Falling For Mr. Flirt [Published]

Chapter 1

CHAPTER 1

PINAG-KRUS ni Clover ang paa habang sinisimsim ang Tequila na inorder. Ipinalibot niya ang paningin sa kabuunan ng Bachelor’s Bar. Napangiti siya ng makita ang matalik niyang kaibigan na masayang nakikipaglambingan sa fiancée nito. Masaya siya para kay Marj, bakas sa mukha nito ang kasayahan. Marj deserves to be happy.

“Clover, come on, lets dance.” Wika ni Gilen na nasa tabi niya at marahang umiindak sa tugtug ng musika.

Hinarap niya ang kaibigan na may hawak-hawak na Pear Martini. “Ayokong sumayaw, Gilen. Ikaw nalang.”

“Clover, let’s dance.” Pamimilit nito. “Oo nga at sumasama ka sa pagba-bar hopping ko pero hindi ka naman nag-eenjoy. Palagi ka nalang naka-upo sa isang tabi. Lahat ng lalaking lumalapit sayo ay tinatarayan mo.”

“Of course, I’m enjoying myself.” Dipensa niya sa sarili.

She really is enjoying herself. And yes, she kinda has an attitude. Sa mga taong hindi nakakakilala sa kanya, iisiping mataray siya pero ang totoo, hindi naman. Mabait siya, mataray lang siya sa mga taong hindi niya gusto.

“Enjoying yourself? Really?” Hindi naniniwalang tumingin sa kanya si Gilen. “Remember the last time we go out? Nangako ka na mag-i-enjoy ka pero palagi mo namang tinataboy ang mga lalaking lumalapit sayo. How can you enjoy if you keep pushing men away?”

She rolled her eyes at her friend. “Gilen, hindi nakadipendi sa mga lalaki ang kasayahan nating mga babae. We can be happy without them. Actually, we don’t need men to be happy. Look at me, no boyfriend, but still happy. May pamilya ako na kahit may mga sayad ang utak minsan e napapasaya ako. Kayo na mga kaibigan ko na kahit may mga tupak, masaya ako kapag kasama ko kayo. See? Hindi ko kailangan ng lalaki para sumaya. Sakit lang ang mga lalaking ‘yon sa ulo.”

“Ewan ko sayo, Clover. Dapat nga sa ating tatlo e ikaw ang mahilig sa boylit. You’re a match maker for crying out loud! You match make people to have a good relationship.”

Clover rolled her eyes again. “Gilen, my glutton dear friend, dahil sa trabaho ko kaya ayokong mag-boyfriend. Malayo pa ang lalaki sa akin, naamoy ko na kung anong klase siyang tao. I can smell a playboy from far away. At halos lahat ng lumapit sa akin ay amoy playboy. I don’t want to be with a man who treats women like trash. Women are born to be respected and not to be treated like fucking garbage.”

“Okay.” Ani ni Gilen na mukhang sumuko na makipag-argumento sa kanya.

She smiled at her. “Okay. Sige, magsayaw ka na.”

“Ewan ko talaga sayo. Dapat ka nang maging kasapi sa Gabriella.” Anito at iniwan siya.

Napatawa siya ng mahina sa sinabi ng kaibigan. Wala sa isip niya ang sumali sa kahit na anong organisasyon. Hindi naman kailangang kasapi ka sa isang organisasyong nangangalaga sa kababaihan para ipagtanggol mo ang mga kapwa mo kababaehan na naapi.

“Hello, beautiful flower. I was intoxicated by your beauty that I have to stop and admire you.”

Naiinis na umirap siya sa hangin nang marinig ang boses na ‘yon. How can she forget that freaking voice that makes her blood boil? Nilingon niya ang nagsalita and it’s none other than, Alexus Euri Sandoval. Ang pinsan ni Marlon Aiken na walang tigil sa pangungulit sa kanya mula ng supalpalin niya ang lahat ng pick up lines nito.

Tinaasan niya ito ng kilay. “Admire me all you want, just don’t talk to me. Your voice makes me want to bash a bottle in your head.”

He chuckled. “Nice. Have lunch with me tomorrow, Flower?”

Inirapan niya ito. “No thanks, I can eat alone.”

“How about dinner?”

“I’m on a diet.” Pagsisinungaling niya. “I don’t do dinners.”