Falling For Mr. Flirt [Published]

Chapter 4

CHAPTER 4

NAGISING si Clover dahil sa ingay na nanggagaling sa kapit-bahay niya. Mariin niyang ipinikit ang mga mata para pigilan ang sarili na hindi sumigaw. Mula nang maging kapit-bahay niya si Alexus, palagi siyang nagigising nang hindi sa oras dahil sa malakas na tunog ng stereo nito.

For Pete’s sake! It’s morning! At ang mas nakakairita pa ay hindi nagrereklamo ang mga kalapit nilang bahay. Mukhang siya lang ang tanging tao sa subdivision nila na nagrereklamo sa ingay na kagagawan ni Alexus na para sa iba ay nagsisilbing alarm clock daw.

Shit!                                                                                          

Bumangon siya at inayos ang sarili. Mainit ang ulo na binuksan niya ang bintana ng kuwarto at ganoon na lamang ang panlalaki ng mata niya nang makita si Alexus na walang suot na pang-itaas at naglilinis nang bakuran.

Her eyes stared at his yummy abdomen. Shit naman oh! Eight pack! Ang daming pandesal! Ipinilig niya ang ulo at pinagalitan ang sarili. It’s not appropriate for a woman to look at something like Alexus oh-so-hot abdomen! Hindi ‘yon tama! Karumaldumal ‘yon.

Mabilis niyang isinara ang bintana. Pakiramdam niya napakalaking pagkakasala nang mga mata niya dahil sa nakita. Bumaba siya papuntang kusina at nagtimpla ng kape. Lumabas siya sa likod bahay dala-dala ang kape na tinimpla. Napatigil siya sa paglalakad nang makita sa malapitan si Alexus na walang saplot sa pangitaas. Gusto niyang ipikit ang mga mata pero hindi niya magawa. Bakit ba nawala sa isip niya na nasa labas pala nang bahay nito si Alexus at half-naked pa!

As much as she hates to admit, Alexus really have a great body. Ang katawan na katakam-takam. Nag-init ang pisngi niya sa naisip. Oh my god! Saan nanggaling ang salitang ‘yon?

Biglang namatay ang musika na kanina lang ay malakas ang tunog. Nakita niyang pinatay pala iyon ni Alexus at lumapit sa kanya ang binata.

“Flower! Good morning!” Malapad ang ngiting bati sa kanya ni Alexus.

Agad na nagharakiri ang puso niya ng makita ang ngiti nito. Jusmeyo! Kailan siya masasanay sa ngiti nito? Idagdag pa ang dimples nito ang ang sarap panggigilan.

“Good morning.” Aniya sa pormal na boses.

“Great weather.” Anang boses ni Alexus.

“Oo. Maganda nga ang panahon. Ikaw lang naman ang pangit e.” Aniya sa mataray na boses. Kung gusto niyang hindi ma-develop ang atraksiyon na nararamdaman niya kay Alexus kailangan dumestansiya siya rito. At mangyayari lang iyon kapag tatarayan niya ito palagi.

“Ouch!” Umakto itong nasasaktan pero halatang hindi naman. “Back to insulting me again? Akala ko pa naman magiging friends na tayo.”

Inirapan niya ito. “Kahit acquaintances, hindi ka papasa. At sino ba ang maysabi sayo na friends na tayo?” Tinaasan niya ito nang kilay at iniwang kunot ang nuong nakatingin sa kanya.

“Clover!”

Tumigil siya sa paglalakad at nilingon ang binata na tinawag ang pangalan niya. “What?”

“Puwede bang akin nalang iyang kape mo?” Anito na nakatingin sa kape na hawak niya.

“Hindi puwede. I made this for myself. At saka, sino ka ba para ibigay ko ito sayo?”

“Ako lang naman ang guwapo mong kapit-bahay.”

“Hmp! Maiwan na nga kita. Baka mag-hurricane dahil sa kahanginan mo, madala pa ako.”