متاهة مشاعر

البارت التاسع

متاهة_مشاعر
#للكاتبة _مهرة

بهاي الفترة بدت أمتحانات سارة النهائية و بيت أبو عُمر ديحضرون لزواج أحمد
أحمد : الووو حبيبي
سارة:هلو حبيبي شلونك
أحمد : همزين اتذكرتيني
سارة: حبيبي لتگول هشكل والله تقهرني أنت تعرف شگد مشتاقتلك حچت وعيونها انملت دمع
أحمد : سرو حبيبي شبيج ليش صوتج مخنوگ
سارة : مابيه شي بس شتاقتلك صار أسبوع مسامعة صوتك و أنت بالچذب رسالة مدزيت
أحمد : يول حبيبي لتخليني هسه أصعد سيارتي وأجيج والله
سارة : لا .. بس خل أشبع من صوتك
أحمد : باچر أخر امتحان ؟
سارة : أي
أحمد : اوووف شيخلصو هذا الأسبوع حتى تجين يمي ...
حبيبي اليوم كملت غرفتنه و أهلي يحضرون للعزيمه مال العرس  حتى وكت ماعندي ،، ارجع بالليل تعبان بس اريد اكل لگمه و انام
سارة : ياعمري و أني اگول شبي أحمد ميتصل شنو مل مني
أحمد : ول حبيبي هنه عيونج ينملن ،حبيبي هسه انه راح اطلع عندي شغل
سارة : الله وياك حبيبي

للكاتبة _مهرة
@mohra_9_30
طبعا سارة خلصت أمتحانات و نشغلت بتحضيرات عرسها
اليوم حنت أحمد و سارة و كل واحد منهم مشغول يتحضر للحنه
سارة : عزمت صديقاتها و أقاربها و معارفهم لابسة بدله لونها تفاحي و مكياج خليجي طالعه اتجنن
خلصت حفلتها و راحو المعازيم ودخلت لغرفتها تنزع البدله ( رن تلفونها هي خالااا نغمه خاصة لأحمد )
سارة : حبيبي
أحمد : عيونو لحبيبيج ها خلصت حفلتكم
سارة : أي حبيبي خلصت
أحمد : عجل وين الصور الي وعدتيني تدزيهم و أنتي ببدلت الحنه
: هسه ادزهم آلك
أحمد : يله أنتظرج وأن شاء الله باجر أنتي يمي عروستي
سارة : حبيبي والله خايفة ما اعرف شبيه
أحمد : حبيبي لتقلقيني شبيج
: هسه لو أنت قريب يمي جان حضنتك و رتاحيت
: يول هو انه شايطه روحي خليني صابر هاي لليلة 
: ههههه يله بعد ما احچي بس من تخلص حفلتك أنتظرك اتخابرني
: ماشي يروحي يله في أمان الله
: الله وياك حبيبي
بيت أبو عُمر متجمعه عليهم أقاربهم حنه أحمد بالحديقة لان حديقتهم كولش چبير أحمد رجع من الحلاق ودخل بغرفته ديبدل راح تبتدي الحفلة مالته و أخواته يهلهلن و يرگصن و أم عُمر فرحانه لابنها وهي تشوف الضحكه على و جهه و ولد عمه ديرتبوله بالرباط أحمد كمل و طلع من غرفته و عُمر لبس دشداشة و غتره و عگال و نزل من غرفته أم عُمر عيونها أنملت دمع وهي تصلي ع النبي و تحصن ولدها من العين و تقرأ عليهم المعوذتين
(والله حقها أم عُمر تخاف عليهم من العين شلون عدها ثنين عُمر و أحمد )
:حضنها أحمد يالغالية ليش هل دموع
: دموع فرحتي بيك وليدي الله يحفظك و يسعدك
عُمرباس راس أمه و گال لأحمد يله عريسنه خل نطلع للولد طلعو و اخوتهم يهلهلن وراهم وبدا الچوبي و الرمي و عُمر سبحته بيده برأس الچوبي ( فدوه لربك شگد هيبه)
للكاتبة _مهرة
@mohra_9_30
ثاني يوم حضرو سيارات للزفة
عُمر: كنعان أنت تسوق سيارتو للعريس
أحمد : ليش عُمر أنت مو وعدتني تزفني
عُمر : أبويه يروح وياك و أنه أبقى هين ميصير انروح أثنينه و بالليل أنه أزفك لعروستك
يله توكلو على الله الطريق طويل ، كنعان ماأريد سرعة
لبس أحمد قاط أسود و قميص ابيض و الرباط أسود
سارة : لابسة بدله افوايت و مكياج خفيف و شعرها بقته أسود
سارة من سمعت الهورنات مال الزفه خافت و گامت ترجف بس من دخل أحمد و الضحگة ماليه وجهه نست كل الخوف و بتسمتله گعد أحمد يمها وتقرب علي أذنها حبيبي طالعه اتجننين ، بحلات عيونك حبيبي ،أحمد بأسها من گصتها و نزل البرگع على و جهه و طالعو
الطريق كوله أحمد يسولف وياها ويهمسلها بمخططاته لهاي الليلة  وهي تحاول تسكته لان يخجلها و كنعان يسوق بسيارتهم
وصلوا للبيت عُمر واگف بالباب وبيده البرنو يرمي بأيد وحدة ومبتسم شاف برگع العروس خفيف فتح الباب الخارجي وگال كنعان دخل السيارة للطرمه
( بالبارت الجديد أكتبلكم ع الليلة الحمره لأحمد و سارة 🔥🙈)
للكاتبة _مهرة
@mohra_9_30