وصلنه وياكم سنه ٢٠٠٣ وحبيبي صار عمره ٥٣ سنه ... بسنه ٢٠٠٣ صار السقوط . وهنا صار بدايه امل اليه ولحياتي رجعت لذاكرتي قبل اكثر من تلاثين سنه وعيشتي وشلون افترت بيه الدنيا وووووواااااه من دنيا مره شفت بيها الضيم والقهر ما اعرف بس اني من البشر هيج لو لان اني عراقيه . شفت لقطات من وكعو الصنم اني كمت ابجي الحمد لله خلصنه من اعوان يزيد . اياد طفه التلفزيون كال مشاهد تلعب النفس . ما اعرف اياد شنو قصد بحجايته ولا كدرت افسرها .
بهلسنه بلذات تمنيت ارجع للعراق توسلت بأياد وجان الرفض قاطع وصار كلش عصبي واني اعرف اياد اذا قفل على شغله . سديت هلموضوع وسكتت .
.
سنه ٢٠٠٤ هاجرنه لفرنسا وستقرينا هناك وجان سبب الهجره عقد عمل اداره شركه . الشقه الي سكنه بيها عباره عن شقه بسسسيطه كلش بس شنو بلشتاء جانت فد شي المطر غيييير عدهم والحريه عدهم . كلشي منطي حقوقه . اني اباوع لعيشتهم اكول اكو وحده هيج انضلمت مثلي هنا ... جانت الايام روعه عشتها بفرنسا . ثنينه اني واياد شكلنه بقاعه رياضيه وجنه كووووه نفهم الحجي لان الحجي كللللش صعب الفرنسي وعشنه حياتنه مثل المراهقين نركض ونلعب ونسهر ع الافلام ...
حسيت بروحي انسان بفرنسا . حته بمصر صح حريه بس مو مثل فرنسا لا ابد فرنسا عااالم ثاني . ضل تواصلي وي الجهال وهم هم يتواصلون وياي . صراحه ما افتقدت لمصر ابد بس بعدني احن للعراق . ما اعرف اني ينطبق عليه المثل الفكر يحن لأهله ..
.
استمر اياد بعمله وشغله وجان كلش فرحان انو دينجز عمل والناس حبت عمله وشغله . طبعا اني متوقفت وكدرت افتح بفرنسا مؤسسه للمغتربين وجانت بدايه انطلاقي بلحياه طبعا الفلوس كلها من اياد ...
اياد صار امكانيه بلمال مهوله هو اصلا جان عنده فلوس من ابو بس هسه شغلهن وصار فد شي ينحسبله حساب ...
.
سنه ٢٠٠٩ رجعنه من فرنسا . وجان لازم هو يسافر مره ثانيه فضل يسافر ويرجع . واني ويا . وفتحت مؤسسه لنفس الفرع والي اديرها سمر بتي ... انتم تسألون ليش سمر ...
لان سمر بتي . ذولاك كووولشي انطاهم اياد هووواي حته بيوت سجل بأسمائهم . واني فتحت هذا العمل حته متحتار ورايه فد يوم من الايام وتعيش الي عشته ...
كبر العمل والشغل وصارت الاداره دوليه . صح مو كلها النا بس مع هذا كل فرع بكل بلد يديره ناس مسؤله وتعرف بهلامور واحنه نشاركهم بلتقارير ...
من جنت اشوف القصص جنت اترحم علة حالي واشوف اني شلون صرت وشلون عايشه وغيري ميت جوع لو ميت قهر لو بمستشفى المجانين ...
قريت هوووواي قصص الي مغتصبات والي معذبات والي متشردات وعنصريه وطائفيه . وصارت الموسسه تعني مو بس بلمسلمين بكل انسااان . وصار الجهد متواصل
.
بسنه ٢٠١١ صار عد اياد انزلاق بضهره وصارت كومته وكعدته صعبه . فجان كلللش صعبه عليه السفر وخله احمد بمكانه هو يسافر . راح هو وزوجته لفرنسا وكامن الاوراق يجن لاياد اول بأول ...
عشت وي هلرجاااال عمري كله من يوم الي شفته وهو على هذا الطبع ابد ما تغير ولا شويه جان طبعه حدي وعصبي بس جان اله نضره عيون ادوخ ...
.
.
اني ما الي بهلدنيا غيره ابد انام على صدره حتلو مريض ما اعرف اغفه قبل لا ينام هو لو هو راسه علة صدري لو راسي على صدره .
بسنه ٢٠١٣ . جان بلشهر الثامن وصادف الدنيا حاره كعدت اياد من اانوم يلا كوم .
كال ما اكدر احرك جسمي .
اني تخبلت . حبيبي شبيك يعمري
كال ما اكدر اكوووم والله ..
بسرعه خابرت علة زوج عائشه وزوج سمر اجو اخذو للمستشفى ....
بده دمي يصفر خوووووف لا يوصف يا عراق يا شرف يا رحم يا سمر الي ابجي عليهن هذا اياااد . قطعه مني . يمكن هسه مستعده اموووت اذا صار بي شي . يا ربي مثل مرديت يوسف ليعقوب تردلي اياد . يا ربي اخذ من عمري علة عمره ...
اربع اياد بلمستشفى ما نمت ولا غمضت وكل تفكيري بي صاحولي كالو اياد يريد ضحى . كلهم تفاجئو من كالو ضحى يا ضحى . هو جان يصيحلي ضحى بس مو هواي ممتعودين عليه ...
طبيت للغرفه لكيته على الاوكسجين وكوه يتنفس كلي سامحيني ...
لااااااا اشششش لتحجي ولا كلمه لتخليني اكتل روحي وراك والله ...
باعي خل افهمج تعاي . تقربت عليه كلي انتي روحييي مو مرفت انتي روحي ....
وانت هم والله احبك وانت هم كلبي ... سمعت صوت صفاره .
اجو الدكاتره يركضون هاي شكوو شكوووو .
التمو عليه اني كلشي ما اسوي بس اباوع بلجهازي اكو كلب وبصفه ارقام جاي تنزل خمسه اربعه تلاثه ثنين واحد ______________________
.
لاااااااا ايااااد . لزموني الولد وطلعوني واصيح شبيييي فهموني وينه وينه وينننننه . راح يعيفني ليشششش ليشششش شسويت شنو ذنبي ليششش ...
ماما اسكتي فدوه لعينج بابا مريض خطيه صارله ٤ ايام ينازع وي الموت ...
منو كلج ينازع ما بي شي واللله .. والله ما بي شي يا ناااااس يا عااالم واللله جنت نايمه على صدره . وخرو عني موتوني ولتكلولي صار عليه شي . اموت والله . ولك اياااااد وين جبتني بهل غربه وين ساعه السوده يوم الله خلقني . يا ربي اخذ روحي ويا .
.
.
.
بعد سته اشهر من الحادثه جانت امي اسرع الناس لحاق بأبي العزيز بعد ما فقدت كل اعصابها وسبب وفاتها كان انهيار عصبي ....
.
.
اني سمر سولفتلكم قصه حياة امي . تدرون وين لكيتها بدفتر خاص بأبويه . بغرفه المكتب دووون كل شي بحذافيره جان يكتب اليوم والشهر والسنه ...
جان يتضمن قصه سكر مرفت زوجت ابويه الله يرحمها وذكر انو هيه جانت مدمنه على الخمر ولهذا منع امي انو تشربه حته لينعاد الخطأ . وصارت علاقه بينها وبين جدي الي هو ابو مكرم بلخطأ . وهيه ضلت تلوم بنفسها مجانت قابله على الي سوته بس ابو مكرم ضال يبتزها انو يكل لاياد ويخلي يتخبل . طبعا ابويه كاتب انو مرفت هيه اجمل امرأه شافتها عيونه واحقر امرأه وبدون سبب . وذاكر امي انو هيه اجمل هديه بلوقت الخطأ . وبعد ما اعرف من الي حبها اكثر يا هيه بيهن ؟؟ .
من ضمن كتاباته كاتب انو هو كان سبب مقتل ابوه . والي عرفته انو ابويه منتقم منه وهو موصي على كتله انتقاما لشرفه . اما بلنسبه لقبر مرفت فذكر انو هو موجود بأحد المزارع الي تعود الهم ومبني عليه بيت . والبيت باني ابو مكرم حته العمال من يحرثون متطلع جثتها ..
طالب من امي انو تصليله لان ابويه ممصلي ولا صايم ويمكن هذا عذاب الله بلدنية اله حته يخفف عنه بلاخره ...
.
اكثر شي قهرني كاتب بلدي العزيز . تركتك وقلبي مجروح وينزف دما ... في اي بلد اب يعاشر زوجة ابنه ؟؟؟ جان واقع هلكلماتتتت يموووت بذاني وجنت اكول الله يساعده شنو شاف وشلون صبر
موصي امي بهووواي شغلات وكأنو يعرف انو حيموت كبلها . وامي منفذت ولا شي من الوصيه لان امي اصلا ما صحت وره ابويه ابداااا
.
تدرون شنو . جنت احس من اني وصغيره اني الوحيده الي جانت ماما تخاف عليه مثل ضلها وجنت احس بنفسي بس اني بتها مع العلم شكد حاولت تخفي حبها اليه خوفا على مشاعر اخوتي ... هلدفتر الي كاتبه بابا مغير بلحقيقن عندي واخوتي يضلووووم العمر كله . وهاي اول وصيه من وصايا بابا لامي انو متفرق بيناتنه ابد ...
بعنه هووواي من الحصص وانطيناهن صيام وصلاه بمكان ابويه . لان جان نعم الاب . حبيبي بابا الله يرحمك ويجزيك الف خير على هاي المعاناة الي شفتها . ويرحم امي . حبيبتي جانت اله الصبر . وصدك صبرها جان ما اله حدود وصدكوني كله علحساب اياد لو ما بايا وحبها اله مجان كدرت تعيش وتكمل حياتها والدليل مطولت وراه .
اخر شي كاتب الي امنعي اولادي انو يرجعون للعراق ... كلشش كسر خاطري سوده عليه يا بابا لهلدرجه خايف لو تجي هسه وتشوف الذبح على الهويه .
.
.
.
* الحياه خلقت للحب * الانسان لو ما ااحب جذب يكدر يكمل ويواصل حياته ومستحيل يعيش بعالم كره وحقد . الاه يرحم اموتاكم والله ينتقم من كل واحد هجر ودمر ويتم واذه عراقي ...
لتنسون تدعولي ...
وراح اخذ اجازه منكم وبعد ما انشر هسه وره العيييد يلا . لتنسون تضلون على تواصل وياي احبكم واحب تعليقاتكم .
زينب علي
