متاهة مشاعر

البارت الخامس

#متاهة_مشاعر

للكاتبة _مهرة
خلصت أستراحة عُمر ورجع لبغداد دخل للشركة وفات على مكتبة
كنعان : السلام عليكم
عُمر : وعليكم السلام شخبارك
كنعان : تمام الحمد لله أهلنه شونهم
عُمر : بخير يسلمون عليك بشر شسويت على مناقصة الدور السكنية
كنعان : قدمنه العرض واليوم الأجتماع
عُمر : بيا ساعة الأجتماع
كنعان : ساعة ٢ بعد منخلص الدوام نطلع
عُمر : أنه عندي شغله ١٢ أگضيها و أرجع
كنعان : تمام
دگ التلفون ، دحگ عُمر المتصل أحمد أبتسم الو ...
أحمد: السلآم عليكم
عُمر : و عليكم السلام
أحمد : وصلت بسلامة
عُمر : اي الحمد لله
أحمد: ....
عُمر : ههههه يول أحچي من الأخير
أحمد : عُمر اليوم تمر على وسام
عُمر : دگول هيج من البداية عبالي ضال بالك عليه هههههه أثاري كولو مصالح
أحمد: اووو عُمر أنه ضال بس أفكر و أنت بس تضحك عليه
عُمر : اليوم الساعة١٢ امرلو
أحمد: عُمر أنتضر منك أتصال خويي لا تگطع بيه
عُمر : ماشي بس أطلع من وسام أتصل بيك

للكاتبة _مهرة
@mohra_9_30
‏
بدأ عُمر يخلص شغلو الي متركم عليه
صارت الساعة ١٢ طلع صعد سيارتو وتوجه لبيت وسام
أتصل عُمر بوسام كالو أنه جايك للبيت
وصل عُمر وستقبله وسام وفتح الوضوع ويا
وسام: عُمر البنيه متربيه ويه اختي واحنه أكثر من أهل أتوكلو على الله
و رجعلي خبر حتى أخلي الوالده تحجي ويه أمها
عُمر : خير أن شاء الله عجل أنتظر مني أتصال يله أنه أترخص بعد
وسام : وين أبقى ع الغده عُمر
عُمر : دايمه أن شاء الله بس والله عندي شغل ما أگدر
وسام : كل الهلا بيك
عُمر صعد سيارتو و براس الفرع دحگ سارة راجعه من الدوام أبتسم تذكر أحمد
وشلون هاي البنيه أخذت گلب أخو
عُمر گال بنفسو الله يبليني بعيون مثل عيونج
سارة : رجعت من الدوام وشفت صديق وسام طالع من الفرع مالتنه بسيارته وأني گلبي گام يدگ دمام بي النوب أبتسملي واني يادوب گمت أشوف طريقي ما اعرف شلون صيطرت و ما وگعت بالشارع احس نفسي عرگت و ما اعرف امشي لو أوگف ، دخلت للبيت وگبل رحت خسلت وجهي بمي بارد

عُمر :الو هلو أحمد هسه طلعت من وسام و گول ميحتاج تسألون ع البنيه أدب و أخلاق و شرف
أن شاء الله من ارجع نگضي السالفة
أحمد : عُمر صدك تحجي هيج وتصير هاي أم عيون الحلوات الي
عُمر :هههههههه يول هسه شفتها راجعه للبيت وتذكرتك
أحمد : اوف عُمر لو ماخذ يعيوني وياك
عُمر : يول هيج وگعتك بعيونها هههه
أحمد : اريد همتك بعد خوك
عُمر : والله لزفها بيدي ألك بحيل الله
أحمد : كفو منك يالغالي

للكاتبة _مهرة
@mohra_9_30
‏