مابعد اجبارهم احببته ((الجزء الاول))

البارت 11

#سهى _الشمري

#مابعد_اجبارهم_احببته

سلمنا وكعدت كدام يحيى ويم خالة ونهال وطلبنا اكل وانوب خالة حجت كالت شنو رئيكم  تسوون العرس الخميس الجاي مو احسن ؟ردت احجي سبقني يحيى وكال يوم اني وياج شحجينا .....بعدني مامجهز نفسي حتى اتزوج... ليش تظلين تعيدين بهل الموضوع ها؟

 كلت بكلبي سودة علية عاساس اني كاتلة روحي حتى اتزوجك.... تهي بهي انوب اني حجيت وكلتلهم خالة مو هسة بالاضافة هاي الفترة عندي امتحانات ماكدر هذا الخميس ...عليمن مستعجلين كالت يخالة ادري بس اريد بسرعة تتزوجون ونفرح بيكم كال يحيى يمة خل نكلب الاوراق الكل يدري انو هالزواج مو زواج حقيقي ....مجرد زواج عالورق....ز بعد المن كل هاللقائات والتحضيرات وصرف فلوس بالبلاش؟......... صدمني من كال هيج صح  اعرف هالزواج عالورق بس المفروض يحترمني ومايحرجني هالشكل...

عرفت شون نظرة ناظرلي بس بسيطة اذا مااخليك تحبني لا مو محبة بيك بس حتى اذلك بحبي بسيطة ((بداخلي)) مهند كال يحيى شنو هالحجي عيب تكوله كدام الناس .....قمر لاعاي ماكال شي غلط ووياه حق احنا زواجنا عالورق ومابيوم يصير اكثر من هيج فلا تضغطون عليه...خالة كالت لاييمة انتي بنتي ومعزتج من معزة ميس الله شاهد واتمنى تصيرين جنتي باسرع وقت انتي ونهال ونعيش ببيت واحد كلنا وتصيرن بناتي وتصير عندي3بنات مو وحدة .....

كلنا اني ونهال شكرا خالة تسلمين كالت شوكت تخلصين امتحاناتج قمر كتلها مو هذا الاسبوع الاحد الي وراه اخر امتحان كالت اي خوش معناتها الهميس الي مو هذا الاسبوع الي وراه عرسكم .....ظلينا اني ويحيى واحد يباوع للاخر انوب كالت خالة نعال انتي بنت اختي وبنتي هم واحبج بغلاوة ميس اتمنى ماتضوجين لان عرسج بعده بس تعرفين الظرف بعد...كالت نهال لاخالة اعوذ بالله اصلا قمر ويحيى اخواني وافرح انو يتزوجون قبلنا اني ومهند .....ابتسمتلها كلش ارتاحتلها خوش بنية ولايكة وية مهند اثنينهم حبابين وخوش

 انوب خلصنا العشا وردنا نروح كال مهند يحيى روح وصلهم طبعا هو كلب وجهه بس ماحجيت شي وراح رجعنا وكلعادة اغاني حزينة تبجي الصخر ادري جايين من جنازة اشو مطعم وراقي وشحلاته وحدها فوتته تفتح النفس انوب وصلنا ونزلت بدلت وكنكت شوي  صارت الساعة11دخلت على حسابه هذا الحجي طبعا هو لسة ماموافق على طلب صداقتي عالفيس شايفين انذل من هيج حركة لكيت ناشر منشور قبل 5دقائق وايضا حزين ظليت افكر شنو جان يحب وحدة لو شنو ماافهم شنوقصته قريته المنشور كاتب عبارات حزينة 

  يا عـازف النـاي ما أبكـاك أبكانـا
تبكي ديــاراً وأحبابـــاً وجيرانــا
ودعتهم ومـــرار البعد مــلء فمي
والشوق أوقد في الأحشــاء نيرانــا
يا عازف الناي, قل للناي عن ألمي
وصِف سيولاً جرت من أدمعي ودمي
لعل لحنك يحكي مـا أحس بـــه
فـــاللحن أبلغ تعبيرا مــن الكلام

صفنت شوية كلش حلو الكلام الي كاتبه بس ليش يعني صاير وياه شي حزين ماثر بيه لو شنو يعني....... ظلت الافكار تاخذني وتجيبني انوب كلت اوووي واني شعلية بيه طبه مرض سديت الموبايل ونمت انوب ركعتها صفنة عالسكف ....كلت يجوز جان يحبله وحدة وعافته مثلا زين اذا هيج يجوز الكي تعليقات من بنية يحبها او شي ...اييي خل ادور لزمت الموبايل صفنت شوية كلت اهه هاي شجاني واني شعلية بيه شعدني ادور وراه واهتم بتفاصيله هممم.... وشمرت المويل وحطيت المخدة على راسي وغطيت وجهي بيها 

انوب ظليت حايرة ......كلت يلا خل اشوف وخرت المخدة وكمشت الموبايل ......وكلت اني مو مهتمة طبعا بس واحد يكضي وقت يعني اصلا ولايهمني ولاشايلة الموضوع من اصله عسا من يحترك اني مايهمني ..... زظخلت على حسابع وعالمنشور لكيت كم تعليق لكيت بنية معلقة تعليق جذب انتباهي اسمها اماني محطمة كاتبة 

  أتسلَّلُ كلّ ليلةٍ لِأرى آخرَ مآ كتبتْ ..
أبحثُ في كَلمآتكَ عنْ أحرفَ تعنِيني
أو نَبضٌ يُحيينيْ أو حتّى هَمسةُ حبٍّ
علّهآ تُطفيءُ حنِينى.....

كلت اه اه هاي زاحفة علني لا والكلب ماحاط بسيرته الذاتية خاطب كبرر الطمك صدك ماعندك احساس لاوفواكاها هاي شون سمحت لنفسها هيج تكتب شون ادبسززز اني اربيها الة ابلغ على حسابها مطية سافلة يعني حتى لو ماحاط خاطب هو غيلا ولد شون تعلقله هالشكل تربية ناقصة اني اربيها بسيييطة انوب كلت خل ادخل على حسابها مو غيييرة مني لالالالالالاطبعا اكيد لا....بس هيج يعني واحد يكضي وكت الليل طويل دخلت لكيت كله منشورات اشتياق ......يشتاقلج المووووت اي والله ياادب سززز لا وهو منطيها لايك على تعليقها دقيقة هاي شنو ردت عليها بالله خل اشوف رجعت دخلت عالمنشور 

راد على تعليقها الخيانة شي صعب ولكن العودة بعد الخيانة اصعب والاشتياق يهز الكيان لكن ذكرى الخيانة تبقى سيدة المواقف وتهزم الاشتياق

صفنت عليهم كلت على كيفكم عصافير الحب شدعوة عليكم اه والكبر مال كتلة انت وياها شبيكم جنكم شعراء مرهفين بالاحساس او فد مسلسل تركي تففف عليكم وعلى مصوختكم......الغلط بية اني دادور بحسابك اصلا مو غييييييرة عليك بالعكس....اصلا هو الفضول قاتل فاني فضولية اصلا مااحبه هممممم......

وغطيت روحي ونمت 

ستووووووووووووب خلص البارت شنو رئيكم بالاضافة دااكتبلكم من الاب توب مو من الموبايل وشعوور حلو وخط حلو وجبير وشاشة مريحة انوب اكتبلكم منه وبارتات طوااال تفاعلو حتى انزل بعد وشنو لائيكم بطريقة كتابة البارت غيرت طريقتي انتبهتو شنو رئيكم احسن من ذيج ..ذيج جانت حوارات هسة احسن وخليت مجالات بين كم سطر وسطر احبكممممم