أوقات عصيبه

الفصل الثالث

أوقات عصيبة
"الفـصـل الـثالـث"

_موافقه ..

تهللت أسارير وجهه فرحا فقد وافقت علي زواجها منه ولكنه "زواج عرفي "

حنان : تمام وافقت اهو هنعمل اي دلوقت ؟

امسك بيدها ثم خرجا ركبا السياره وانطلقا .. احضر ورقه وكتب عليها "العقد العرفي" وأدلت هي بتوقيعها ليتم الأمر..

________ 

في منزل زهره عاد سامح من مشواره ليدخل عليها ليجدها تقف في المطبخ وقد انتهت من تحضير الطعام ..

زهرة بحزن : الأكل اهو خلصته اتفضل كل ..
ثم تركته وذهبت

ألقي مفاتيحه علي الطاوله ثم دخل وراءها : زهره

زهره : نعم عاوز اي ؟

سامح : أنا آسف ..

زهره : أنا اللي آسفه علي اللي عملته بس المشكله مش فيك لا المشكله في أمي وأبويا اللي رضيوا يجوزوني ليك وأنا عيله صغيره ، الحق عليا أنا أصلا اني مهربتش منهم وقتها ..

سامح بغضب : يعني اي يعني مش فاهم ؟ هو أنا ضربتك علي ايدك ولا اي ؟

زهره بسخريه : لا يا بابا  مش ضربتني علي ايدي لكن كان لازم تعرف اني مش طايقاك..

سامح : يعني اي مش طايقاني مش فاهم ؟ وفيها اي لو انتي صغيره يعني ؟ هو حرام ..!!

زهره : لا مش حرام ، بس حرام عليكوا انتوا لما تفكروا في نفسكوا وتنسونا في بنات تحب تتجوز وتترمي في أي حته وخلاص لكن أنا لا أنا كنت عاوزه أكمل تعليمي مش أتجوز...

سامح : خلاص يا زهره النقاش بينا انتهي كفايه كده أنا ماشي ...

غـادر الغرفه وألقت هي بجسدها المتهالك علي الأرض وارتفع صوت نحيبها كانت تود أن تكمل دراستها لكن ما باليد حيله مناعاها والداها "ما ذنبها " ما ذنبها أن خلقت فتاة يري المجتمع أن لا فائدة منها ؟ ما ذنبها أن خلقت فتاة يراها المجتمع مجرد أنثي " تنظف وتطهو الطعام وتربي الأولاد فقط " ما  ذنبها ؟

________________

وفي بيت "هاجر" عادت منهكه وحزينه إلي بيتها لتسألها والدتها : في اي ؟ مالك ؟

هاجر : مفيش أنا عاوزه استريح بس

ثم تركتها وذهبت لغرفتها ، أبدلت ملابسها وجلست علي سريرها ثم أجهشت في البكاء يقدمها لها وبكل برود
"صديقتي مرام " فأي برود هذا ؟؟؟

توقفت عن البكاء قليلا ثم قالت محدثة نفسها : الخطوبه دي مش هتستمر ، مش هتستمر

____________

بعد قليل عادت "حنان" إلي منزلها لتري جارتها " نوال" وزوجها وابنها جالسون في بيتها ..

حنان : أهلا وسهلا

الأم بإبتسامه : ثواني يا نوال يا حبيبتي هاخد حنان اققولها حاجه ...

نوال : اتفضلي . 

أخذت ابنتها من يدها ولجت بها إلي داخل الغرفه لتقول :  كنتي فين يا حنان ؟

: كنت بره ياماما هكون فين يعني ؟

سهير  : حنان حرام عليكي متحرقيش دمي

حنان : هو انا هحرق دمك ازاي يعني ؟ اعمل اي تاني علشان تستريحي ؟

سهير : اخرجي اقعدي مع عريسك بره ...

حنان : عريسي ؟ عملتيه عريسي مره واحده ماما ريحي نفسك مش هتجووووز !!

سهير : حراام عليكي يا بنتي اللي بتعمليه ده هتكسفينا قدام الست طب اطلعي اققعدي معاها ...

خرجت " حنان " من الغرفة مرغمة بسبب إلحاح والدتها ..

حنان : ازيك يا طنط عامله اي ؟

نوال : كويسه يا حبيبتي الحمد لله ..

حنان وهي تتصنع الخجل : يارب دايما ..

"أو أصبح الخجل والحياء شئ يتصنع أو أصبحنا في زمان نصتنع فيه الخجل خوفا !!! "

نوال : طب هسيبك أنا بقي مع ' عماد ' ابني تتكلموا شويه عن اذنكوا ...

بعد أن خرجت قال عماد : احم احم ازيك يا آنسه حنان ...   

حنان : كويسه الحمد لله ..

عماد : تحبي تعرفي اي عني ؟

حنان : أنا لا عاوزه أعرف عنك ولا انت تعرف عني

عماد بحزن : لي كده بس يا آنسه حنان ؟

حنان : يعني أصل أنا عاوزه أكمل دراستي ، وماما عاوزه تجوزني بالعافيه ثم قالت بحزن : يرضيك ماما تغصبني قبل ما أكمل دراستي علي الجواز ؟

عماد بحزن : تمام يا آنسه حنان زي ما تحبي وهقولهم إن أنا اللي معترض ولا يهمك اهم حاجه دراستك ...

حنان بإبتسامه : شكرا جدا يا أستاذ عماد

عماد بسأم : العفو
" #هـاجـر_يـاسـر

#يتبع ...