اعادة نشر
نجم سهيل ..
ج/1
فزيت ..من نومي ..ع صوت قوي ..فتحت عيوني ..طيارة هليكوبتر ..فوك راسي ..طك طك طك ..
غطيت راسي وخليت مخدة ع راسي .ضليت اتكلب،.وخرتها .. الفجر طالع ..وبدة الذبان يلتم ..مسوي حفله ..عليه ..
من ساعه السودة ع هلبلد ولنعل ابو الامريكان ..
انداريت اريد انام ..غمضت عيوني ..بدت العصافير ..توصوص ..كمت ..اباع الفجر توة طك ..والجو .قطرة هوى مابي يابس ..من الحر
كمت ..خرب حتى نوم منام مثل الاوادام ..
مشيت ..فتحت باب السطح اباع .مديت راسي .ضلمه ماكو كهرباء ..وين اروح حتى النومه طارت من عيوني ..
رجعت لفراشي ..كعدت وجريت ..باكيت الجكاير..
ادور ع الجداحه ماكو ..وين راحت ..كلبت الفراش ماكو ..
هف مبين اليوم من اوله ..عسل ..
كمت ..اباع ع طيوري،..خاف معوزات مي لكط ..
كمت اجر واحد واحد واطيرهن ..هنا الكه نفسي من اشوفهم يطيرون بحيرة وماكو قيود ..ماكو حرب ماكو دم ..ماكو خوف وجوع ..اكو حريه وسلام
اني سهيل ..عمري 29سنه ممزوج ..
شزوج .وبركبتي 6نفرات ..وحياتنه تعبانه ..بيت تجاوز ..
وبي 12نفر ..مخنوك خنك ..الفقر عامينه ..
اشتغل عماله اطلع من الصبح ..للعصر علمود 15الف .
ينكسر ظهري ..ومنو الي تقبل بعامل ..وبركبته 6نفرات ..
وغرفه ماعندة ..اني وهلطيور وباكيت الجكاير حياتي ..
الفقر يوجع ..الفقر يذل ..الفقر ..سرطان ..
وياكل بلجسم..ابوي توفى .وعاف 11نفر ماعدا امي ..
يعني كلنه 12..6بنات و5ولد ..لا عاف راتب ولا بيت ولا شي ..عايشين ع الايجار بحياته ..
الوضعيه اختلفت ...من مات ابوي ..جنت بصغري ماحس بشي ..لا بخوف ولا مسؤليه ..
والدي مات وجنت طالب اعداديه ..بس ماكملت بسبب الضروف والعازة ..
خواتي 3ممزواجات ..ووحدة ارمله يمنه عايشة ..
وبقن ..2بعدهن ..اخواني 3مزوجين ..واني ويحيى ..
بلبيت ..اختي ..جنان الارمله عدها2جهال ..
وواحد من خواني كاعد يمنه هو. بيت 100متر ..
متروس روس وجهال ..الحمدلله ..
كمت ..اطير بلطيور ..واشوفهن من بعيد ..شكد حلو شكلهن تمنيت عندي جناحات مثلهم واطير.واخلص من هلعيشة ..الكشرة ..
كمت افتر بلسطح ..مديت راسي ..
شفتها ..شفت شوگ ..اباع دتشر هدوم .من.ضليت اباع عليها ..صدك شوگ.عبالک نجمه ونزلت من السما مو مكانها اهنا ..ابد
ضليت اباع عليها وع حركتها ...
هيه ..بيتهم مقابيلنه ..
بيوتنه ..واحد بصف الثاني ..ماكو مجال بيناتهم ..
وحتى الدربونه كصيفه ..الفقر عامينه عمي وووفوك الضيم الناس تجي وتفرخ ..كل بيت بي ..4جهال خمسه ..
اما شوگ ..لوحه فنيه ..رغم ملامحها القاسيه والتعبانه ..
خمريه ..شعرها اسود ..عيونها كبار سود ..وشفايفها متروسه .وجسمها حلو متروس ..جانت كلش حلوة بس ..حياتها محلوة ..
مزوجه وام لاطفال ثلاثه ..2ولد وبنيه وحدة ..
رجلها ياسر ياسر من ساعه سته. الصبح بيدة البطل ويشرب ماعرف ليش هيج كمر منطي لواحد مرة وحدة بشهر يسبح..ویاذیها ویضربها ..
سمعت امي تصيح ..ولك سهيل ..
سهيل ..سهيل ...
اني بعدني سارح ..بيها وبحركتها عبالك لوحه وتتحرك ..
ولك يمه سهيل وينك ..
اي اي ..جيت يمه ..
مديت راسي من ..باب السطح ..
شفتها ع اول بايه واكفه ..امي
صباح الخير يمه ..تعال تريك ..
صباح النور ..هسة ..جايج ..
رجعت وكفت ..شفتها ..ماكو طابه ..
اوف ..موخوش سالفه ..راحت شوگ ..
رجعت حاجیت امی
مارید یمه اکل تریکی بروحج ..لو صعدی فوک ..الاکل ..
ولک یمه انه رجلیه مگرمه مو مال اصعدلک ..
هاا مو ارید اطلع ..
وین ..
اروح ازور بلکی الله وارجع للشغل ..
ها یمه اجی ویاک ..
گمت انزل الدرج واضحک ..
ها حجیه مو مگرمه مابیج..حيل صعدين ..
يمه بروح ابيك تروح تزور ..يعني اكعد الويلاد لو بوحيدنه ..
كمت اضحك ...لا یمه شروح ..انتظر ابو باقر يدك علي بلكي اطلع اليوم للشغل ..
انته ..تقشمر علي ..ماتودینی تعال اکل لکمه
هههه ورحت بوستها من راسها ..ومشيت طبيت للمطبخ محضرة ريوك صينيه الجاي وبيض ..وخبز ..كعدت وجتي كعدت يمي ..كتلها ..
يمه وعيونج بس احصل كم فلس والله يرزقني لمكه اوديج تعمرين ..بس ادعيلي مو طكت روحي من الكعدة والرزق النايم ..
يمه روح الله يفتحها بوجهك ويسير امرك ويرزقك ..
امين يايمه ..
امي تكعد وي الصلاه ..وتكعدني اروح للشغل ..
مرات يصح الي شغل ومرات لا ..هلايام الشغل قليل الجو ديتغير ويجي الشتا ...
اخر شغل حصلت منه 250الف ولميتهم وكعدت دنيا كلشي بيها هنه 15-الف ..اضم 5و5للبيت و5مصرف للجيب جكاير وهلسوالف،..والهدوم من موسم الموسم اشتري المهم اسد الحلوك الجوعانه الي عدنه ..والله يجفينه الشر ..
اختي الارمله عدها مكينه وتخيط بيها ..واخوي الي وياي نفس الشي هم يشتغل ويذب للبيت يعني ماميتين جوع ومدبرين حالنه ونعمه من الباري،.
کملت الریوک کتلها یمه انی طالع بلکی الکالی رزق شی ..
یمه ابو الهیل شعندک ..
یمه اوکف بلمسطر بلکی ربج ..واشتغل ..
براحتک یمه ..
رحت للغرفه ..عود غرفتی هیه نایمین بیها خواتی ..اخذت هدومی ..ووطلعت طبیت للحمام ..
بدلت وکملت ..
یمه رایح ..
مودع بالله ..
طلعت .من البیت ردیت الباب ..
عیتی صارت ع بیت شوگ..
ضلیت واکف ..اباع ..طلع یاسر ..انی دنجت راسی ..ومشیت ..سمعت ..
ابو الهیل ...
کملت مشی کلت یجوز یتراوالی ..
سهیل ...سهیل ..
وکفت ..درت وجهی اشر الی تعال ..
شیرید هذا من الصباحیه ..
رحت یمه ..نعم .ابوابراهیم ..خیر ..
گلی انت مو بنه ..وتعرف بلبناء..
ی عمی ااعرف امر شترید ..
گال ..عندی ..شغل بلمطبخ واریدک ویای ..
مثل شنو عمی الی تریده ..
کال های المگموعه ..جابت سنک جدید ..
ولازم افلش ..یلا اگعده ..
هاشتگول ..
انی بقیت صافن علیه المگموعه ..من انگمعت روحک اذا مرتک مگموعه ..
سهله ابو ابراهیم ..شوکت ..
گلی بکیفک ..هسه ..فد شویه عادی ..
گتله هسه هسه ..
طب ...اندار علیه تعال ورایه فوت ..
گتله اخذلی طریق ..
صاح ..شوگ ..ام ابراهیم ..
هذا سهیل ..راح یسوی ..السنک ..
وفوتنی ..للبیت ..جوه ..
طبیت ممر صغیر وگباله برده ..ملونه ..وخرها وفتت ..
طبیت ..هول صغیر وتخم ...کعدت ..اباع رغم الگاع صب ..والتخم تعبان ..ورایح لونه والطبله القدیمه وعلیها ورد والمیز والتلیفزیون کل شی مرتب رغم بساطه وغراضه الی مکسره .. ..نظیف ..وتحس البیت بی روحوریحه طیبه ..وهدوء..ولا عبالک بی 3جهال
فاتت..شوگ ..یمکن های اول مره اشوفها من قریب ..کلش.
دنجت راسی ..جانت لابسه ..دشداشه وفوکاها ربطه ..ذابه
شونک ..خویه ..
ه ه ههلا بام ابراهیم ..احس لسانی ثگیل والحجی وکف بلسانی ..مو احبها انی بس اتمناها ..صار 3سنین اشوفها گبالنه ومرات اشوفها یم خواتی ..ممنتبهه علیها زین ..
گالت ..هذا سنک من خالی انطاه الی ..وانی مداعرف اسوی .
ویاسر هم مایعرف ..طلع یاسر بشورت الابیض ..وبیده غراض..
گال های مجایب اهلج مثل شکولج مابیهم حظ..یلا ابو الهیل گوم ویای شوف ..
گمت وبعدنی مدنج ..فتت من یمها قریب ..
نکفخ بخشمی ریحه ..عطرها ..ریحه ..تخبل ..
اخذت نفس وتعوذت من ابلیس وطبیت ویا ..للمطبخ ..
المطبخ صغیر ..مترتین ..بمترتین ..بس مرتب ونضیف ..
طباخ خالته ع میز ..وسنک ..وبی ملحق ..
اباع ع السنک تعبان مبین مستعمل ..
کتله وینه الجدید کال هذا ..
افتهمت ..میراد اله شی ..سهله بس جیب الی العده ..
عندک ..گال لا ..
گتله اروح اجیب من البیت ..
وكفت باب المطبخ ..مابيه اروح اخاف مرته واكفه ..
بقيت ..كال شبيك ابو الهيل ..
كتله عمي سويلي طريق بس افوت ..
صاح شوك ..
جاوبت ..نعم ..
اني انداريت عليه شوك لو شوگ
کال شوگ ..بس انه من الطیحان الحظ مالتها اسمیها شوک علگم ..شیجی بالک ..
صفنت علیه شرید اجاوبه ..هیه تخبز وتلم بلبیت وهوه معاجبه ..
جتی گالت فوت خویه ..
انه .من اشوفها احس روحی ترجف مو جسمی ..
شی بداخلی یرجف ..
ردیت للبیت ..
جبت العده .
امي صاحت ها یمه ..شو رجعت ..
لا یمه هسه اطلع عندی شغله ..
عفتها واخذت غراضی ورحت..دگیت الباب ..
صاح تعال تعال ..چا شنو کل شویه ..نگولک تعال ..
طب ..شنهی تستحی ..
لا لا بس البیت حرمه ..
فتت جوه ..حاولت ماباع ع شی ارید ارکز بشغلی ..
واطلع ....اعوذ بالله من الشیطان ..
گمت اشتغل ویاسر فوگ راسی ..
گال اروح اجیب شغله واجی ..گتله وین یمعود اکمل واطلع
گال لا دقیقه ..ماتاخر اجیب العلاگه ..
بلبدایه عبالی مسواگ تالیها عرفت قصده الشرب ..
راح هنوب انی قلقت اکثر عافنه وحدنه رغم هیه مجتی ابد ولا جهالها اجوی ..یمي..
بقیت اشتغل واسوی بلبواری طگ بیدی البوری ..
حاولت ردت مصار ..سدیته من الرئیسی وانتظرت یجی یاسر ..اقل الساعه واجه ..
بین مداگوله اتصل بیه ابو الشغل گال محتاجک بصبغ ..
گتله اکمل شغلی واجیک ..
گتله لازم بواری نجیب ..جدیده وفهمته ..
ضل یسب بمرته گال عوفه وتوکل لشغلک ..
یمعود مو غالی ..
داکلک عوفه من انعل ابوها لا بو خالها لابو السنک ..
استغفر الله ..
مالک شغل انی المغرب اجیبه واجی .
عمی ع حسابی ..
گتله اخذلی طریق ارید اطلع ..
طلعت شفتها کاعده بلحوش تعجن ..
گامت ..نکتت العجین .کالت ..خویه کمل ..
سکتت ..ردها ..یاسر ..
لا مکمل ونخرسی لا اطمس راسج بلعجین ..
انی احس نار بنص روحی ..ماگدر اسمع کلامه ویاها ..
ترخصت وطلعت ..گلبی یسب بی هلخایس..
شون متحملته ماعرف ..
هیه مرات تمر ع البنات وتسولف ویاهم بس مایوم عرفت شجمع ..یاسر بشوگ ..
الطریق کله گلبی مورم ..ومرات اسمع عیاط من بیتهم ..
وجهال تصرخ واعرف یضربها ..
بقت ابالی الشغله ..وصلت لابو الشغل ..اتفقت ویا وطلعت ..بسیارته ..وصلنه لبیت ..راقی وجبیر ..وحلو ..
طبگت السیاره نزلنه ..انی وولد و الخلفه ..
طبینه البیت فارغ ..
وابو الشغل حیدر ..گلنه ..شنو نسوی ..
نگرنه اابیت کله ..جان فارغ الظاهر متروک وبی رطوبه .
من الصبح لحد مادکت بلخمسه یلا گال ..کافی ..
نگضنه تعب ..وادیه من الحفر ..گامت تون حتی گوه ارفعها..
بس مجبور اروح لبیت شوگ اسوی السنک ..
رکبت نفرات للبیت.بقی واحد ویقبط
رفعت راسی شفت صعد نفر ..گعد بصفی حجی.انداریت علیه .. السلام علیکم جان
..لابس دشداشه بیضه ..ولحیته بیضه ..
باوع علیه ..گال الله یستر علیک ولیدی ..
انی سارح جنت ..الیوم خوش رزق شجیب للبیت وافرحهم ..کباب دجاجه..بس شتکفی ..
انداریت علیه عدلت کعدتی ..
کتله نعم حجی محتاج شی ..
اندار علیه ..گال ..لا ولیدی سلامتک ..
ولزم ایدی گلبها ..ع البطن انی ..توترت من ..حرکته ..رجال جبیر ..شنو هلتصرف ..ویلزم ایدی
ضل یباع ع ایدی ..ردت اجرها ..
گال اصبر ..ضحک ..طریقک طوویل .وبی شوگ .وبی عاگول وبی ..
..انی ..بقیت صافن علیه ماعرف لیش مگدرت اجاوب واحس اعصابی بدت تهده ..من جاب طاری شوگ ..گال ..لکل بدایه نهایه ..
وبعدها بدایتک مابدت راح تبدی بدایه النهایه
..اترقب النجم ..هوه یدلیک ع الطریق ..من تشوفه لمع بسما ..
راح تلمع ویاه انت ...
بقیت صافن ..جریت ایدی ..منه ..
حجی شدتحجی انت یانجم یا شوگ ..یابدایه ..
..محتاج شی ..شبیک انت
صاح نازل ..گام من یمی ..
اندار علیه ..
کال
مو انی محتاج انت محتاج ..
وراح یجی یوم دور علیه ..
تلاگینی بنفس المکان انتضرک .
.سهیل ....
للحکایه بقیه ..
