نجم سهيل
ج 4
سوزان المندلاوي ..
اطلع كبل .ولا تتنفس ..ولا توكف ..
انتبهت ع ملامحه ..جانت برىئه وباردة ..وايدة ع السلاح ترجف وصوته يرجف دكيته حاسبه براسي.. وكملت ..مشي ..
توجهت ..للمطعم...
وكفت ..كتله ..انزل ..
بقى ..منبطح ونايم ..
انزل ياخوي وراي شغل ..عجبتك النومه..هنا ..
طلع بس السلاح وكال اطلع ..لا اطشر راسك ..
وماريد صوت منك ..
بلحضتها الله ذب عليه الضحك ..
كمت اضحك ..كتله تثق بالله صار ..سنين انتظرك واللله جابك الي ..
داكولك اطلع ...هاي دتلم العالم عليه ..
كتله لا مالم العالم بس انه اشتري الي يموتني بفلوس ..
امشي مداشاقه وياك .. امشي ..اطلع ..والله اكتلك
خرب ..مو داحجيك ..
كتله موتني وياعمي ووكفت السيارة هم ..
حتى لا تسوي حادث ..وتموت وياي .
بس دقيقة ..اجيب غدة لربعي ..
كام ..يعيط لا تنزل ابقى ..بمكانك ..
مديت ايدي ع جبي سحب اقسام ..
وتالي وياك ..لو تضربني طلقه لو تخليني ازقنب ..
عاد ..
حرك سيارتك ..اطلع ..
كتله ماعندك بس هلحجايتين ..اطلع اطلع ..وامشي
شبيك ..انت ..
كام يتلفت ..كعد ..كال متكولي شبيك انت ..
ترة مو مسدس مي هذا .حقيقي ..ماتخاف ..
كتله وانت شايف ..ذيب يخاف ..
ايباخ ..يلذيب ..عمي طلعني منا والك الي تريده..
خويي ..وعزيزي .مديت ايدي اله ..
دشوف ايدي ..وشوف الجروح والفطور ..الي بيها ..
شبيها ..
جد جدي مشعول بشغل ..
مابيها سلامتك ..يلا توكل منا ..
وماريد فلوسك ..
بقيت احجي وياه بلربع ساعه ..
ومفك مني ياخة ..
تاليها نزلت واخذت السويج ..ورحت جبت غدة ..
ورديت صعدت ..بعدة كاعد..
فكرت بي لا شكول مجرم ولا اسلوب ارهابي ..
كتله شبايك انت ..ونهزمت ..
كمز كعد يمي ..كال مبكت شي ..
لعد ..شنو هلرمي ..
ابتسم هاي انه ارمي ..عليهم ..
ي ..وتالي ..
شفت هلعربانه وختلت بيها ..
ليش ..شنو السبب ..
يطلبوني..فلوس،..وشردت منهم ..
انت من كل عقلك تحجي ..
لا جذب ..
شغلت السيارة ..ورجعت ..
عاط هاي وين هسة افرغه براسك ..
اكولك انت ليش ماتبطل ..عياط وذب المسدس ..لا صدك اذيك ...واطلع قهري بيك والله ..
اعصابك ..يلذيب ..
كال والله صوحبي..طفرت ع بيت علمود داخمط دراجه ..وتولوني اهل البيت بس بقى ..قذيفه ما طكوني بيها ..
انا كضيت نعولي وشردت ..منهم
كمت اضحك ..عليه ..
وضربته ع راسه ..
كام يتلفت هاي شنو ..هاي شنو عيب ..انت ماتحترم ..
انا ..الجوكر انت تكفخ بيه ..
جوكر مال شنو ..مال دبات غاز ..
عمي ماتبطلهن..اشتغل بلا البوك ..طعم الحلال طيب ..ووكفت يله اترجل منا ..
لا بعرضك دخيل يمك اني ..بس عبرني لذاك الصوب يرحم اهلك ..حتى كروة ماعندي ..
تروح يلجوكر ..لو انزلك دفرات ..
والله حتى السلاح صوتي ..والله ممسوي شي ..
دخيل الله ودخيلك ..لا تعوفني اني مو منا ..والله ..
انت ناوي تورطني وياك يمعود ..انزل ..
حتى اذا انزل وين اروح ..
ماعرف ..اندري وين اهلك ..
ماعندي اهل ..ولا احد ..ويوميه بمكان اني ..
المطلوب شنو ..طلعت فلوس من جيبي ..
ونطيتها اله ..
كال لا خلي فلوسك يمك ..بس اريد ابات بمكان ..
صفنت عليه ..مدري صادك مدري كاذب..
شسوي اني هسة ..ووين احير بي ..هذا ..
عمي يلجوكر لا مكان عندي ولا شي ..وانزل من السيارة ..
اريد ارجع لشغلي ..
