نجم سهيل
بسمه كالت انت مخبل شنو هلحجي ومين حامل اني غير منك..
منو يكول ..
سهيل كافي انت شارب ..
لا مشارب شي ..
امي /يلا كومن لمن غراضجن هذا عقله ضرب ..وصار مخبل وحابس اخته المكرودة ..عوفنه بروحه مثل الخبل يلا ..حبيبات ..
كومن هذا تخبل ..
جتي بسمه عليه ..
كعدت ..وخليت الجزادن ع الطبلة ..
المن هاي ..
مالج شغل ..انتي ..
كوم امك راح تروح وجر بيه وتتوسل كوم فدوة لا ضيعنه كلنه كووم ..فدوة لطولك كوم ..
عوفيني هنا ..روحي وياهم ..
لزمتني ..من جسمي ..كوم ..
دفعتها وكعت بلكاع ..
كامت يمه سلاح بجيبك ..هذا مين ..جبته ..
امي/عوفي الله لا ردة من ولد ..طايح حظه ..
حجيه ..تعالي ..فدوة ..حاجي ..
والقراعان اذا اجي يمه اضربه ..
كلت عوفوني اني طايح حظي شتردون مني روحو منا ..
بسمه / ماعوفك لو تموتني ..
شوك ساكته
يمه اخذيهم اني مو خوش ولد وعاق وكلب ونكس
طلعو منا وتركوني وحدي بعد ..
اجتي يمي امي ..
ضربتني راشدي ..
اصحى ..ولك كافي اصحى ..
شبيك ..انت ..شجاي تسوي بروحك هاي تاليتك ..
تخزني يابن بطني ..
جبتنا هنا وضيعتنه وضعت
وحضنتني ..شبيك انت مو وليدي الي ربيته ..
وتحاجيني وتلزم وجهي اصحى ع زمانك دربك عوج وين يصفى بيك بعد ..لو كبر لو سجن ..
والله احس دربك اعوج
سامح ..وعيش بسلام ..
ترجع مو
راح اموت والله ..من وراك
ريحني ..ارجع النه ..يابني ارجع ..
اوعدني ..
هزيت براسي .اي .كمت ابوس باديها سامحيني..
تعوف القمار ..والنسوان ..
ياقمار امي .يانسوان .
اني بديت ادوخ مع العلم مشارب شي ..
بس مسطور نركلت وي الولد ..
وكمت اشوفهم حركاتهم ثكيله عبالك فلم ..
بطيئ ..اغمض وافتح بعيوني ..
حسيت بسمه تضرب بوجهي وتعيط ..
باذاني سهيل لا فدوة مو وكتك هسة ..
وكمت اذب من راسي وحرارة بصدري نار صارت ..
راح اموت ..
كافي سهيل توب واترك كل شي ..
طب ..طفى عندي كل شي ..
احس اني بلحمام ..ومي ع راسي ...
وكاعد بلكاع ..وامي وبسمه وشوك ..يم راسي ..
مثل الغركان وياخذ نفس طويل ..هيج فزيت
اريد هوى
فتحت عيوني ..
سهيل ..حبيبي ..دتحس بيه ..
هزيت براسي اي ..
حبيبي اروح فدوة لطولك ..كوم كمت فتحت عيوني ..واخذتني كعدتني بلهول
وبدلتلي بسمه ..
اباع شوك ع جهه مكترة روحها ..
بسمه كالت تعاي شوك ..
نعم بسمه ..
جاي نومي بصرة اريد ..
ي،هسة
جانت ..بسمه تذب هدومي ..وتمسح بلخاولي ..جسمي تنشفه
وتمسح دموعها ..
ليش هيج ..تسوي ..
طبني مرض..
امي/..متربعه وكاعدة ..اهمداج ..وتهز برجلها ضلي رجفي عليه وهوة يزيد غبرة طلعي من البيت هسه يجيج زحف ..
همداج ..غمه ..شكتلجن ..وانتن..تسون غير شي
حكرنه من حكركم ..الفرح
اثنينهم غمات ..
وانت يلزاجل يوميه طاير ..انه اعلمك ..مطي ..
ابو النسوان ..وتهز رجلها مثل الي تلولي طفل ..وتضرب حيل ..ع رجلها
نزعت ..شيله وعدلتها ..راح يجلطني يما ..
لحكولي ..
امي كافي دخيلج .كتلج تبت
مين ..من النسوان ..
اي ..
بيومه ..والقمار ..
عفته واضحك ..
وبعد شعدك بلاوي ..هذن المدعبلات تبلع .
كافي
شكافي صاير ذيب براسنه ..
وانت طركه مال نعل ..
بسمه كامت تضحك
ولج ..عليمن ضحكين ..
كالت هيج ..
كافي تمسحين ادري شباج ..كافي ..
جريت اديها ..بستها من البطن..
مشتاق الج ..
عليك الله ..
والله ..
كوميني للفراش..
اي من عيوني ..
بعدني مكايم ..
امي سوت يبووووو..
كعدت ..وخرت بسمه ..
يمه بسيمه لحكي الي ..راح اوكع من ورة هذا ..
شبيج حجيه ..هسة ..
راحت شافت ضغطها ..مابيج شي ..حجيه ..
لا بيه ..وهذا راح يموتني ..
مدري شارب اليوم ..
وجاني ..ويكمز علينه ..
وخري بسمه امي اذا ماتكتهن ماترتاح ..
صارت بوجهي شبيج يمه..
وحمه ..
اريد ارجع ماتحمل هنا بعد لا جار ولا اكدر اسولف گردي لاحد هجي الحجي ع كليبي نايم نوم ..
رجعني اني هنا اطك ..
وانت ياطك هاي يا تحبس هاي ..
وهاي مرتك حبلى وتغمز لبسمه
مكرودة..
وتكسر بيها ..
ليش تغمزين ..
شغمز من غمز عليك البين انت وهلهراتي الي كرك فوك ..
اليوم اريدن منة طين خاوة ..
يكولي ماكو ..
شوف هذا خاف عباله من فلوس الي خلفه هلمكطم ..
يمه ياخاوة ..
شعليك انت احطها لراسي ابردة ..من عمايلكم
يمه شبيج شو مدجمعين
شجمع
جابت شوك الجاي
ودي لامي ..تشرب ..
اخذته امي ..اي والله يمه ..عاشت ايدج ..
يامكسورة بخت وحظ انتي .
بسمه كالت سهيل تنام ..
خلي اكمل الجاي اريد اصحصح ..
وين دتروح يوميه ..
هيج يم جماعه ..
بسمه صدك حامل ..
ها وتباوع امي
صدك لو لا
والله جذب امك كالت نسوي هيج
كالت من يطب ننجمع ونسوي ..
بله امي تكولج انتحري تنتحرين ..
شنسوي حرنه وياك وحيرتنه بيك ..
يمه شمسويه ..
ممسويه شي ..
لا ابد ..
وسالفه الفلم ..
يمه هنه عيارات يذبنها براسي..
انه اكوم اصلي وادعي الله يهديك ..شباقي بلعمر هوة
بسمه/شلون تكولي ابن منو هذا ..
تعبان بسمه تعبااااان ..
صوتك هسة ترجع امك ..
داشك بروحي والله لا اني هم استغفر الله ..
صفنت ..جنت مرات اشك ..حسن عندة علاقه ببسمه ..
وبراسي طلعو..
الشك حركني ..حرك
ليش تريد ترجع لنفس الدرب ..
ماعرف
كوم
شارب انت
ماعرف والله نركلت وي السورين
دمشي وهذا جزدان منو ..
وحدة مخبله ..
كمت مشيت ..انداريت امي كاعدة وتصلي وشوك يمها كاعدة ..رفعت عينها ..باوعت عليه ..
طبيت لغرفه بسمه ..بقيت كاعد ..لحد ماصحصحت
