#سهى_الشمري
#مابعد_اجبارهم_احببته
بعد اسبوعين
قمر:ماما باجر عندي عطلة off بالكلية فلا تگعديني. تمام؟
ام قمر:اي ماشي
في جانب اخر
مهند:يمةة كلتني ابنج ريحة غرفته كلها هذا الزفت. ماتنطب
ميس:اي صحيح وفوگاها يجي متأخر بليل ويگعد متأخر الصبح البارحة اجة من 3ونص الصبح وهسة ب5العصر وماگعد اجيت اروحله اذب عليه مي واشوف شيسوي
مهند:مو نگلج زوجيه
ميس:الله يساعد التاخذه. شگلتي على قمر
ام مهند:ماشي نزوجهم زين منو يگول البنت تقبل البنت حلوة وشابة وشهادة ماتنعاب تگدر تاخذ اي واحد تروح تاخذ سكير وين لاگيتها
ميس:انتي بس روحيلهم وتفاهمي وياهم و اقنعيهم ها؟
ام مهند:الله كريم باجر اروحلهم و الي كاتبة الله يصير
وصار ثاني يوم
ام قمر دااحضر بالغدا لان الساعة ب11واندگت الباب
ام مهند:السلام عليكم ام قمر
ام قمر:وعليكم السلام ام مهند تفضلي يااهلا وسهلا
ام مهند:اهلا بيج
احمد:ماما راح اروح اشتري من المحل
ام قمر:ولك تعال سلم على خالتك
احمد:شونج خالة
ام مهند:هلة يخالة يمة فدوة شنو هالجمال الله يستر عليه حمودي مو؟
احمد:شطرا حالة الله يحفظج اي اني احمد
ام مهند:فدوة شون حجي فدوة يبعد خالتك
وراح
ام قمر:اتفضلي هذا مي وجاي
ام مهند:ليش تعبتي روحج شاربة والله
ام قمر:اي ضرگي جاينا
ام مهند:هههه اكيد يخبل مثلج
ام قمر:تسلمين يروحي
ام مهند:جا وينها قمورة
ام قمر:البارحة جان عدها امتحان فسهرتله ومن اجت من الامتحان تعشت وصلت ونامت وعلى هالنومة اليوم عدها اووف فما داومت
ام مهند:خطية الله يساعدها تتعب
ام قمر:اي ومحمد
ام مهند:اليوم جايتج بشغلة
ام قمر:بعيني
ام مهند:شغلتي اعرف صعبة بس اتمنى ماترديني خايبة
ام قمر:والله اذا اگدر بعيوني
ام مهند:تسلم عيونج اا اني شفت بنتج قمر وصدك حبيتها شفت اخلاقها وجمالها وشخصيتها وسوالفها وعجبتني من كل النواحي
ام قمر:تسلمين بعد گلبي
ام مهند:ولهذا اريدها لابني يحيى
ام قمر صفنت شوية بنتي مااكدر انطيها وحتى اذا انطيتها انطيها لواحد سكير ويشرب شلون سالفة 😯
ام مهند:اعرف صعبة عليج وخاصة من گتلج يشرب بس لهذا اريد مساعدتج بلكت تخليه يحبها مثل ماخلتنا وبنفس الوقت تساعد نفسها عن ابن عمها
ام قمر:والله مااعرف فاجئتيني بكلامج بنتج هية وربي نشوف رئيها اذا وافقت ورأي عمها ونردلج خبر
قمر:صباحكم انيي ونزلت ادبج واتمزلك ☺☺☺
قمر يبووو عزة شون فشلة ام مهند گاعدة هنا يبوو 😶😶
ام مهند:صباح العافية حبيبتي
قمر:شونج خالة ☺
ام مهند:الحمد لله تعاي تعاي خل اسلم عليج
قمر:☺ وبوستها وسلمت عليها احبها هالمرة احسها فقيرة
ام قمر:تعاي ماما اگعدي هنا خل انسولف بشغلة
قمر:ماشي گولي
ام قمر:ماماتي قبل شوي خالتج ام مهند حجت وياي بشغلة عليج
قمر:علية اني؟
ام مهند:اي يخالة انتي عاجبتني والله وغلاوتج من غلاوة بنتي ميس ومن اول ماشفتج ارتاحيتلج وهسة اريدج تصيرين جنتي
قمر:نعم؟؟؟
ام قمر:تريدج تتزوجين ابنها يحيى
قمر:اسفة خالة والله اني هم اعزج واحسج امي بس اني مااريد اتزوج وانتي عندج فكرة عن الموضوع بالاضافة ابنج تعرفين مو قصدي اقلل من شأنج وجيتج بس ابنج يشرب
ام مهند:والله يخالة اعرف بس يجرز تگدرين انتي تصلحيه اني لومااعرف انتي خوش بنية وتگدرين تغيرين الناس مااحيج وادك بابكم واطلبج
قمر:مااعرف خالة مااعرف
ام مهند: وبالاضافة راح ترتاحين من ابن عمج
قمر:واذا مانجحت. بتغييره شون
ام مهند:انتي اتفقي وياه ليگدام اذا تريدبن حتى مايتقربلج ويكون زواجكم بس عالورق وعيشي ويانا وصيري منا وبينا واذا مرت فترة وماتحملتي العيشة وياه اطلگي منه
قمر:😐😐
ام قمر:ماما القرار بيدج انتي حرة
ام مهند:صدگيني يخالة مااخليه يسويلج اي شي بس وافقي
قمر:ماادري افكر
ستووووب خلص البارت نعست كلش وبالكوة اكتب من النعاس شنو رئيكم بهل البارتين وشراح يصير البارت الجاي اللقاء الاول ترقبو اذا شفت تفاعل اطوله البارت الجاي
YOU ARE READING
مابعد اجبارهم احببته ((الجزء الاول))
ChickLitقد اكون حواء لكن لدي عقل افكر به واختار الذي يناسبني ولكن اجبرت على الزواج الخاطئ فكيف تكون نهايتي،،،مابعد اجبارهم احببته،،،بقلم سهى الشمري
