حبيبتي الساحرة

٢

افتريت بالبيت الجبير ...بس شو خواتي كلمن راحت لمكان وبس امي ظلت تمشي وياي

-وهذا المطبخ
كالتها واخذتني من ايدي ومشتني..

-وهاي غرفتي ....الغرفة الوحيدة الي مادخلتيها

-ها يوم ....
شفتها باوعت الي بستغراب

-شنو اصيح الج مثلا

-لا عادي  بس متعودة على بزر النستلة يصيحون الي ماما

- ها بكيفج اذا تردين اصيح الج.......

-لااء خليها يوم  بيها طعم ..

دخلتني .. 
شوفي يا ضحى ... خواتج ما يعرفن شغلتي .....وبهاي المنطقة محد يعرف بشغلتي ......

اهااا

اي عفت بيت امي الله يرحمها من سنوات .... واجيت اهنا ويه المرحوم .. هذا جان خرابة شيدته على ايدي ...من شغلي .وسويته .....خواتج عبالهن ورث من امي الغنى الي اني بيه  ....

اهااا يعني انت من شغلج سويتي مو ارث

لا ورث .......كملت وهي مفتخرة
اورث جداتي ...... السحر وتعاليمة ...يا ضحى انت الوحيده بسبب عمج الاغم سولف الج تدرين
راح  اعيشج اميرة حالج حال خواتج ....بس بشرط اتحفظين سري ....

خوش يوم
بس سؤال عندي هذا البيت الخرابة ليش رحنا اله ...؟؟

هذا مو بيتي بيت وحده اتريد اسوي الها بيه شغل  ....صديقتي يعني ....  اخذت مفاتيح بيتها منها وقابلت عمج بيه ....حتى ما يعرف الي عنوان ولا يعرف اني لشنو واصلة....... ما اريد افتح اعيونة عليه

يوم يعني كل هذا الخير من النصب ع الناس .....انت ما تخافين من رب العالمين
خزرتني ......و ردت
خواتج معودتهن كلمن غرفتها  ...انت مالج غرفة غير هاي  يمي

خوش .. 

-ياااا يوم نسيت جنطتي ببيت صديقتج .

باوعت الي صفح و بعدين  من فوك لجوة وكالت

بيها خير عفتيهن ....على هذا لبسج مال مجادية ... باجر اطلعين ويه خواتج تشترين ....

عالم ثاني ...غير الضاهر كدامي.... ام بوجه شيطاني ....ما حاولت اتقربني ولو مرة الها وتحضني مثل كل الامهات ..لكن بصراحة نعيم اهنا ...اخذوني اشتروا الي ملابس ولا بالحلم البسها ......

جنت كاعده بالغرفة احط بملابسي بالكنتور ...
دخلت امي الي لهسه افزع من تدخل عليه...

لا سلام ولا احم من تدخل واعيونها صدن بالواحد  ...

هاااج
مدت الي جيس اخضر  صغير....
خرخش من اخذته
فتحته وطلعت منه طقم ....طقم ذهب ..
گلادة و محبس و تراجي

الله يووووم ذهب ولا بالحلم البسه ..
لبست الگلادة وباوعت للمراية

شنو رايج يوم ...حلوة عليه