حبيبتي الساحرة

٩

ضياء

توني طلبت من الرب اللقاء بيها .. بس متوقعت ولا ردت تجي جوة رجلية ؟؟؟

اعيوني اترصدتها ونادرا ما اباوع لوحده .
اريد أتأكد  بعفوية كمت من مكاني واحس الحرارة صعدت لراسي عليها اشو وكعت وما كامت!

كومي .. بشكل عفوي مديت ايدي بس حتى اكومها وابعدها عن انظار الناس الي بدت تضحك على نومتها  ولي متعجبة !!

***

ضحى
من شافني وظل صافن عليه انسطرت سطر و ظليت مطروحة على ضهري واباوع اله بغباء نسيت اني وين و شنو موقفي!
هو اعيونه ما نزلت عني واني كلبي يسوي بوووم بااام يريد يكسر اضلاعي وينط بحظن الحبيب ..

كام وراد يكومني ..  ايده ؟؟ايده ممدوده الي ... انشدهت اكثر اذا الزمها شصير بيه ؟؟؟؟؟؟؟؟؟؟

اجت ابنيه  الي جانت كاعده وياه كومتني .   

و اتكلي روحي غسلي.... ما اهتميت الها واعيوني عليه .. وهو هم حسيت بنظراته متلهفة ...

نطق

روحي غسلي .. 

ابتعدت عنه .   بالكوة و البنية كالت اوصلج للحمام
لا شكرا

رحت غسلت  ادية و وجهي ..بس عباتي معدومه .... نزعتها     همزين لابسة جبة جوة ملابسي ما معبر عليها .
بس حجابي كلة كريم ابيض و اصفر واحمر اووووف صرت موطة ام الكبوس

طلعت وحجابي مبلل واحس نفسي ما لابسه شي اني من اطلع للخارج ما استحي امشي هيج من غير عبا.. بس اخاف هو يشوفني من غيرها!.. بلكت راح ..

طلعت من الحمام والصخونه صعدت لخدودي من شفته بمكانه و يباوع لمكان خروجي من الحمام ... خرب . 
كلت ما ادوس بريك واركض
طلعت مدرعمة .. 
وهو كام ورايه حسيته يتبعني

خواتي فص ملح وراح ....

  شفتهن كدام المحل وحدهن واكفات .. اشرت الي مرح اجيهن

رحت الهن ركض ..

ولجن ليش ما اجيتن كومتني

فرح احنه من الاحراج طلعنا لا احد يعرفج ويانا

بيان و مرح صفنن وراية نظرهن مرتكز ..باوعت لورة
شفته وصل يمي

-انتظري  .. وين رايحه ...؟؟

شفت البنية والرجال الي وياه طلعوا وراه

ارتبكت
جاوبته بتلعثم
-هاا شنو

فرح ..
-استاذ ضياء خير ؟؟اكو شي ؟!

ما انتبه الها وكال الي

-لو سمحتي رقمج ...؟؟

-ضياء اشبيك ؟؟
*****
ضياء

من هم اتبعت نفس الاسلوب  بالهروب فقدت السيطرة على اعصابي المتلهفة على معرفتها منيه هي
ورحت وراها بطريقة خوفت اختي وزوجها ولحكوني ..
اختي كالت ضياء اشبيك من طلبت رقمها ..