حبيبتي الساحرة

٣

ضياء
بس دخلت للبيت اتلكتني امي

ها ماما فكرت بالموضوع الي كولته الك

يوم حبابة ..... انسي  هذا الموضوع ...اني ما اكدر ازوجها ..لبنت اختج ....اولا فروقات اكو بأفكرانا اهواي ....  ثانيا موضوع الزواج مو هسة اريد اقدم على الماستر

ضاجت امي كالعاده وكالت  يصير خير

اني ضياء عمري ٢٨  سنة .... من النجف الاشرف معيد بكلية الأداب للغة الانگليزية

ودارس ايضا بالحوزة الدينية ...

ماعندي اصدقاء غير صديق واحد ...
و ثلاث خوات ...

واني نايم حلمت ....حلم غريب بهذا الرجل .الي شفته.....لأنه يضحك ويكول الي ..... ها ادور عليها  هسة لو بعدين
ابسرعة تغير الحلم بأحلام ثانية كعدت الصبح كلها ناسيها بس حلمي مال الرجال بعده بذهني .... توكلت على ربي و كمت  البس حتى اروح للدوام

******

ضحى

نايمة واحس بدغدغه على وجهي ... اويلي ... شاب وسيم بس شو عين زركه وعين خضرة ....بس مفتول العضلات ممممم ريفائيل عزيزي ... شو اني لابسة لبس مكسيكي قديمي ..... واحجي ويه الصاك  واعرفه همين ....
شو هذا قرب وجه عليه
ممممم يلا اني بحلم خل اجربها عاد بالحلم  . مديت بوزي وفتحت حلكي عشر امتااااار احس كائن دخل لحكي

فتحت .....كعدت من النوم واكو شي وصل لزردومي اليابس كحيت ....غصيت

طلعته
ااااييع ذبانه ..... يووووووع
ذبانه دخلت حلكي اااايع ايع
واني جاي اتباوس ويه الصاك عووع
رحت اتمضمضت بديتول ... و معقمات يووع صار طعم حلكي مثل ريحة مستشفى الولادة ..
طلعت شفت امي بالطبخ واكفه تكلي بيض
كالت
صحيتي !،

يووم ليش تاركه الشباك مفتوح والذبان ملتم عليه ...

اهوي الغرفه من صباحيات الله

همست
هو انت اتعرفين الله

شنو كولتي؟؟؟

لا لا هيج  سويلي وياج

تعاي كملي انت ..

كملت واني اتذكر حلمي حرامات صحتني الذبانه بت الكلب قبل لا اجرب
اووف كلت لأمي زوجيني خل اعيش الدنيا ما قبلت ...

اتريكنا وطلعنا لبيتها
طبعا العصر البيت ينملي  ناس  وعدنا فراشة امي حاطتها تستقبل الناس وبالسرة يدخلون ...واني كاعده يم امي اشوفها شسوي واشلون تحجي ويه الزبائن

..

بس مرح اعتبرها صدك اخت ..

-  ميحة  اكلج اريد باجر نطلع ضايجه

-اوك ...بس حبابة شنو ميحة هذا عاد صيحي الي مروحة

-اووكي