متاهة مشاعر
للكاتبة مهرة
في غياهبِ الوحدة
و وحشة الليل
و غربة الروح
ضجيج لا يهدئ أبدا
بعد موت أحمد و غياب سارة من بيت أبو عُمر صار البيت موحش خيم عليه الحزن بعد ما مر أسبوعين عُمر رجع لبغداد و أبو عُمر رجع لشغلة البنات متركن أمهن لان أم عُمر هواي تأذت على فراك احمد يوميه تجي وحده منهم الصبح تبقى لحد ميرجع أبو عُمر ، يخابرون سارة يوميه يحجون وياها يوصونها على نفسها و على طفلها ابد مگطعو اتالصهم بيها
سارة متطلع من غرفتها حتى صوتها ميطلع أمها و ابوها حايرين بيها يجبروها جبر حتى تاكُل اخوها علي يجي يگعُد يمها يسولف وياها يحاول يطلعها من الي هي بي مريم صديقتها ابد معافتها يوميه تجيها
سارة نايمه على سريرها وحاضنه قميص أحمد
:احمد حبيبي شتاقتلك ... فراگك أذاني ، مشاتقلي حبيبي
تعالي بحلم خل انام بحضنك أشمك حبيبي والله تعبت
بجت لحد التعب و نامت و دموعها على خدها
بالأربعين أبو سارة و أمها أخذوها لقبر احمد قبل يموصلون بيت أبو عُمر لان هي بفترة عده
گعدت يم قبره دموعها تجري
:حبيبي شتاقتلك ، تسمعني حبيبي ، والله فراگك تعبني و اذاني ، مشتاقيت لحبيبتك ، شتاقيت لصوتك ياروحي ، شتقيت لحضنك حبيبي ، حبيبي والله خلص صبري ،شلون أتعود على فراگك ، بچت لحد ما صوتها تجرح
:لج ماما كافي لا تعذبينه بدموعج كافي حبيبتي شو گومي يله
أم عُمرو أبو عمر كل شهر يرحون لسارة يتطمنون عليها و تاخذونها هما للدكتوره حتى يتابعون حالة الطفل ، سارة طلع بيها ولد ، فرحو أهل أحمد ، لان ولد يشيل اسم احمد ، وميموت ذكره
أم عُمر : يمه سارة هسه انتي بشهرج الآخير من تحسين بالولادة تخابريني باي وقت حتى اجيج
:عمه والله تعبتكم وياي
:ول يمه والله انتي بمعزت بناتي أنتي من ريحت الغالي
:جابت سارة و أم عُمر و أبو عمر و رنا و وياها و عُمر ينتظر بره..
سمت ابنها (يزن ) لان هذا الاسم جان عاجب أحمد ،حضنت ابنها وبچت تحس جزء من احمد رجعلها ...
:أبو عُمر شال ابن احمد باسه براسه و كبر بإذنه
أم عُمر أخذته بحضنها وتبچي تشم بي هذا بي ريحت أحمد هذا البقا من احمد
يمه سارة عُمر يريد يدخل يشوف ابن اخو
أم سارة : عُمر مو غريب خل يدخل
:دخل عُمر سلم وهو مدنك ،من فاتحة احمد بعد ما شاف سارة أخذ (يزن) لحضنه وتحمد لسارة بالسلامة بس من لمح سارة تفاجئ بيها شلون متغيره وين ذبچ البنيه الچانت مثل الورده شمسوي بيها الحزن ؟!!
:سارة ابنها ملا عليها حياتها تعودت على فراك احمد بس ما نسته تخلي ابنها بحضنها وتضل تسولفله على أبوه على أيامها ويا احمد تبقى تسولف وتطلع كلشي بگلبها لأبنها
للكاتبة _مهرة
@mohra_9_30
بيت أبو عُمر تعلقو كُلش بهل طفل وأول حفيد الهم و ابن احمد، كل ما تصير فرصه يجوها مرات كل أسبوع تجي أم عُمر ، مرت الأيام وصار عمر يزن أبع أشهر
YOU ARE READING
متاهة مشاعر
Romanceگعدت واني مدنگه ما اعرف شبيه عبالك اول مره أشوفه لو أگعُد مقابيله و أكُل ، حاولت أتجاهل وجوده ، بس وين واني أحسن نبضات گلبي يدُگن بإذاني ، داحس عيونه عليه تراقبني ، اريد اكذب إحساسي ، رفعت راسي ، وطلع إحساسي ميكذب ، شفت عيونه عليه ، تمنيتكم تشوفون...
