نجم سهيل
ج
يعني شنو بعد ماشوفها ..واني الي طلعتها من الموت
وارج اني وصلتها للموت مرة ثانيه..لا مستحيل ..
بقيت كاعد يمهم ...بين عائله ابو حسام وماعرف شحجي ولا اكول شي ..
جنت مدنج راسي وكاعد ..
ويحجون وياية ع الي صار بيه ..
وليش هيج جروح بوجهك وشنو الي صار بيك ..
ومنو ..
حيل ماكو للكلام اكو هموم وجروح بروح اكبر من الجسد ..
رفعت راسي ..
ايمان /سهيل هاك مي غسل وجهك واشرب ..
فهميني الي صار ..بلتفصيل ..وبهدوء ..
انت صار مدة مختفي ..مو صح ..
الكل وصل لتركيا ..
اي ..
مو جانو يتصلون بيك هنا ..واني هم اتصل بيهم .
لان رقم حسن هوة..
من اختفيت انت ..ويسالون عليك واحنه هم مانعرف مكانك ..
امك ..تخربطت ووضعها تعب حيل ..
الي فهمته زوجتك تعبت كلش وجانت متعبه الكل وياها
بحيث ايمان تشكي منها ..وتكول خبلتنه ..
البارحه ..كالت اختفت بسمه ورجعت للعراق ..
اوكفي يعني شي قريب وجديد ..
اي واليوم من الصبح الجوال مغلق ..
ماعرف ليش ..
اصبر عسى الله شويه ويتصلون ..
كمت اني ..اترخص منكم ..
ابوها لزمني ابني راني ماعرف الي بي انت شنو بس .وين راح تروح ..اصبر ..
عمي مو مال صبر ابد ..اني بديت شي لازم اكمله ..
بوضعك هذا ..
ميخالف ..اروح واشوف ..
اكعد وانتظر منا لليل ..
ماكدر الي بيه مو مال اكعد شو هوة الموت يوميه يدك علي الباب ...خلي افتح بابه ..واخلص
ابني اسمعني انت مخاوي بنت لليل ..
صفنت عليه ..شكوله ومنو وصل اله هيج معلومه ..
لزم ايدي اسمع ..مني انه بكد ابوك وهلشيبات طلعن مو من فراغ ..
وترخص من اهله واخذني برة ..
بحديقتهم ..
طلعت وكعدت ..ع دجه ..دنجت راسي ..
وحسيت ضعف الكون كله بصدري ..يخنك الروح خنك ..
اخذت حسرة ..كتله مو بنت لليل ..
اسمعني عدل ..
دربها اعوج ..؟
ماعرف اجاوبه ..
منهو الي كلك ..
مالك دخل الي كال ..انت مزوج 2وحدة عدها جهال والثانيه هم ..
مو جهالها ..سالفه طويله ..
شوف ..اذا دربها اعوج فصعب ينعدل ..
راح تكولي عدله ..
اكولك دربها مو صافي ..
راح تكولي ..ماعدها شي ..
راح اكولك تتعب ..
راح تكولي احبها ..
اسكت ..
مو حب عمي ..الها ونه بلروح توجع ..
راح اكلك شي ..واحكم ..انت صعب تلكه انسان يضحي بروحه ..علمودك لكيت انت ..
كال امي ..
كتله وبعد ..عندك شخص يبدي الموت على نفسه .
سكت ..
كتله خلص ..
كلمه وكالتها المثلي كلشي بحياتي غلط ..
وشفت بيك الصح ..
ماكدر اعوفه بعد ..وارجع للغلط ..
وتخسر عمرك علمودها ..واهلك منو الهم كم ركبه بايدك ..
فكر عدل واترك العاطفه ..
رفعت راسي للسما ...بيه ونه تفزز الميتين ..
اصبر وشزرعت تلكه ..
هوة هذا عمر وانحسب عليه ..هوة هاي حياه ..
ايمان جيبي جاي هنا ..نشرب ..
بيني وبين نفسي اريد اكعد ..
واعاتب الروح الي مارتاحت بيوم ..
والزم الحظ واكعدة واكله ليش ؟
سنين ولازم ع الفرج سرة ..
وصل يمي الفرج ..ونسدت الباب ..وكالو خلص ..
هذا حالي وياج يادنيا ..
صراع داخل الروح مثل الجمر ..ياكل بيها اكل ..
لا هيه ..جرح جسد ويتعالج ويهون ..
كمت ابجي ..ابجي بصوت عالي ..
ماهمني بعد الي يشوفني قوي ..
انكسرت حييل واتاذيت ع الحال الي وصلت اله .
لا بيه اروح لسلطان
ولا بيه ابقى .
ولا بيه ..اروح لاهلي ماندل وين ..
وين اروح ربي وين ..اسكن كبور وارتاح وين اروح ..
وكف يمي ابو حسام .ابجي ابجي ..
اغسل كلبك ..ارتاح ..
هاي نعمه الدمع ابجي ..لحد ماتحس انت نولدت من جديد
كتله ليش انه مكدر علي ثوب الحزن تكدر ..
كول يالله ربك مايعوف حمل مطروح ..
الله ارحم من الكل مو اني ولا انت نحاسب ..
ونحدد مصير احد ..
مسحت وجهي وكمت وكفت ..
اخ ..اخ ..محد يحس الي بيه شنو.
بقيت ويمي ابو حسام ويحجي الي ..
هناك وطلعت النه ايمان كالت اختك تتصل ..بيه ..
جريته منها ...
فتحت الخط ..
وايدي ترجف ..ولشتي كلها ترجف ..
حتى الصوت يكطع يطلع ..
اسمها تكول الو ..
اريد اجاوب ماكدر ..
الو
منو ..
اني سهيل ..
سمعت صرخة يمه سهيل عدل ..
وهوسه صارت ..
ورها خشخشه ..عبالك واحد يجر الفون من الثاني ..
الووو ولك صدك لو تشاقه ..
هلو حسن ..
من انعل ابو حسن انت صدك لو تشاقه ..
انجر الفون ..
اليو يومه وراح صوتها بخنكه مسامعها قبل ..
يومه هذا وليدي سهيل ..
هايمه ..
عدل انت ..
اي يوم ..
ليش هيج حركت قلبي بيك ليش يمه ..
ولك يكلون ميت ..
اسمعها ..
وخر ..انه احاجي ..هذا سهيل ..مو ..
يوم والله سهيل شبيج والله عدل ..بس صارت سالفه وضاع جوالي ..
اخ يمه اخ ..حركت روحي وحركت قلبي ..ليش هيج ..
يومه كم يوم وجايكم ..
انت سهيل؟
والله اني سهيل ..
لعد هذا ابن الططوة يكول مات ..وتبجي ..
مسامع امي بصوت مخنوك ابد ..
شفتها مرة من راح ابوي ..شالت طين وخلت ع راسها بس
دومها قويه ..
يمه انطيني حسن ..احاجي ..هوسه
و نسد الخط ..
خلص رصيد ..مثل المخبل افتر ماعرف شسوي ..
ابو حسام كال اهدة هسة اجيب رصيد ..
دقايق ورجعو اتصلو بية ..
سهيل ..
حسن ..
ماكولك شصار بيك بس اطلع ..لا تنتظر ..
بسمه وين ..احس روحي راحت.
غمضت عيني ..ودكات كلبي ..ترجف ..
موجودة ..
اخ ..شنو ..
وين موجودة ..
هنا ..
فهمني ..
ولك هاي خبلتني سهيل بعد ماتحمل اني امك وبسمه والكل
تعال اخذهم طكت روحي ويحجي باعصاب ..
ماعرف احير باهلك لو اركض ورة هاي المهبله ..
وحدة وحدة فهمني ..
ولك لزموها ودكولها منع ..
مو عبرتعا قجق ونلزمت ..
ويعني ..
تسفر وترجع للعراق ..
صدك تحجي ..
اي والله اليوم جنت يمها هذا هوة راح يسفروها ..
ولك شلون اوصل يمها ..
اكولط اني تعبت تعال انت ..
روح الها هسة وكولها لا ترحغ لبغداد اني جايها ..
ولك انت متفتهم .
سهيل تعبت وحدي هنا ..
وامك كاعد تكولي كله من وراك ابني راح ..
الم غراضي اريد اطلع تكولي ..
ماتستحي لو عندك ذرة غيرة ماتعوفنه ..
وهيج خبلوني ترة ..
جايك اني راح اطلع لاربيل ومناك طيارة الكم .
شصار بيك ..سهيل..
اووف مينحجي الي صار ..
باوع لا تجي ابقى باربيل وادز الك بسمه وارجع طلعها ..يمنه ..
يصير
اي كل شي يصير .
المهم دزلي مبلغ ..
حاضر ..باجر احولك ..
اليوم ..
سهله تدلل ذيب .نورت برجعتك ..
انجر الفون ..
يمه ..والقرعان حلمت بيك واكولهم عدل محد يصدك ..
شحلمتي يومه ..
حلمت بيك جنه بذاك بيتنه الاولي ..
وانه اخيط الك هدوم بازة ..تخبل بيضه ومقلمه ..
اي يومه ..
جيت وكفت يمي ..ولبستعا الك ..
بس انت صغير مو جبير ..
وطلعت تلعب برة ..
اشوف روحي واكفه يمك ..
وانت واكع ..ورجلك بيها دماية..
لزمتني العبرة واختنكت اي يومه كملي ..
شبيك شجره الك ..كتلي ..وكعت وضربوني ..
وخذيتك ..وبدلت هدومك ..
وفزيت من نومي عرفتك بشدة يوم ..وفتحت زيجي لابو خيمه الزركه ..كتله اريدها منك رجعته ..
يمه كسرتني والله ..تعال يومه اشمك ..
جايج يمه انطيني حسن ..
ماتكولي جلبت بهاذ المعزة قرقزنه يمه لا يحل ولا يربط
رجل كرسي هذا ..
ميخالف يوم تحملي وعينج ع البنات شوك شلونها ..
كلنه من سمعنه حسك زينين ..
نكطع منهم ودزو مسج خلص الرصيد ..
ثاني يوم استلمت المبلغ ..
ورحت لاهل كرار ..ساعدتهم بشي بسيط ووعدتهم شهريه لكرار بس لا يرجع لشغله ..
وياهم ابد ..
وترخصت من بيت ام حسام ..وطلعت ..
لكردستان ..
بقيت اتصال باهلي ..
واحمد الله الهويه والجواز بقو بيت ابو حسام من نخطفت ..
بس يبقى شي جبير ..
رقم بسمه ..موجود ..راح يعرف يمي ..
والعنوان هم موجود مم ضمن الرسائل ..
ادعي الله وكع الفون ولا يمه ..
من ركبت السيارة ..
اني بداخلي كله حقد بس انتظر الايام اداوي الجرج ..
وارحع اله وانتقم من كل شي صار ..
وانتقامي الاول والاخير لحيدر ..
الي باعني وسلمني لسلطان ..
الطريق .كله ..فكري يرووح ..ويرجع خالي ..
اريد حل حتى ارتاح واستقر ..
خابرني حسن ..وكلي ..اندك المنع وغادرت الاراضي ..
التركيه ...
انت استقبلها بلمطار .
ليش خليتها تطلع ..
ليش؟
ولك خبلتني موتتني ..متخيلتعا هيج ابد ..
كالت اروح واسلم نفسي لسلطان ..
ويهدة ..
واني ؟مفكرت بيه ..
لا بربك ..
شبيك جسن شو متغير .
نصه حسه..تعال كابل الحجيه وراح تعرف الي،بية.شنو
ضحكت ..
اي اضحك عليه ..
يلا مضل شي واوصل ..
مطار اربيل مو ..
اي مطار اربيل ..
سديته منة ..
انداريت ع الشباك ..واباع ع الطريق ..
ليش ازوجت شوك واني احب بسمه .ليش.
ازوجتها حتى ارضي غروري لان رفضتني ..ومن شفت بسمه وي سلطان ..ارضي نار الغيرة بي ..
يعني اني شنو..
اني احب الاثنين ..
منو الي اعطف عليها
ومنو الي احبها ..
الاثنين بنفس الوزن عندي ..
سهيل عوف كل شي وبعدين فكر بلحب ..
اول ماوصلت اخذت تكسي وتوجهت للمطار ..
نزلت
وكفت برة ...
بقيت انتظر ..تطلع ..فوك الساعه واني انتظر ..
مقابيل باب الخروج ..
شكل شكل حفظته ومشفتها ..
ادك ع حسن يكولي ..وصلت وخابرتني ..
وينها لعد ..
وين راحت ..
يمكن باكيتين خلصت ع هلحسبه ..
اباع يمنة يسرى اشوف وحدة كاعدة ..
يم الزرع ..ليغاد .ع اليسار ..
رحت مشيت ..اباع عليها لافه حجاب ..ع راسها ..
وجنطه صغيرة بصفها ..
تقربت منها ..بسمه ..
رفعت راسها عليه ..
اي بسمه ..
وجتي ركض حضنتني وحضنتها ..
بقت حاضنتني وتبجي ..
دقايق وخرت عنها العالم بسمه ..
لزمت وجهي شصار بيك سهيل ..
مو وكت حجي ..جريتها ..واخذت تكسي ..
ورجعت طلعت لزاخو بدون حجي،مو مال ابقى هنا ..
كل شي يصير الي وصل الي اول مرة يوصل بعد ..
من طريق لطريق ..والمجهول ..ويايه ..
ماعرف وين راح تصفى دروبي بيه .
وصلت لنفس المكان ..
ولزمتها من اديها ..حيل يمكن اول مرة اخاف عليها ضيع مني ..
مرات الحياه تجي بهيئه بشر .
ومرات تجي بفلوس..
ومرات تجي ..بحب ..
اني جتني ببسمه ..
رحت ع نفس الحجي ودكيت الباب عليه الوكت ..وي الفجر جان ..واحنه انتهينه تعب ..
بقيت ادك الباب ..
الا ان طلع الي ..وبعيونه النوم ابتسم بوجهي ..
وعرفني وفهمته اريد مبيت ..
اخذني لنفس البيت ..
طبيت ذبيت الغراض ..
وكعدت مهدود حيلي هد من التعب ..
بسمه غسلت واجتي يمي ..وكبالي ..
بقت كاعدة تباع عليه ..
لزمت ايدي ..كلبتها ...
كالت هذا شمسوي بيك ..
تقربت مني ..فتحت دكم القميص ..
لزمت اديها..عوفي ..
بسمه ..
شصار بيك ..
سكتت..
كالت وراح ترجع..مثل قبل ..لو الي شفته اخذ من روحك
لان قبلك اناخذ من روحي ومارجعت ..
ليش بسمه ..
لا اليش لا تكولها ابد ..
ماكدر افسرها الك ولا احجيها ..
بس اكولك ..فكدتك وحسيت رحت مني ..
واذا تكولي اني لو انتي ..
اكولك انت ..
وترجعين اله بسمه ..ترجعين بحضنه ..احجي ..
ارجع ..اخلصك منه .
واموت روحي ..الموت الي راحه ..
سهيل ..
وجيت وياك لهنا وماعرف ليش !
انت من رحت الكل ذب الوم والصوج بيه ..
الحجيه من اكعد لحد مانام ..ططوة غراب ..
خواتك نفس الشي ..
انتي موتي انتي وانتي ..شريد اصير اني ..
انت ماكو ..لو موجود مايهمني شي .
جاوبي وترجعين اله ..
اي ..اذا خلاصك ..ارجع ومتاكدة هلمرة اموت ..
سهيل ..انت المن طايل اني بنت لليل ..
اني ..
اي انت ..
منو الي كلج ..
شوك ..كالت كدام الكل ..
من وراج راح وانتي بنت لليل ..
لزمت وجهي اني مو
اعرف انتي شنو لا تبررين الي ..واني اعرف شلون اسكتهم
فرشي النه بسمه ..
اريد انام تعبان .باجر وراي شغل ..
كامت فرشت ..وبدلت الي هدومي ..وتبجي ..
اكولج شكد تبجين ..
هههه ماعرف ..من عرفتك لليوم ابجي ..
مددت ..
اخذت باكيت الجكاير كافي جكاير ..ونام ...اذا يمك ضل ادخن..
نام حبيبي نوم الهنا ..
افرك الك ..جسمك ...
ششوفين ..يتفرك ..
ماعرف ظهرك ..محفر جروح .هاي الندب تروح ..
لا متروح ..هاي ذكرى من سلطان ..
حتى مانساه ابد وارجع اله الدين .
هم ترجع ..
رفعت راسي ..
قسم بالله ارجع واضوك كلمن اذاني نفس الالم ..
وازيد بعد ..
نمت براحه ..
ونفس الحال اتكرر حجز وواتفاق وي مهرب ..
يومين وانطلع ..
وللحكاية بقيه
شهرزاد
