قرر اياد انو نسافر لمصر . بس ابوه مقبل وكام يصيح كله خل يخلص هلشهر وسافر .
.
وره شويه راح الكل اجاني كلي عجل شوفي لج اذا ما رحتي وياي اليوم اذبج سجن واخليج بنص ٥٠ زلمه . وكووولهم يداورون عليج هاي اذا اذا اذا اذا طلعتي عايشه انهيج بأيدي ....
متكدر .. حجيتها بس كوه طلعتها ...
ما اكدر . تقدم اتجاهي . ما اكدر . ما اكدر كام يدك على صدره بأصبعه هلحجي وياي ....
اكول لاياد عن كل شي ...
.
لزمني سحلني للصاله . اني عليمن اوديج خل اسوي هلشي بأيدي ...
صحت بصوت عالي ايااااااااااد ايااااااد وخوف ورعب وللحظه حسيت ملك الموت واكف على راسي
ما حسيت اله اياد يدك بلباب ...
ياب شسويلها افتح الباب ...
ابو مكرم حس على روحه هدني كلي حسابج وياي بعدين ...
فتح الباب . اجاني طاير اياد . شبيج كلبي . شافني ابجي . كام من مكانه وراحله شسويت الها ...
تجاوزت عليه . مرفت لسانها طولان ...
لزم ابو من ياخته وضل يجر بي عوفهااا عوفهااا جاي اكلك عوفها . اجتي تركض ام مكرم . اهده ماما اهده حبيبي شبيك يا عيوني . اشرتلي كوميله شوفي راح يموت ....
اني رحته اياد ايااد ايااااد الله يخليك كافي لزمت ايده جان عبالك بغير عالم . هو بسرعه صفن عليه .
سوالج شي . اذاج حبيبتي ...
اني شفته هيج . ركضت للغرفه . بجيييييييت لمن طكن عيوني . ليش اني حظي هيج شنو الجريمه الي اني سويتها حته هيج هسه اني محسوبه مزوجه لو لا عندي اطفال لو لا هذا بيتي لو لا .وحته لو جنت محسوبه اياد مو الي ولا يحبني وحته صحته ما تساعده يوكف بوجه الكل وخاف صدمه مثل هاي يتخبل ويكتلني بس الي شفته بعيني هسه كافي . والي جابني ما يهمه امري يا ربي شسوي وره ساعتين . خف الدك على الباب والجهال كامو يبجون . طببتهم بسرعه طب اياد لزم ايدي ...
شبيج ...
ما بيه ...
شعندج وي ابويه ...
ما عندي شي ...
شوداج لغرفته ...
هو صاحني ...
وشيريد ...
كلي امنعك من السفر ...
هاي اخر مره تفوتين لغرفته . نبهتج كبل كتلج ابويه لا تدنيله وانتي مستهزءه بيه لاني مريض مو ...
لااا اياد ليش هيج تحجي اني احبك . انته وجهالك انتم عائلتي صرتو ...
شنو جهالك . ليش جهالي مو جهالج ...
اي اقصد انتم اهم شي بحياتي . وبلاخص احمد ...
ها . والله عبالي راح تكولين انته ...
وانت هم ...
مرفت متغيره . من قبل لتشردين بشهر واني كلت اثار الولاده تعبانه هسه شبيج مو كافي . اخذج لدكتور نداوي سويه ...
اي اخذني ...
ميخالف ...
.
وره فتره كام يجي الدكتور اليه واله . واياد يفوت وياي . ويسولف واني هم اسولف بس اني كوه احجي وجان دائما الدكتور يكلي لتألفين حجي احجي الي بكلبج ..
اني كل ساعه امخرط كمت اكوله احلم انو اني مو مرفت وبداخلي انسانه ثانيه وهو يسولف وياي بعدين سألته كوتله هلحجي ميطلع كال لا . اني المريض يسولف بس وياي .
هواي حجيت وي الدكتور . وجنت هووواي اهلوس وامضرط اصلا اجيب الحجي منا لمنا والدكتور حس بيه ضامه شي . فقرر انو ياخذني بجلسات مختلفه عن جلسه اياد وحدي . وسولفتله . مو عن الحقيقه بس كوتله اني احس مرفت ماتت واني انسانه جديده اسمها ضحى .
هو تجاوب وياي وجان يصيحلي ضحى . وجان يسالني مرفت وين . اني اكوله ماتت . كلي شلون ماتت . كتله ابو مكرم كتلها .. كلي شلون كوتله ما اعرف . سالني شتعرفين عن اطفالج . كوتله مو جهالي جهال مرفت الي ماتت .
.
صحيح بهذا الوقت اني يمكن جان ضارب على عقلي يمكن صدك جان مثل مسمعت انو يكول عندي شيزوفرينيه او ما يسما بأنفصام الشخصيه هو صح عباله اني نفصمت شخصيتي وصرت ضحى . بس بلحقيقه لا انس انفصمت شخصيتي وصرت مرفت .
.
وضل يدور الفضول عندي ومرفت شنو سبب موتها . يمكن جانت لازمه على ابو مكرم سر بس هيه تعرفه وقتلها . جان هووواي اشياء تجي ابالي . وجنت اشك هلسر موجود بغرفه المكتب لان ميقبل اي احد يدنالها ...
.
بس شنو علاقتها بأبو مكرم . وليش اياد هووواي منبه عليها متوصل يم ابوه
.
.
ااااه يا ربي راح اموووت . والله ساعه احط روحي واشنقها واخلص من هلضيم
.
.
.
طبعا اي شي ما ستفاديته من الدكتور النفسي وبلعكس زادت حالتي انتكاااس وصرت مثل المخبله وما اعرف الي راح يصير ...
.
اجه اياد كعد يمي . نام
اني رحت يمه كوتله اياد هل اسولفلك قصه ...
كلي احكي يا شهرزاد . وضحك ....
اني بديت كوتله اذا ثتين بنات توم واحد يحب وحده والوحده ماتت وقررت الثانيه تزوج الرجال شتتوقع يحبها ..
.
اني جنت متانيه جوابه . لان حيكون قطعي بلنسبه لعلاقتي بي ...
.
كلي والله ما اعرف . بس اكو هواي زلم يتقبلون ...
كوتله انت لو اني متت واكو وحده توم تزوجها ....
مستحييييل تحرم عليه اي وحده بعدج انتي وبس بحياتي ...
.
.
خلاص جان جوابه القشه الي قصمت ضهر البعير ...
وقررت بلليل اشرد لان مستحيل اخلي واحد غير اياد يدنالي ومستحيل اكمل بهلجذبه هاي ....
.
.
الضهر بست اياد هو جان نايم لان ياخذ حبوب . بسته وكوتله تمنيت جان جوابك تكدر تعيش وياي جان ضحيت بكلشي علحسابك . انت انسان طيب يا ريت لو محصله منك ... رحت لاحمد جان دماغي يقره الالف انو ابوكه واخذه وياي . بعدين كولت ما اريد اضلمه هو اني نفسي ما اندل وين راح اروح .
عفته وانهزمت بنص الليل كوه مريت من الجلاب البولسيه طلعت يمكن ما تحركت . ورايه بدقيقه كامن ينبحن . اني رركضت ركضت ركضت ركضت لمن وصلت ما اندل وين ولا اعرف المكان وجانت سيارات الشرطه تفتر واني عرفت هم دارين بيه شارده . ركضت طبيت لعماره مال دكاتره . دحست روحي بيها طبو يسألون الشرطه والناس حست بيه خايفه كامت وحده من النسوان جرتني كعدتني بصفها . كالتلي ذوله عليج جايين ....
لا ...
لتجذبين واحجي الصدك تره اروح اصيحهم والله ...
لا حبابه لا مروتج اي عليه ...
شيردون منج ....
الضابط الجبير يريد يغتصبني ....
دخيلك اللهي الستر يا ربي هيه هاي ازلام صدام لمي روحج ...
كعدت بصفها . علما طلعو كالت تعاي وياي ...
رحت وياها للبيت طبيت لبيتها جان جبير بس مو كلش كالتلي تعاي اشتغلي عندي وبيج خير ودللي . اني ضليت صافنه معقوله اكو رحم بهل دنيا معقوله هيج اكو ناس تساعد بدون مقابل تشكرت منها وبديت اشتغل . ضلت دائما تسألني شنو اسمج جاوبتها بلحقيقه وهاي الفتره الي عشتها وياها رجع وضعي الطبيعي ونسيت حياة مرفت واله بس ما نسيت احمد ولا اياد وضل كلبي متعلق بيهم واحسهم صارو قطعه مني . واتمنه اعرف اخبارهم .
.
هنه سبوع عشتهن وي ام حمزه مره جبيره من اهالي ديالي شويه كدرت اطلع من التعب النفسي الي تسبب بي ابو مكرم بس لسه ولا زال الخوف ماكل كلبي اكل ياكل ويشرب وياي وجنت اتكر حجايته من جان يكولي احسبي موتج بعد عنج متر . بليوم الثاني غسلت الطارمه ونضفت حتاجيت كم شغله للبيت
وكفت بلباب اريد اطلع محسيت اله على ايد انمدت اليه سحلتني ...
وخر عني عوفني ....
ليش هيج سويتي . شتفقنه . موتج على ايدي اليوم .
.
.
* حكم صدام من اصعب الاحقاب الي مر بيها العراق * متفقين وياي لو لا ...
.
يا ترى ايد منو الي سحبت ضحى ..
شراح يصير ميصيرها ...
وشلون عرفو بضحى ...
.
سولفت قصه حياتي لام حمزه .. يا ترى شراح يصير .. ملخص البارت القادم ...
.
لتنسون تعليق والتصويت .
هم ما انشر الا لمن القضه تاخذ حقها من التعليق ...
