نجم سهيل ..
ج 12
بعد خيتي بعد شتلزكون بيه ..
دشوفها ..بعد اخيتك ..حلوة ترة ..
الله يستر عليها بس توصل لخصري هاي ..
حزام خوما حزام ..
لا مو هيج عاد ..
يمه ..لو بيدي اشبكك بسوك هسة ..انت ابوي واخوي ..وتاج راسنه ..
جريتها مشيتها بصفي ..وخليت ايدي ع جتافها ..
شعندي غيركم ..والغصه تاكل بروحي اكل ..
ولمعه القبه..بعيوني ..تعكس ..
ذنوبي شكد ..ربي ..تسامح عبد اجه ع باب من ابوابك ..
ربي ..شتسامح مني ..
يمكن كتلت وهسة ..اتاجر ..بلحرام ..وزنيت ..
كلهن طاحن عليه
ربي تعبان ..
شبيك سهيل ..
مابيه
عيب امشي وي اهل رجلج ..
وكفو ..
ها يلا نزور ....اريد عذر ..مثل طالب ممحضر واجب وكومه الاستاذ ..
بعد مو هسة امشو بسوك ..
لا ..نزور الاول ..
منا منا ..ماكدرت ..
اخر مرة اجيت انه وامي وحسام ..زرنه الفجر ..
جان همي الفلوس .وادعي بل الرزق هسة شدعي ..ماعرف ..
زحمه حيل ع روحي ادخل ..
سحلني ثامر ..وطبينه جوة انه مدنج ..مارفعت راسي بعد ..
مال زلم فارغ ..جان ..فتت انه شفت الشباك ..بجيت بجي ..حسيت نص حيلي انهد ..
اريد ارتاح ..تعبان ياربي ..الراحه يمك طلعني وخلصني منهم بقيت واكف وابجي ..
احس واحد ورايه ..
اغا حركات حركات ..وياشر ليفوك ..
وخرت من الشباك وبقيت كاعد بلضريح ..
صار كومه مفارش سجادة ..واصلي لو ادعي
صليت حسيت براحه وسكينه نزلت لروحي ..
وكلت لازم اطلع من الي بي اني ..
طلعنه وشفنه النسوان تنتظر ..
ثامر ..شرطي ..وخوش ولد جان ..رغم مارضيت اني بي بس امي .لحت عليه لان خوش ناس جانو ومن غير منطقه بيوتهم ملك مو تجاوز .
طلعنه ..وبدينه نفتر بسوك وراها كعدنه بمطعم ..
تعشينه ..
كعدو كبالي ..ايمان ..
اباع عليها تطلع صغيرة ..يعني 18هيج شي ..
ملامحها حلوة ..كلش رغم سمارها ..
اتحس بيها كلها روح وحياه ...
مو قصد اباع عليها بس هيج ردت ..
اطبعها بدماغي ..
كملنه وطلعنه
شتريت كم شغله لاهلي ولامي بلكي تفك مني
ومن تحقيقها .يوم كليه ويوم ابوك وهسة حبوب مدعبله ..
كمت ابتسم ..
اختي كالت شبيك تضحك وي روحك ..
ع امي ..
شبيها ..
كارثه افكارها ..
اي والله ..
رجعنه للبيت بعد ماصدك تونست ..وياهم خوش عائله حيل
طبيت ..للمطبخ ..
شفت وحدة لابسه كله اسود وكاعدة بلكاع ..
شافتني ..ذبت ع وجهها بوشي ..
شوك هاي ..
السلام عليكم ..
مردت ..كامت ..
جنه هاي شوك ..
اي
ليش مترد ..
مو لازمه عدة ..
والعدة حتى السلام ممنوع ..
اي خويه ..جا شون لعد وانت غريب ..
درت راسي ع الباب بيها الخير ..
هااا بشرو ..
شكو ..ليش ..
شونها العرؤس ..
ياعروس..
عروسك خويه ..
اها مرتبيها انتو ..
جتي امي ..اباع عليها اني ..
ها شونه الزيارة ..وتبتسم ..
يمه من الاخير معجبتي..
بيومه ليش ..
رنا ..والله حلوة شبيك واذا قصيرة ..
جنه ..اووف وتالي وياك غيرك جهاله بطوله ..
امي ..اريد اشوف جهالك قبل لا اموتن ..
خوش لتميتو عليه ..
يمه جاهله ..بعدها يمعودة واني طبيت 30
جتي يمي ..جنه هاااااا....لعد ام الجهال تناسبك ..
امي شكو ..
لا ماكو شي ..
رحت ابدل طبت ورايه امي..حضرت روحي ..لكلامها ..
يمه انت كبرت وماشالله هذا شغلك بي فلوس ازوج بيهن ..
وغرف كومه صارن ..بلبيت .
وهذول خوش ناس ماتلكه مثلهم ..يايمه ..
ومن هلحجي ..
الله كريم يوم مو وكتها ..
بس جاي سونه ..
راح تنام
لا ..
جا مددت ..
اي ..وخلي البنات يسون جاي ..
بين مدتحجي ويايه طبت جنه ..
كوم الحك ..
شكو ..
وركضت كدامي ..كمت ركض
اشوف شوك لازمه ابنها الصغير والدم يجري منه ..
الحكلي ..فدوة ..
ركضت شبي ..
وكع من المحجر ..
اباع الضربه بحنجه ويصرخ ..
اخذة سهيل ..
تعاي،مدشوفين يصرخ عليج ..
جيبولي هدومي والشحاطه ..
لبست تراكسود ..
وطلعت ضل الولد يصرخ ..ع امه
شوك امشي لا عبالهم خاطفه شي ..
اي جايه ..
جنه اجي وياكم ..
اني اخذت شوك ووصلت لراس الفرع ..
حصلت تكسي وطلعت ..وصلت للطوارئ اخذو مني .
طبله وهيج طببته للعمليات الصغرى ..
شوك انتظري برة ..
لا فدوة ..ادخل وتبجي
انتظري داكولج ..
الزمه زين خويه ..
لزمت ايدة فرفح بايدي الجهال ..
رحت بذكرياتي من خيطت راسي ..
خيطه ..وانطو شراب .وطلعنه ..
المهم مابي شي ..يخوف ..
طلعته مشينه ..برة ..
شوك ..ابنها نام ..بحضنها ..
اخذته منها ..شلته ..
لا خاف ثكيل عليك ..
سهيل ربي ينطيك العافيه ويرزقك وكفت الي،..
شوك ..
نعم ..
ماحنيتي ..عليه ..
سكتت جانت مخمرة مداشوفها ..
سهيل مو وكته الكلام ..
وكفت كبالها ..ها ..يعني اله وكت ..
سهيل اني ارمله وام ل3.
وانت شاب مناقصك شي ..ليش تعلك روحك بيه ..
مشيت ..
ناقصني انتي ..
فدوة لعينك هلحجي حرام احجي بي ..
بس كولي ..اكو امل ..منج ..رايدج حلال الله وراضي لو عدج عشرة ..
لا سهيل ..
ليش شوك ناقصني شي ..
لا حشاك اني الناقصني هوايه ..
انتي ست البنات انتي حلمي قسم بالله ..اتمناج
سهيل ..
شوك اذا ..مامنج رد ازوج ..ترة..ماكضي عمري انتظر ..
مو حتى الشيب ترس لحيتي ..
ازوج واني اول وحدة افرحلك ..والله
اخ الله كلامها شك كلبي شك ..يعني ابد ولا ابالها اني ولا تفكر بيه بيوم اكون رجلها ..
سكتت وكريت تكسي وبقيت الطريق كله ساكت وصلنه طبت يمنه جهالها نايمين بيتنه ..
رحت طلعت فلوس خليت بايدهم ..
لا تحجين شي ..لليتامه هاي ..
محجت شي ..
وراحت ..
اليوم عرفت ..كل هلوكت اني ابني حلم فارغ ..
شكد اريد اعبي فارغ ..
كضيت الوكت افكر ..وتاكل روحي رفضها ..
كلت ازوج ايمان ..احسن ما العمر يكضي ..
ع الاقل اشوف ..جهالي كدام عيني ..
بس مانطيت الهم رد..
كتلهم الله كريم ..منا لزواج رنا ..
مشت الايام بيه ..لا اني الي تبت ولا اني الي عفت ..سلطان
وبسمه دوؤت ع شي الي،ماكو
اي قرص الي ماكو ..
ورقه ورقه كامت تنكشف الي ..يجوز هاي،هم لعبه واني الغبي صدكت
وبقيت اشتغل والم ..
اكو اثنين بداخلي ..
واحد يكول حلال هاي تجارة والثاني يكول ..
لا ..هاي حرام ..
وبقيت صراع بداخلي بس ..
علاقتي بجوكر ..صارت قويه ..
بسمه احاول اتهرب منها ..وابتعد
بس تجيني ..بس متقربت الها بعد ..
رغم ماتعب بقربها واتاذى ..بس الزم نفسي واسيطر..هدومي تنترس من دموعها ومرات تغفى ع صدري ..
تكول هذا هوة اني احبك وبس ..
صوت نفسك يمي يسوى الدنيا ومابيها ..
مرات انقهر عليها ..واكول اخذها وازوجها شنو ذنبها
ومرات لا اكول الي تخون راعيها تخوني ..
بقيت هيج ..
بين اهلي وبين الشغل ..
ويوم ورة يوم وجع شوك ..يخف ..وتبقى هذيج اللهفه..بيه
الها ..يمكن مداشوفها واسمعها الي منسني ..ويمكن كرامتي ماتسمحلي انزل روحي اكثر ..
فديوم اجاني حسن ..
يمي ..
ابو الهيل اريد منك شغله ..
عيوني الك ..
والله استحي اكولها ..
احجي ..من هلشارب انطيها الك ..احجي
ضل يمتمت
اريد اناسبك ..
سكتت..
هاخويه ..اني اسف ..وديكوم ..
اكعد ..
انت زلمه ..معدل ..بس ..
شنو سهيل ..
شغلك ..
نفس شغلك ذيب .
مو هيج اخاف ع اختي لا ..تترمل ..
بيد الله ياخوي ..
ترضى بيه ..
افكر ..واسال الاهل ..
كعد يمي ودنج راسه وشعرة نزل ..
اشوف جتفه يتحرك ..
باوعت عليه ..شبيك ..ولك ..تبجي ..
اي ابجي ..والله ..
يوم كعدت بيناتكم يسوى عندي الدنيا كلها ..
نحرمت من اهلي سهيل ..واريد اهل ..دخيل الله ..
ودخيلك ..اريد عائله وام تسال عليه ..واشم ريحه .العروك من الباب والخضرة ..وتكولي هلايمه .نورت اريد اهل حتى لو بفلوس سهيل .
حرك كلبي..واني اعرفه شكد ..كبله ابيض ..
حضنته وكتله سهله ..
اشوفلك عائله تتبناك ..
وانت جوعان عروك مو عائله
ضربني ..
ازوجك الحجيه ..
ههههه ياريت ....
وبقينه نسولف ونضحك ..وفكرت بموضوعه ..
وكلت اطرحه ..ع امي ..
طبعا سلطان ..عندة مبدئ ويانه فرق تسد ..
ميرد بيناتنه ترابط ابد ..
اذا شاف علاقتي بجوكر حلوة يبعدنه ..
ويبدي يفرق بينه ..
احنه كدامه بس سلام ..وهيج ..
بس من ماكو نومتنه اكلنه شربنه كلها سوى ..
صار صديقي،..كلش..
نزلت لاهلي وفاتحت اهلي بلموضوع ..
والكل قبل حتى اختي ..
وانتظرنه نزوج رنا وراها ..يخطبها ..
من نزلت عزمت ..حسن ..ع عروك ودولمه ..
من الباب شم ريحته ..
كال اخ الله اي هاي الي اريدة ..
اكل وشافته اختي ..وشافها وصار قبول ..
بيومها قرينه الفاتحه بيناتنه ..
احس جاهل ومحرم من فرحه هيج حال ..
جوكر ..شفت فرحه بعيونه مشايفها لعمري ..
ولا اكدر اعبر عنها مثل مفارك امه سنين ونجمع بيها صدفه .
قبل الزواج رنا صارت خطبته ..
وسلطان عرف..
ضاج ماعرف ليش ..
لان ميردواحد بينه يرتبط بشي ..ولا نرتبط بيناتنه
ازوجت ..رنا ..
ورجعو ع نفس الونه يلا ويلا ..ازوج
وكل مرة اجل بيها ..
والهي روحي بين شغل وبين اهلي..والسيارة مجودرة محد يعرف بيها ..
طلعت العدة مال شوك وكمت اشوفها ..تحي يمنه مرات تعوف الحهال مرات جنه تبات يمها واني ادز مصرف الها
عادي..بس خاطري مكسور منها حيل ..
فديوم بشغل ..اني ..
دكت رنا ..
الحكلي،..سهيل..
شكو ..
يمه ثامر وكع لا ايد ولا رجل وتصرخ ..
ولج فهميني ..
وصريخ ..
انجر الفون ..
الو اني ايمان ..
شبي ثامر ..
ماعرف طلع يجطل النه كهرباء وانتل ..فدوة ماكو احد بلبيت الحك النه اخذو ..العالم ..
طلعت برة غرفتي ركض ..وصلت لباب المطبح ..
سلطان ..وين رايح ..
رجل اختي انتل وخابروني ..
رايح دافتح الباب.اجه ..سدها وقفلها..
شنو هاي ..اريد اروح ..
ماكو عدنه شغل ..
عطت سلطان لا تخبلني ..
داكولك ماكو .بي روح يعيش مابي البقاء في حياتك
ابرود يحجي ع صوتي اجه حسن ..
عوفه سلطان ..
داكلكم محد يطلع ..
مو صرتو عليه عصابه واتناسبتو ........
وكام يغلط ويحجي ..
صرت اعصاب ..كمت ادفر بلباب ..
شسوي سوي ..
واختي ادك ..
كمت اتوسل بي ساعه ..
بس ...
ابد ..ولا قبل ..
تاليها كعدت وكعد هوة ..
كال بسمه انهزمت ..
ضليت افرك براسي ..وشسوي هسة ..احنه ..
انجب ولك ..
واتحول مو ذاك سلطان الي اعرفه ..
من كال جوكر بسمه شفرة ..سلطان.صدك ..
كلبي نار ع اختي ..وهذا حاير بسمه
ا مثل المرة ينوح بس بقى يشك زيكه ..
ع اعصابي
كملت شغل ..ورحت ..وغلقت فوني ماريد اسمع شي
ويوم ورة يوم كرهي يزيد ..اله
وصلت ..ومبينه من لمه العالم مات ..
طابوكه وطاحت علي هذا حالي ..
وكفت ابابهم طلعت الي ..
اختي ..تنوح ووكعت يم رجلي شلتها ..
كتله ربي ..لا تعابيني باذيه اهلي عابي روحي الي ..
اني الي غلط مو همه
رجعت الايام سودة ..عروس وترملت ..
والبيت الهوى الي بي يخنك ..
والون مالها ميخلي احد ينام ..
حسيت داخل نفسي ..هنا بدت التصفيه ويايه..
عقاب الله بين ..بيه بعزازي ..
تون ..الليل كله رنا رحت ذبلت مثل الوردة ..
ماخليت دكتور شيخ سيد ..مافاد ..شي ..
روح ونكسرت منهو الي،يصلحها بعد ..
احترك كلي،من بجيها ينخب روحي نخب ..
اخ يلموت ..شتاخذ بعد كول ..
وبشغل،
سلطان وحش بدون بسمه ..
حتى شغل ماله واهس بي..
واختفت بسمه منعرف وين ..
وشكد دورنه مالكيناها ابد ..
اروح للبيت رنا تون..
ارجع لشغل سلطان ..
مرت اشهر اخذت من عافيتي عافيه وروح ..
صعب اعوف سلطان .صعب ..ماكدر لو اموت لو ابقى وياه ..
وياريت بس بروحي اموت ..يفجنعني باهلي
حسن بعدة وي اختي الصغيرة وكطعنه مهر الهم بسكوت حتى يكدر يطب ويطلع علينه ..
كلما نكول نعوف سلطان ..
نرجع اله جبر ..
صرنه مثل بسمه .يوميه نتهزم ..
فديوم كاعدين ..
وطب سلطان ..وكعد بدون سلام اعصاب عيونه نار ..
خيرك استادي ساكت ..
بكلبي عساك بغالي يروح منك وتحترك بي ..
شويه وطب واحد .
جار بسمه ..
كام سلطان
وشمرها بلكاع بدون حجي نزع حزامه ..
وبدة يضرب بيها ..جنزها ..
وتصرخ ..
اريد اكوم جرني جوكر ..
ماتحملت كمت ..عليه دفعته..
ولك كافي خاف الله بينه ..
انت مو بشر ..وحش شيطان ..
وبسمه ورايه خاتله ..ولازمه رجلي
وتشهك ..كل شهكه منها فرفحت روحي ..
جر سلاحه وخلاه براسي،.
كتله
اكتلنه وخلصنه منك ومن شرك اكتلنه يلا ..مو هيج الي يحب ..ليش ..
وخر سهيل عنها ..وخر رررررر..مالك دخل بيها وخر ..
كامت بسمه ..وكفت كبالي ..
كالت اله ..اني كبالك شسوي سوي ..بيه ..رجعت الك
ضم سلاحه ..
وحضنها...
بقيت ..واكف متبسر ..
حيوان ..مو بشر هذا وحش..
وخذها وراح ..ساعات وطلع سلطان الاولي ..
الضحكه والسالوفه ودز عشاة والنركيله ..
روحه ببسمه ....معلكه ..
طلعت بسمه مكسورة ..حيل ..
حركتني حرك ..
وكفت بوجهه علمودي ..واني بايع الاول والتالي ..
وبايعها ..
ميفيد حجي بعد وكت فعل هسة ..
بس صبر ..
عيونها بيها حزن ..ماينجرع بيها .
لوم مداتحمله بعد ..
ورة يومين نزلني لاهلي..ابد ملتقيت بسمه ..لان موجود جنت اني اريد احجي ويها ..بس نزلني لاهلي ولو ماريد انزل ..
نزلت ..
وصلت الهم ..
كعدت وحجي ورنا هيه هيه ..
نفسها ..
وراجعه يم اعيالها لان البيت فارغ ويردوها ماكلت شي ماكو رجال هناك بس عمها ..وجبير..
مرات الانسان من يواجهه الحزن والمصيبه يصحى
ردتها تصحى .
وكلت كم شهر يمر واخطب ايمان ..وازوج ..
واخلص بسمه هم بعد ماخلص من سلطان..
كعدت امي يمي ..
كالت مادريت ..
شكو ياستار..
غير شوك راح تعرس ..
ياشو.ك يمه ..
ياااه جيرانه ..
المن ..
لحماها ..
اي ..
رايدها وتكول احسن يربي الجهال .
ي..مكدرت اكمل
كمت ..من يمها ..
اتصلت ..
جوكر ..
امر ..
جيب السيارة ..مفتاح البيت الي بفلان مكان وتعال .
شكو ..
مالك دخل ..
جيت ..
سديته ..ويمكن الي يكولي هلو ابلعه من الاعصاب ..
رفضتني الي دتاخذ هذا المكطم ..
دبارها يمي ..
دائما تعوف الجهال يم جنه وتطلع لشغلها ..شي ..
اجه .حسن ..
جابهن ..
شكو ..
ماكو ..
طلعت ..برة اوكف ..انتظرت ..مدة
طلعت ..من بيتهم
جتي يمنه ..سلام عليكم وطبت ..
سمعت سوك ..تريد تروح
وردت طلعت وحدها ..
مشت كتله يلا ..
ولك شكو ..
امشي ..
اشتعلو..العشيرة وين ..هم شوك ..
امشي ..صعد وصعدت يمه ..
مشت ..عبرت ..شارع..فتريت ع السايد الثاني .وكفت السيارة فاتت يمي تباع .
شوك تعاي .احاجيج ..
جتي خير ..سهيل ..شكو
باعي كلمتين ماتنثني ..
بعيطه ..
صعدين لو اسحلج ..
وللحكايه بقيه
شهرزاد
