الحلقه الثانى و الثلاثون :
فمسكت ايده وقالتله : انت خلى بالك من نفسك.
وهاستناك دايما وخليك عارف انك هنا يا وليد .
(وهيا بتشاور على قلبها .)
فحضنها وباس كل حته فى وشها .
وهو بيقولها :بحبك يا رونى .
بحبك قوى اكتر مما تتخيلى .بحبك يا اغلى الناس وكل الناس .
وهيا بتضحك .
وتقول :وانت حبيب رونى .
وخرج..وراح يركب عربيته وفضل طول الطريق دموعه تنزل من غير ما يحس بيها وكل ما يمسحها تنزل لوحدها .
وقال لنفسه : طول عمرك يا دموعى كنتى بتتعبينى ومش باقدر انزلك دلوقتى بتنزلى من غير ما اطلبك .
طول عمرك ما حدش شافك .دلوقتى الاعرفه والمعرفوش شافك .
جيتى يا رونى من اول نظره ليكى خطفتينى وودتينى لدنيا تانيه .
دانيا حلمت بيها واستنيتها واتمنيتها وكنت مستعد استناها طول عمرى عشان احس بيها والاقيها .
حبيتك حب عمرى ما حبيته لانسان .
حبيتك وبقيتى كل الناس واولهم واخرهم فى قلبى .
خطفتينى بنظره .طيرتى قلبى بكلمه .جننتينى بضحكه .
حبيتك واتمنيتك وبقيتى ليا .
كنت بحس ان حبك ده زى الماسك فى ايدى ميه .
عمره ما يقدر يمسكها .
كان نفسى تبقى ليا حتى لو ابيع الدنيا كلها .
حتى لو اغير حياتى .حتى لو بقيت انسان تانى .
كل ده من نظره ملكتينى فيها .
وبعد ما بقيتى ليا ما قدرتش ابعد عنك من اول كلمه ولمسه لايدك .
حسيت انى لو سبتك هسيب روحى .
قولتلك تعالى معايا وانا خايف وقلبى بيتنفض زى الطير المدبوح .
خايف ترفضى .كنت مرعوب .
اصعب لحظه الكنت مستنى فيها موافقتك .
ملكت الدنيا بكلمه منك .
حبيتك قوى يا رونى وازداد حبك جوايا بقربك .
نسيت كل الحواليا ومعاهم احزانى .
ولولا انى مضطر انى اروح التدريب صدقينى ما كنتش افارقك لحظه واحده .
دمعه منك كانت كفيله انها تكوينى وتكوى قلبى .
انا مش عارف احيانا بحس انى فاضلى للجنون شعره .
حسيت الدنيا اتهدت لما شفت محمود علوى وهو فى الشاليه وواقف وانتى مسنوده على الحيطه وهو محاوطك باديه .
بالرغم من انه ما لمسكيش الا انى حسيت ان قلبى فى اللحظه دى هيخرج من مكانه .
وما خدتش بالى من خوفك وما شفتش الا راسك البتتهز بالموافقه لكلامه .
ولما سمعت وهو بيقولك انه بيحبك .
وانه هيبقى الراجل الوحيد الفى حياتك .
عارفه يا رونى احساسى وقتها .
كنت حاسس انى سراب .
حسيت انك مسحتينى من الوجود وماليش اثر .
حسيت ان وجودى وهم .
عمرى ما اتكسرت قد اللحظه دى .
حسيت انى متهان ومن مين .منك يا اغلى الناس .
وجعتينى قوى يا رونى وما حستش بالبعمله فيكى. حسيت انه مش انا البيعمل فيكى كده .
كل ما احاول اسيطر على غضبى تكوينى دموعك وصوتك واحس انك بدافع عنه ضدى .
بحس انك بتكدبى عليا .
قلبى قالى لحظه اصدقك بس رجع مات لما رجعلى صوته وهو بيقولك انه الراجل الوحيد فى حياته .
كسرنى قوى .
انا كنت عارف انى بغير عليكى حته من النظره ؛ مش الكلمه ولا الفعل بس.
كنت بغير من الهوا .
وكتير بيبقى نفسى احبسك عن عيون الناس .
مش عايز يعرفوا بوجودك .
حاسس انك كنز غالى والكل هيطمع فيه .
وانتى فعلا نادره .
وعنيا ما شافتش غيرك من كل بنات الكون .
YOU ARE READING
احببته وكرهت سجاني
Teen Fictionهنا في هذا البيت وهذه الشقة وهذه الغرفة تسكن روني بطلة هذا القصة ذات 20 عاما ذات نسبة من الجمال الكل يحبها لأنها لديهامن البراءة ما يكفيها ليتفت الناس للاستماع لها وقلبها لا يحمل سوى الحب فقط لكل الناس التي تعرفم ام لا وفي الجهة المقابلة يوجد ول...
