نحم سهيل
ماعرف شسوي والمن احجي فجاءة شفت نفسي،..
تحت رحمته وبيدة كل شي يسوي الي ..
بقيت كاعد ..بلحمام ..
ماعرف،شسوي ..لا بيه اسبح ولا بيه اطلع ..بقيت ع كعدتي ..وحاير ..
انهزم اي اروح للجنوب واشتغل واعيش هناك ..محد يعرفني ولا اعرف احد ..
..وفتحت المي ..وذبيت هدومي.
وكعت الفلوس ..مني ..
جريته ..نكتتها ..من المي ..
حسبتها .000يابويه ..كل هذول الي ..ع شنو ..
شنو شغله هذا ..اوف ياربي شاف بيه وجلب ..
شلتهن وخليتهن فوك ..
بديت اطش مي اريد اصحى من البي اني ..
اندكت الباب ..
منو ..
يمه بطيت ..خوما جرالك شي ..
لا يمه داغسل ..
اي يمه ..غسول الهنا .
رجعت كملت سبحي ...
اباع مجايب هدوم ويايه ..بطرك الخاولي والداخلي بس ..
لبست..ولفيت روحي وطلعت ..غرفتي مقابيل الحمام الداخلي ..
رحت لغرفتي ..فتحت الباب ..
بقيت صافن .هاي شوك ...
لا بيه ارجع ولا بيه اطب ..
هيه شافتني دنجت اني هم دنجت وطلعت. .بوجهي صارت اختي كتلها شنو هاي ..
كالت شنو ..
بغرفتي ..
يا عزة ..
عزة بعينج غير تحجين جيبي شورت وتيشرت ..
ايي هسه ..
وراحت ..
موقف محرج جان ..جابتها رجعت بدلت بلحمام
وطلعت ..
كعدت بلهول ..طبت امي واخواني ..وسين وجيم ..
كلت الهم ..دامشي وضربني واحد ..ووكعت ع الثيل ..
وين ..
بهيج منطقه ..
واحد يكول لثاني مدورنه اهناك ..كمل ..
اي اخذني وداني لمستوصف قريب ..وطلع مابيه شي ..
وشال فلوس وخله بايدي خاف لا ابلغ عليه ..
شفت بعيونهم القناعه ..
وبقو يحجون عادي ويايه ..
وسوالف ..
كعدت يمي جنه ..كتلها جنه هاي شوك اهنا ..
اي ..
شعجب ..
كالت هذا رجلها الحقير طلكها ..
لا بربج شون ..
الصبح راحت لبيتها ..
طلع الها بشحاطه وكلها روحي انتي طالك ..
اي ..وصارت الك عيطه بلدربونه ..بينه وبينها ..
ولك من الصبح يسكر ..
اي ...الله يعينها ..
بس هذا ابو مهند جارنه كال هذا مو طلاك لان مو بوعيه ..
اي وشراح تسوي هيه ..
كالت ماعرف والحم الي بلبيت كافي معوزة فوكانه هيه ..
دتكوم لزمت اديها ..جنه ..لا سمعوها حجي ..خلوها هنا ..اني من باجر راح اشتغل محافظات ..
رجعت كعدت ليش ..خويه ..
احسن ..ويوميه زينه ..لهذا اروح ومن اكمل ارجع .
سكتت كالت اكوم اسوي عشا ..
كتلها شراح سوين ..
كالت هلقاسمه الله ..
جنه يوميه ويا كل عشه لازم تمن العدس ..موجود ..
مهما يكون عشانه ..حتى يشبع وخاصتا الاطفال متشبع ..
بنفسي اطلع من الفلوس وادز اي شي كباب ..تكه دجاج ..اي شي غير المعتاد بس ..بقيت الفلوس هيه هيه .
مالعبت بيها ..
شكد ضيم فوك راسي ..وقهر وضافت هاي الاخيرة ..
من احس ..شوگ قريبه ماعرف ..شيصير بيه ..
احس ..تفرغ الدنيا من الخلك ..والهموم ..
رغم اثنينه عدنه هموم ..
ونكسر ظهري بطيحه وموته حسام ..
صكطتني ..
ايام ..واسمع جنه تون بسكوت ومسمع احد ..
ومن تجي،يمي وتحاجيني،..تسوي نفسها مسيطرة ..وقويه ..
بس الانكسار مبين بعيونها والحزن هم ..
بقو يحجون ويسولفون واني،بالي يم هذا الطركاعه .
السلطان والجوكر ..شسوي وياهم وشلون الحل..
ووين راح تصفى ..
بقيت ..افكر انهزم ..واروح للجنوب ..
بس هذا يعرف اهلي ويعرف كل شي عني. .
ويعرف .حتى ..اخواني اخاف ياذي واحد بيهم ..
احسن حل ..اروح واشوف شيريد مني ..
امي دغتني يمه شبيك سارح من اروح فدوة لهلوجهه..
ماكو شي يمه بس ..تعبان ..بس ..
يوجعك شي ..
لا ..
جوي البنات وصبن العشا ...عيني جانت ادور ع شوگ..
اريد اشوفها وينها ماكو ..
وكدرت اسال عليها ..
لا احد يحس ..
كملنه العشا وخواني يمي ..
كملو وراحو ..كلمن لبيته ..
وبقينه ..كاعدين ..
كعدت بلطرف ..مال ..هول ..ويصير بصفه المطبخ ..
النسوان ماتسكت ..بس،يحجن ويحجن ..
انتبهت ع كلامهم ..
جنه ...ولج عيني وينه الشغل اهنا تكولين الها الخياط ب5
تشهك بوجهج ..يمه ..ليش 5..كولي الفين ..
ساعه اقنع بيها الدانتيل والخيوط ومتقنع ..
حتى ماتسوة كسران الظهر ..
شوگ..اي والله جنه حقج اني فدنوب ماكو ..كل البيوت عدهم تنور ..وتخبز لروحها ..مو مثل المناطق الراقيه
تتمنى الخبز الحار ..
وبقن يحجن ..
جابت طاري ياسر ..
كالت باجر ارد ارحع اله واشوف تاليها وياه بلكي الله قنع ويطببنه للبيت ..اني مستحيه منكم سالبه راحتكم ..
بس هذا حظي ويا واهلي بعيدين وكلمن حاير بهمه ..
ابوي اعمى ومريض وامي ميته من صغري ..
ولا اخ الي يسال ولا اخت ..
ماعتب عليهم هاي الدنيا هيج ..
وضلن يسولفون ..
رحت مددت ..وخليت ايدي جوة راسي ..وادخن افكر ..
بضيمي وباهلي وبشوك..شسوي ..هسه ..
اخ قلبي راح يطك من مكانه ..
بكل بيت ضليمه وقهر والحل شنو ويانه ..
عمي لو هاي الحكومه طك علينه ..نووي ونرتاح احسن ..
من هلضيم وهلفكر الي بي احنه ..
سهيل ..سهيل..
ها يمه ..
تعال ..
رحت للمطبخ ..
هايوم ..شنو سالفت تسافر مدري شنو ..
كعدت فهمتها ..
بوجهي شوك ..وابنها بحضنها ..
عين ع امي وعين عليها ..
ماكدر مو بيدي عيوني يرحن عليها ..
ابنها بحضنها يلاعبها ..وانه افهم بامي ..ع شغلي واقنع بيها .شويه امي نضرها مو شي ..وجانت تريد مني علاجها والبنات راحن يفرشن ..فراش..
ابنها جر شالها ..
لليل ..وبيها كمرة ..هذا الي شفته ..
ولمحت نجوم يلالن ..فوك شامتها الي ..بلخد ..
اكو شامات بلركبه ..
شاغت رويحتي بيهن ..
كمت اتلعثم وعلاكه الدوة ..الف مرة ادور بيها ..اريد الدوة ..
مو رغبه ..الها لا ..احس ..روحي تنخمط ..
من كثر ..بيها نزاكه ..صدك شوگ..الي يشوفها يضل الها مشتاگ...
هايمه ..ماشفت الدوة ..
كل هذا دقايق اما احساسي دهر وماكدر اوصفه ..
شنو الي صار بيه ..
انطيتها علاجها ...
وكمت ...
وصلت للممر ..بقيت واكف اريد ارجع ..اباع لعيونها هاي العيون الي مذبلها السهر والتعب لونها الخمري ..
الي ..ياخذ ريحتي مني ..
رحعت خطوتين ..
بله اني صدك جذب ..شامتين فرت راسي فر..
والف هم براسي ..
من امدة حظي شجاني ..
شفت الموت اليوم وحاير بحسنات خذها ..
وركبتها ..
يمه صاعد انام ..
وصعدت ..
افكر ..بحالي وباجر ..
بيومها ولا نمت طر الفجر والصبح وانه عيوني ..
مفتوحه ..
نزلت مثل كل يوم امي كاعدة ..وكعدت يمها ..
وجتي شوك ..
صباح الخير ..
صباح النور ..
ياهلا يمه ...
حجيه رايحه اني ..
لا يمه كعدي تريكي ..
لا حجيه فدوة خلي اشوف تاليها وي هذا ..شنو ..
احم احم ..ام ابراهيم محتاجه شي ..
لا عيوني سلامتك ومتقصر ..وبردت روحي ذاك اليوم ..
انتو هم شنو ذنبكم واني يمكم فوك ضيمكم ..
لا تكولين هيج ..انتي عزيزة علينه ..
كلمه مثل اختي متطلع من لساني ..
امشي اخذج واذا حجة وياج اطمس راسه بلوحل ..
عندي حركه لا اراديه ..اذا اندمج بحجي ..
اللعب يشعر صدري ..واحرك بي لو احرك بلحيتي لو شعر راسي المهم ايدي تتحرك
انتبهت عينها ع ايدي ..وصدري
نزلت ايدي ..
ةبقيت احجي وياها امشي ويايه ..
بقت جهالها نايمن وطلعت ويايه ..
فتحت الها الباب ..مال حوش طبت ..
دكينه الباب الجوة ..محد يرد ..
اندارت عليه كالت نايم ..هذا ..
ارجعي لبيتنه .شوك ..
كالت حتى هدوم لجهالي مابقى ..
بقيت ادك بلباب لا احد فتح ولا شي ..
خاف طالع ..
لا ميطلع ..
هسه كم يوم ويجيني ..علمود المصرف لان يخلص..
الله يعينج ..
ويعينك ..
رجعتها لبيتنه ..
وامانه الله ورسوله شتعتازين كولي ..
مقتصر وهلحجي ..
