم
وصار الليل
////////////////
قمر عرفت انو هذا يحيى موافق علية وراح يجون اليوم حتى يحددون الخطبة وتوترت خفت من اشوفه شراح يصير
وبدلت لبست نفنوف اسود وبيه خطوط وانكسارات زرگ ولبست بنطرون اسود وشال ازرك وسوينا العشا وكملنا اكل وانوب صارت الساعة ب8ونص اندگت الباب ودخلو للاستقبال
لين:قمر
قمر:همم
لين:جاية امه واخته وولد يطلع بنهاية العشرين اظنه هوة
قمر:امم
توترت من گالت اجة كلش خفت انوب اجت ماما گالت روحي سلمي وانطيهم العصير والكيك
ورحت فتحت الباب انصدمت
لگيته ماجاي بس امه وميس ومهند اخوه
سلمت وبوستني امه وميس وانطيتهم
ام قمر:جاا ام مهند شو يحيى ماجاي انتم شنو ماگلتوله
ام مهند:هووة ااا والله گناله بس عنده شغل يسوي يگول كلش مهم
ام قمر:ها فهمت
وظلو يسولفون
ام مهند:حبيبتي شنو رئيج الخميس الخطبة وباجر نروح نطلع نشتري الحلقات والذهب والبدلة علمود الخطوبة والعرس ان شاء الله انتم تتفقون عليه تمام؟
قمر:بكيفكم
طبعا اني ميتة خجل شلون وليش ماادري ليش مااجة ومعقول شغله لهل الدرجة مهم يلا مو مشكلة باجر نشاوف من نشتري الحلقات
وظلو يسولفون اخر شي صارت الساعة ب10گالو راح يرحون ووسلمو وراحو
لين:يعني هذا اخوه؟
قمر:اي مهند
لين:شو لابس الحلقة بايده اليمنة شنو خاطب بس
قمر:اي خاطب على بنت خالتهم
لين:اهاا بس شون غير هوة الجبير لازم هوة اول قبل يحيى
قمر:مو عن شي بس عود لان يردون باسرع وقت يحلون مشكلة يحيى
لين:اهاا فهمت منطقي بس الي مافهمته ليش رجلج مااجة
قمر:اهووو شكد تسئلين موتيني انطمري اريد اروح انام تصبحين على خير وصعدت لفراشي وظليت افكر شلون باجر راح اشوفه ومعقول يحجي شي من ورة سالفة ضرغام معقول يكون لهذا مااجة اففف التفكير راح يشلني اخر شي غفيت
ستوووووب خلص البارت هسة انزل غيره 😘😘😘تفاعلووو
YOU ARE READING
مابعد اجبارهم احببته ((الجزء الاول))
ChickLitقد اكون حواء لكن لدي عقل افكر به واختار الذي يناسبني ولكن اجبرت على الزواج الخاطئ فكيف تكون نهايتي،،،مابعد اجبارهم احببته،،،بقلم سهى الشمري
