غمضت عيوني وحسيت روحي جاي تطلع وحراره جسمي ارتفعت . اخذ روحي يا ربي حسيت بكلمه احبك جانت طالعه من كلبي وغمضت عيوني وجان صدى احبك يرن براسي .
احبك
احبك
احبك
احبك
احبك
.
بعد مرور سبوع بديت اتعافه والخاله ام سلطان مقصرت وياي ابداااا ...
وجنت محبوسه بهلغرفه صحتي تعبانه جانت ضربه راسي مبينه وكصتي مطبوره مبين بيها اثار الضربه . حته اثر الشعر الي جان نازل تقريبا راح وشعري ما اكدر احركه . وبلنسبه اليه النزيف بعد مرور اسبوع علحادثه يلا توقف واشكال سوتلي ام سلطان حته توقف النزيف من طب عرب ودهون واعشاب والي فمته ميكدرون يودوني لمستشفى لان اياد منبه عليهم ممنوع اطلع ....
.
.
كمت استرد عافيتي بس شلون استردها اذا هيه جانت مسلوبه مني . ارجع واكول هذا خطأي من البدايه خطأ عيشتي . اني اصلا خطأ ولادتي خطأ جيتي علة هلدنيا خطأ اجيت يم اياد خطأ مكوتله منو اني من البدايه كلشي بيه خطأ واني عباره عن خطأ .
.
على هلافكار صاحتني ام سلطان ...
يست ضحى أومي كوليلك لوئمه ...
.
سوت ام سلطان سوب دجاج . شربت شويه حسيت بطعم الاكل . طيب شويه من زمان مضايكه هلاكل هيج طعم وهيج نفس . كوه اكلت لكمتين لزمتني بجيه تذكرت حمودي اني تعلقت بي بهذني الاشهر الثلاثه الي ضليت وياهم .
بجيت واني كاعده على السفره .
مالك يضنايه . انسيهم يبنتي وعيشي لنفسك ...
اني كمت انحب عبالك فتحت جرح جبير بكلبي . طلع بره البيت جان بنص مزرعه طلعت ركضت اركض واتعثر وابجي شفت سياره مال الامن بذاك الوقت جان لونها خضره . اني خفت حته دمعتي صكت بعيني ما كدرت ابجي بعد من الخوف . ما مشيت بعيد كعدت على قريب من الساكيه موجوده وقريب بركه ماي يمر على المزرعه . بجيت بجيت وشعري طاير وبس راسي مضبر من الضربه . حسيت اكو خيال فوكايه التفت اله .
شتريد .. وكمت اريد امشي رجليه بيها تراب لزمني جرني حيل سحبني لجسمه ...
تردين تشمرين روحج ...
انت شعليك ....
هههه ليش مو انتي مرفت زوجتي ولفظ زوجتي حيل اكد عليها ...
اني ضحى مو مرفت ...
وليش هسه حجيتي محجيتي قبل ...
اني اسفه حقك عليه موتني وخلصني ...
هههه اموتج . لا حرامات لعد اذا اموتج العراقيين بيمن يتونسون ...
وماكو غيري يتونسون بي . وخر عني ...
جرني من ايدي حيل وكلي طالع لسانج . شمرني بلماي ...
كمت اصارع وي الموت مصارعه جوه الماي كوه اريد انقذ روحي واني بلماي شفت الروح شكد عزيزه . صيحت ايااااد صيحت اياااد .
.
اياد يباوعلي و واكف . اني وصلت كولت ها هيه هذا اخر لحظه بعمري . استسلمت للماي وكمت ما اقاوم ويا . عبالك جان مصارع ويريد يفتك بيه ... حيييل تعذبت واني احس الماي يدخل بخشمي وبعيوني وصلت مرحله اريد اتقيء الماي بس منو ينقذني . الى ان بعد محسيت بشي صار صفير بأذاني وصارت الدنيا بيضه ...
.
.
.
شفت احمد يركض وويا طفل صغير كبالي ماما ماما ..
حبيبي احمد كبرت يا روحي .. شفت روحي لابسه دشداشه خضره واركض و شعري ما بي طبره . واني وحدي بمزعه جبيييره وخضره . ومرفت باوعتلي وراحت . رحت وراها اركض
مرفتتتتت . مرررفت ...
التفتت اليه كالت وخري عني وصاحت بصوت عالي .
رحت لزمت ايدها .
عوفيني حقيره . شتردين مني ....
اني شسويتلج ...
.
.
.
مجأه حسيت انسحبت من هذاك المكان ووعيت على روحي واني كوه اتنفس والماي يطلع من حلكي وخشمي . واجر نفس واشهك والشهكه بيها ماي تقيأت هواي وجان كل الي تقيأته ماي وجهي صار احمر ورجليه بدت تثكل وكعت بلكاع واياد يباوعلي . يكلي لتموتين بعدج ما شفتي شي جنت اتمنه اسال الناس اني وين جنت اني جنت احلم لو دخلت الجنه وسحلوني يمكن ما اخلص منهم حته من اموت ....
.
اجه ابو سلطان جايب ويا دكتور وانطاني ابره اني وره ساعتين بعد ما شفت شي .
.
كعدت من النوم بلعومي يوجعني وعيني عبالك بسها ملح . شافتني ام سلطان .
انتي وعيتي يظنايه ...
اييي . كوه حجيتها .
مسويتلي شوربه شربتنياها .
طيبه خاله تسلم ايدج ...
ربنا يسلمك يبنتي . أومي وصحصحي معايا . عاوزاك تشربي وتاكل وتتخني ...
.
ضحكتني من كالت تتخني ...
كوتلها خاله شتخن هو اني اكدر ارتاح ...
.
لا لا لا البيه اياد امير . اي وربنا امير . ونت ست الكل عارفه وفاهمه اكسبي ليكي ...
.
خاله اني مو مرفت اني ضحى ....
هههه ليه هو انا مش خابره مرفت دنه الي مربياها ... عارفه مرفت دي كانت اميره زيك كده ...
خاله انتي ياهو التشوفي امير . اني ومرفت واياد امراء ...
ربنا يسامحك . انتي لساتك صغيرا ومتعرفيش الحياة ازاي اني عشت وشوفت وكبرت عشت فمصر وسكنت في العراء *العراق*
خاله سولفيلي عن مرفت شفت حبم بيها تصيح عليها .
جاوبتني بسرد قصه عبالك جانت متانيه اسالها عن مرفت ...
.
الست مرفت ايام مكان جمال عبد الناصر حاكم في مصر . كانت صغيرا مش صغيره اوي بس هيه بعمر المراهقه وكانت كميله زيك كده كان الف واحد يتمناها ويتمنه شورها . .
.
استمرت خاله ام سلطان تشرح عن مرفت والي فهمته انو ملتقيه بأياد هناك بمصر اول شي جانت متعاطفه مع وضعه وبعدين لكثره الزيارات وصار اعجاب وبعد الاعجاب حب وتزوجو . تزوجو رغم اهل مرفت كووولهم مقابلين لان مرفت صغيره . واياد حاله تعبانه وهيه علحسابه ضحت بلكل . مرفت من اصل عراقي وساكنه بمصر الاب عراقي والام مصريه كملت كليه دواوم وهي متزوج وضل اياد يداوي وهيه مشرفه للدوه مالته تحسن وصار احسن وصار حملها بزينب ورها بسنتين حبلت بعائشه وصارت خلافات هواي لان عدها بنات ولسه مجايبه الولد .
واني سألتها عن سبب مرض اياد . كالت سفره رايحين سفرة صيد الضباط الكبار كولهم . وره ما راجعين رايحين وي ابوهم لمديريه الامن وشايفن الجهاز ومشغله مكرم والي دافعه اياد .
.
.
طبعا سولفتلي بس شنو كرهت كووولشي بلعراق ناسها مدري شنو من ناس قارنت بين عمتي و ام حمزه وبين ام سلطان حته ام سلطان حنينه وحبابه حته كلبها طيب . انوب سخطت على الحكومه العراقيه . شنو ذنب العراقي ينثرم شنو الجريمه الي ارتكبها حته هيج يموت . ليش من دون الشعوب احنه هيج .
ضلت تسولفلي هوووواي لمن راسي راد يطك مو حياة هاي جحيم . وسولفت عن ابو مكرم هواي وعن زوجته وهيه شلون اجتي وهيه اصلا جانت تشتغل خدامه ابيت اهل مرفت واجتي وياها وطالبه من مرفت تنقلها لغير مكان لان طبع ابو مكرم مينحمل واجتماعاته لليل وسهراته والمشروب الي يجيبه للبيت ....
.
اني خلال ٣ اشهر عشت وياهم مشفت ابو مكرم جاب شي للبيت ابد ولا طبب اي احد .
بس ضل سر موت مرفت . اريد اعرفه ...
.
سالتها اتلبكت وكالت . مش خابره ...
.
حسيتها تعرفت توسلت بيها اصرت انو هيه متعرف . وهنا اجه ابالي اني ليش امنت بيها مثل ما امنت بأم حمزه . احتمال هيه نفس الشي . وقررت اسحب روحي منها . وهيه على راسي واسلوبها الحلو ابد ما تغير ولا نقص اببببد
.
* الحياه مدرسه كولشي تعلمج *
دير بالكم من اختبارتها والله يستر العواقب . هلبارت هديه للي خبثن وعلقن هواي حته انشر فديتجن طبعا امووووت عليجن والله . اريد تعليقات ترج الحساب مالتي .
ولتنسون توقعاتكم للبارت القادم .
احبكم . زينب علي
.
عندي تنويه قصير . صار للمره المليون اكول القصص حقيقيه بس السرد هاص بيه بس الفكره حقيقيه ترتيب التحداث يمي طمس حقائق واضافات مني
.
