بعد اخر مره تقربلي بيها اياد رفضت هلشي يصير بيناتنه و صار الرفض من عندي بكل قوه ...
.
قرر انو اياد يتزوجني بس بأسم مرفت واني هم رفضت كوتله ما اريد زواج اريد بس صيغه الزواج .
وصدك رحنه اني ويا وعقدنه بس اني عقدت على ضحى وحسب ما كال لواحد من الشيوخ اني اثناء العصبيه لفظ كلمه طالق اليه وهسه صار نيته يرجعني وعقدله عليه . طبعا هلعقد مشكل اي فرق بس جان اياد حته يرضيني . لا ليش مشكل شكل على الاقل الي جاي يصير حلال بيناتنه ...
صار هوووواي يجي يمي بس ضل باله مو وياي ابد نهائيا . واعرفه مسسستحيل نساها . ساعات احسدها على حظها اكول عندج هيج رجل ورحتي تسكرين بحظن ابو مكرم مو هنا المشكله . المشكله صارلي سنه ونص ويا واني ما اعرف فلم مرفت شنو . واني على فضول على قهر بس اريد اعرف ..
.
سنه ١٩٨٠ صارت حرب ايران وي العراق وجانت جذبتي بمحلها من كلت لنرمين احتمال حيصير انقلاب هههه . صارت بعد الاوضاع من المسسستحيل انفكر بلرجعه
.
وهووواي راحت شهداء وهووواي صارت بيهم مقابر جماعيه والي وصل النه الخبر انو ابو مكرم مفقود . بوقتها اياد ما رجفت اله شعره عليه وجان دائما على اتصال بأمه واخته ويحاول يشوف الف مكان يطلعون بي ويسألهم ما اذا كان ابو مكرم اله اثر بلوجود وتكررت هووواي الاتصالات باهله وبعلاقاتهم كونهم من الاسر القريبه على النظام بذاك الوقت وابو مكرم ما اله وجود وصارت بيناتهم انو هوه مفقود او اسير .
سنه ١٩٨١ اني صرت حامل من صار عمري ٢٠ سنه بعد مرور ٤ سنوات اني ويا اني يمكن جان هاي اول فرحه اليه بحياتي وتمنيت الله يرزقني ولد اعوض بي ايامي الزفت الي عشتها . كامت تمشي وياي الايام بتعب وصعوبه وجنت كلش متأذايه ونزيف مستمر واياد مو كلش دارلي بال بلحمل وجانت شغله ابوه كلش هواي شاغلته مو شاغله ابوه لا شاغلته امه واخته ابوه اصلا ميفكر بي واحساسي يكلي يمكن اذا سمع بي ميت يمكن يفرح .
.
.
مرت ايام حملي واني ٢٤ ساعه انزف جنت دائما يصير عندي اغماء وادخل للعنايه المركزه جانت صعبه عليه كلش فتره الحمل وبهاي الايام جان اياد ويايه وما هدني ابد واكف فوك راسي ويداريني بس ما عنده ذيج اللهفه عليه . وصلت للشهر السابع حسيت بألم فضيع يضرب بضهري يموتني واني لسه بلسابع اخذني اياد ركض بيه ركض للمستشفى متت وصلت الموت دخلوني غرفه العلميات واني ابجي وصيت اياد كوتله امانه عليك اذا متت لتضلم ابني وياك مثل منضلمت اني امانه ابني بيدك . كلي كومي بلسلامه وانشاء الله انتي تربي . اثناء ميحطولي البنج اخر جمله سمعتها راح نفقد الام .
.
ربي لا تذرني فردا وانت خير الوارثين . يا ربي وليدي امانتك اذا نويت تاخذ عمري اخذ عمره وياي حته مينضلم بعد ما حسيت اي شي ونمت .
.
.
وره ٣ ايام كعدت من البنج ااااااه يا ريت ما حبلانه ولا جايبه على هذا الالم الي ضكته . فتحت عيوني لكيت اياد يباوعلي ...
.
اااااه ...
حمد الله على سلامتج ...
ابني وين ...
جبتي سمر بنيه حلوه تشبهج وتشبه عائشه ..
اول ما كال بنيه بجيت بجي متت من القهر ليش يربي ليش هم انطيتني بنيه هم راح تورث حظ امها يا ربي جان جازيتني بوليد على هذا تعبي وسنين عمري الي راحت هدر ليش هيج يا اللهي شنو الذنب الي اني اقترفته . يا ريتني ميته ولا سامعه عندي بنيه . بجيت واني كاعده .
