حبيبتي الساحرة

٦

نسيت اني المن جاية من جمال ضيوش الواقعي اخرب واكهرب على الحلوين ما شايفة منه منطقتنا السابقة غير سرمد ابو السطوح فانيلته مزروفة والجكارة ماتوكع من حلكه بحيث حلكه ازرق كله ريحه تتن
هذا ما يتوفر عدنا غير بالصور

يحجي ويه السايق واني اسمع صوته من غير ما انتبه للكلمات .....

اخر شي اشرلي

-يبنية اسمعيني ؟؟؟

-هااا اي اي تأمر سيدي وياك وياك

-نعم !!!

باوع للسايق ......

-اكلك متأكد هي جابتج لهنا

-اي عمي ساعات افتر بيها ..
من التلاثة لهسة ..

اشلون وكفته هيبة ويحجي بوهدنة
شفته لازم راسة يفركه سوده عليه ديوجعه
قاطعت كلامهم  المحتار بيه

-عمي شنو انت نزلت كتلك انزل

درت وجهي عنه لا هم انسطر طلعت حمرة ٢٥ وحطيتها بيد السايق  .. 

روح خوية بس طلع بطل الماي

-و الباقي  ماعندج خردة

ما اريدة تعبتك وياي ...

ضياء اندار وراد يروح

-انتظر ....ضياء ...

باوعلي مستنكر ومستفسر

-ضياء  علي اسمك ؟؟

اباوع  لجوة لا بس اشوفه ارجع اجرها عبط

ارتبك عباله مبين شي منه ونزل فانيلته لجوة جرها عاااا صارن خدودي حمر صح ماكدرت اغض نظري وحتى اني اباوع لجوة لفت نظري خصرة ... جنت مركزة لمطنقة خصرة اشوفه رفيع ومن فوك متين
بس هو وين راح باله
درت وجهي عنه

-اختي رايده شي من وين اتعرفيني

عاد السؤال للمرة الثالثة بزع مني

-اني اعرفك ... المهم هدى حيدر مسوية الك سحر

-هااا ،؟شنو !؟
شنو تحجين انت استغفر الله.... من وين اتعرفين هدى؟

-شوف هسة انت راسك يجوعك و اتحسه يريد ينقلع من مكانه ...... و كلشي مابيك بالتحاليل يطلع ولا احد راح يعرف علتك ..انت مسحور وسحرك جوة رجلين ميت

شفته يباوع الي وعاقد حاجبة

حك خشمه الي ارنبتة صارت وردية
وكال
-شنو هذا الحجي . 

-صدقة لله

-!!!!!!نعم

-ا اقصد صدقني هههي
ضحكت بعبط وكملت
اذا ما مصدك  .. بيه راح اكلك من اتنام على جهتك اليمنه بطنك توجعك .  هو سحر محبة وربط و عمى اعيونك عن غيرها...

هم شكله ما مصدك خرب حظه اني ودي اجرى من ياخته ولأقرب غرزة بهذا شكله
المغري

هزلي راسه وباوع للمارة ..اووف لازم يصدك قبل لا يروح شكله ضاج من وكفتنا