Vampire City 2: Black Rose

Chapter 56 - Training Session

Chapter 56 – Training Session

Third Person’s POV

Nilapag ni Vance ang isang Mapa sa harap ni Trever. Napangisi naman ang huli, alam niya kung ano ‘yon.

“Kabisaduhin mo ang pasikot-sikot ng Vampire City para hindi tayo magkamali sa plano.” Sabi ni Vance. Matagal nitong pinag-planohan ang mga mangyayari. At ngayon, malakas ang paniniwala niyang hindi lang ang Royal Family ang mapapagbagsak nila kundi ang buong Vampire City.

“Ako na ang bahala dito. Gawin mo ang trabaho mo. Nahanap mo na ba ‘yung inuutos ko sa’yo?” tanong ni Trever kay Vance. Tumango naman ang huli. Ngumiti nang nakakademonyo si Trever. “Mapapabagsak na natin ang mga Kang… at makukuha ko na din ang babaeng mahal ko.” Sabi nito.

“Pero malaking Problema ang anak nila. Nakita mo kung gaano ‘to kalakas. Idagdag mo pa si Prinsesa Avia na lumalakas ang kapangyarihan kapag galit.” Sabi ni Vance. Tumawa naman ng malakas si Trever.

“You think I’m an idiot? Syempre alam ko ‘yon. A made a dark ritual na makakatalo sa Prinsesa at anak ni Aric.” Inilabas nito ang isang lubid na nag-aapoy.

“A-ano ‘yan?” tanong ni Vance.

“Naalala mo ‘yung batong nakakapanghina sa isang Damphyr? Ibibigay natin ‘yon kay Avia at sa munting Prinsepe. Kapag nanghina sila, saka sila itatali sa lubid na ‘to. para kuhanin ang lakas nila kasabay ng pagkamatay nila.”

“Pero pa’no natin ‘yon ibibigay sa Prinsesa? Malamang alam na niya ang hitsura nang—“

“Hindi ko alam kung bakit mas matalino ako sa’yo gayong isa kang Vampira! Sa palagay mo ba wala akong mata at tenga sa Palasyo?!”

“At sino naman ‘yon?”

Ngumisi nanaman si Trever at lumakad papunta sa isang malaking cabinet. Binuksan niya ‘to at tumambad kay Vance ang napakalaking kulungan na yari sa babasagin, laman ang Alaga ni Avia na si Smitt. Wala itong malay at animo’y lantang gulay.

“Pa’no mo nakuha ang mailap na hangin?”

“Hindi na ‘yon importante. Ang mahalaga nakagawa ako ng katulad niya. Na aakalain ng Prinsesa na kaibigan niya.”

Perehong tumawa ang dalawa. Siguradong sigurado sila na magwawagi sila laban sa kaaway.

“Matagal nang namumuno ang Pamilya Kang. Oras na para patumbahin sila.” Sabi ni Vance.

“Hinay-hinay ka lang. Hindi tayo susugod ng basta-basta. They’ll be expecting us. Hayaan natin silang maging panatag, saka tayo susugod.”

Napatango naman si Vance.

Parehong hindi na makapaghintay ang dalawa sa mga mangyayari. pero pareho na silang natuto. Mas maganda ang pinaghandaan. Mas masisigurado nila ang pagkatalo ng kalaban.

Habang nagpaplano naman ang mga kaaway laban sa Familia Kang, pinag-utos naman ni King Hansel na ipakalat ang mga kawal sa buong Vampire City. Hindi siya sigurado kung pati ang nasasakupan niya ang makakaligtas.

Pinadoble din nila ang bantay sa kaharian. Binigyan din ng curfew ang mga kapwa vampira. Hindi sakanila pinaalam ang totoong nangyayari pero dahil sa sinabi nang Hari, ‘yon ang masusunod.

“Dad, I think hindi mo na kailangan pang lagyan ng kawal sa labas ng kwarto ng anak ko. Kaya ko naman siyag protektahan.” Sabi ni Aric sa Ama nitong si Aric.

“Alam kong kaya mo ‘yon. Pero gusto kong makasigurado. Pati, alam kong lagi mong kasama si Lorelei. Malamang laging wala ang attention mo sa anak mo.”