#سهى_الشمري
#مابعد_اجبارهم _احببته
صار الصبح...
كعدت لكيته بعده نايم اجيت اريد اكعده بس ضايجة منه فوك ماخايفة عليه هيج يعاملني بسيطة يايحيى 😡
ماكعدته عفته نايم صارت الساعة 10ونص كعدت ميس اجت صبحت علية وكعدنا نسوي الريوك ...
ورة شوية نزل مهند عدلت شالي صبح علينا ...وكعد عالميز واحنا نسوي الريوك....
كال/قمر وين يحيى بعده نايم؟؟
كتله:يي
كال خوما يضوجج شي بس كولي
كتله لا مامضوجني
ميس صدك بيش الساعة اجة البارحة ؟
صفنت شكلهم
كلت وراج بشوية اجة
كال مهند ليش البارحة جاي متاخر؟...كتله يي شارب...كال ..اهووو هذا لسة مابطل ساعة شة شصار بيه من ورة هالسم ....كعدت خالة ...صبحت انوب سمعتنا ضاجت وظلت ترزل ....كعدنا نتريك ..اجة يحيى ..كال ...اخخخخخ راسي مصدع كلش يوم اريد حب مال وجع راس .
كالتله انطيك سم موتتني اتزوجت وبعدك تشرب اذا صار بية شي من وراك...
يحيى...فففف مابية حيل لهل محاضرات من الصبح اتدني ميس خل اتريك وياكم ...
قمر من اجة اني ضايجة منه ومو متحملة اكعد وياه كمت ....كلت دايمة ..وكمت
كالت خالة ليش كمتي حبيبتي شكلتي..
كتلها لاشبعت ....
باوعلي يحيى ودنك راسه ...
رحت للغرفة عدلت الفراش وميز التواليت دخل يحيى ....
مااهتميت لدخوله لان ميتة من وراه ...
كال احممم
كتله خيير ....
كال حضريلي ملابس اريد اطب اسبح واروح للمحل صارلي كومة مارايح والولد تعب اكيد....
كتله هسة...
دخل يسبح واني طلعتله بنطرون ابيض وقميص احمر وترانشوز حمرة وهو ابيض اكيد راح يطلع عليه حلوو....صفنت كلت شنو هالتمسلت الي كاعد اكوله ...
طلع من الحمام لاف المنشفة على خاصرته والعضلات اويلي....ضليت صافنة هاي شنو ...مامنتبها لروحي ... وللك شوف العضلات مال بطنه وصدره مشدودة جنها مال افلام ...ولة ايده اويلي شنوووو هاي .....
جنت لازمة المنشفة اريد اسبح مامنتبهة هية واكعة مني واني الابتسامة شاكة نص وجهي وراسي مايل من الجمال....
فجاة.....
يحيى كال لازم عجبتج ؟ 😉
فزيت من صفنتي ...
ها؟؟ ااا شنو ؟؟
كال عضلاتي وبطني صارلج ساعة صافنة عليهم واحاجيج وماتردين ...
كلت بكلبي يبوووو شون فشلة هسة الة اصفن هسة شيكول زاحفة بويايييي ياللاحراج لا وفوكاها الابتسامة ياكاع انشكي وبلعيني الله يرضى عليج ...
لاوفواكاها بايعة ثكل المفروض اهئ شون موقف...
كتله لا ابد شنو شكالولك علية لا مستحيل قابل اني شنو لالا طبعا اصلا اصلا عاديات
ضحك ضحكة طويلة وعالية واخذ الملابس وراح يبدل ....
YOU ARE READING
مابعد اجبارهم احببته ((الجزء الاول))
ChickLitقد اكون حواء لكن لدي عقل افكر به واختار الذي يناسبني ولكن اجبرت على الزواج الخاطئ فكيف تكون نهايتي،،،مابعد اجبارهم احببته،،،بقلم سهى الشمري
