Falling For Mr. Flirt [Published]

Chapter 10

CHAPTER 10

PAGDATING niya sa Shay’s café at nakita ng mga kaibigan niya na karay-karay niya si Alexus, agad siyang ginisa ng mga ito. Gusto niyang manahimik at hindi sumagot sa mga tanong nito pero ang kukulit ng mga ito at ayaw siyang tantanan.

“Bakit kayo magkasama?” Usisa ni Gilen habang nakatingin kay Alexus na nasa counter at umu-order para sa kanya.

She shrugged. “Bakit ako ang tinatanung mo? Ako ba siya? Hawak ko ba ang isip niya?”

Tiningnan siya ni Gilen. “Clover, huwag mo nga akong pilosipohin. I’m just asking why he’s here. Normally, hindi ka nagpapasama sa isang lalaki, no erase that, ayaw mo talaga sa mga lalaki, period.”

Nasapul siya roon pero nunkang magsasalita siya. “Gilen, kainin mo nalang iyang five slice of cakes na order mo at huwag ka nang magtanung nang kung ano-ano kung ayaw mong ako ang kumain niyan.” Pananakot niya sa kaibigan na agad namang kinain ang cake. “At saka hindi naman ako ang may hawak sa paa ni Alexus para pigilan ko siyang sumama sakin.”

Tumawa si Marj na nakamasid lang sa kanila ni Gilen. “Clover, umamin ka na kasi. Kayo na ba?”

Pinandilatan niya ito. “May nakikita ka bang puso sa mga mata ko?”

Humagikhik si Gilen. “Wala mang puso iyang mata mo, para naman siyang bituin na nagniningning. Kaya nga hindi mo maitatago sa amin na may something kayo ni Alexus.”

Tinirik niya ang mga mata. “Ewan ko sa inyo.”

Kukulitin pa sana siya ng mga kaibigan ng lumapit sa kanila si Alexus na may dala-dalang java latte, ang paborito niya at isang chocolate cake na may strawberry sa ibabaw.

“Here you go.” Wika ni Alexus at inilapag ang order niya sa mesa.

“Paano ka? You didn’t order for yourself.” Aniya na nakatingin dito.

“Nah, I’m good.” Anito na nakangiti sa kanya. “Busog pa ako.”

“Are you sure?” Paninigurado niya.

“Yeah.” He leaned in and kissed her temple. “Sorry sumama ako. I can see that this is a girl’s talk and I’m pretty sure I’m not a girl. I’ll just wait for you in the car.”

Sinundan niya ito nang tingin habang papalayo sa kanila. “Anong problema ‘non?” Tanung niya sa sarili.

“Clover, Alexus is being thoughtful.” Wika ni Marj.

“Thoughtful?” Nakakunot ang nuong gagad niya. “Ano naman ang thoughtful doon sa pagalis niya?”

“Duh! He left so we could talk privately. That’s thoughtfulness.” Sagot ni Gilen sa kanya. “I can’t believe you don’t know what thoughtfulness means.”

Inirapan niya ito. “Of course I know what it means. Hindi ko lang alam na thoughtfulness pala ang ginawa ni Alexus. I don’t know a thing about sweet lame stuff. Wala pa akong naging boyfriend at ang huling lalaking nakalapit at nakahalik sa akin ay tinakot ko ng chainsaw. Paano ba maging sweet?”

“Clover, being sweet comes from here.” Anito ni Marj at itinuro ang puso niya. “You can’t be sweet to a person you don’t like. It doesn’t work that way. Well, maliban nalang kung manloloko ka.”

“Manloloko si Alexus.” Aniya.

“Clover, magkaiba ang babaero sa manloloko.” Wika ni Marj.

“Paano naman ‘yon naging magkaiba aber? Babaero o manloloko, pareho lang ‘yon nananakit ng babae.” Sikmat niya.

“Oo nga, pero ibang babaero naman si Alexus. Sabi ni Aiken, hindi daw nagsasabay-sabay ng babae si Alexus, sunod-sunod daw at saka alam naman daw ng babaeng ‘yon ang real score.”